YOHANES 18:11 - KITAB NU TUMPU ALLA LELE MA'IMAI'

¹¹ Sahingga i Yesus notatae hi Petrus, “Po'ule' posalung na bajakum i guma'nyo! Pa' koyum o Aku madi' sida monginum galas kasansala'an anu binee' nu aha Tuuma hi beleng-Ku?”

YOHANES 18:11 ပူးပေါင်းရင်းမြစ်များ

2 SAMUEL 16:10

Panyo notatae na i tomundo' hi Abisai ka' hi Yoab utusnyo tu'a, “Boli mohongo-hongo. Pojohokmo da nu totobi'akon mae na aku. Saba de Tumpu na mompokau ia, ihe na timbali moko ala mompokilawa, kadaka' ia nombaumo anu sumo aijo'?”

MAZMUR 75:8

Panyo posi Tumpu ahi' na momputusi ulusan, Ia na mompototu'u samian ka' mompisala'i sangga'at.

YEHEZKIEL 23:31

Beleyum nontihomo kalakuan nu utus tu'a nu beleyum, kalana aijo' beleyum Ku hukumo nu hukuman anu pokakana.”

MATIUS 20:22

“Komiu madi' monsumbu' apaa na anu opoita miu,” koo-Nyo i Yesus hi aha. “Opoko ala miu na monginum i mangko' kasansala'an anu tionyo Ku'inum?” “Opoko ala,” tinaaman nu aha.

MATIUS 26:39

Lapas aitu, i Yesus namba gagana' majo'on, lantas Ia tinolodadupumo i tano' ka' binalado'a. “Kita Tuuma”, Ia notatae, “de timbali pojo'onakon mae hi beleng-Ku na kasansala'an-Ku anu tionyo Ku oa'i aijo'. Panyo boli mombatuki pongka'oho'-Ku, panyo batukimo na pongka'oho' nu Kita Tuuma.”

MATIUS 26:42

Po'ule' mule' i Yesus namba binalado'a, Ia notatae, “Kita Tuuma, de kasansala'an aiya tionyo Ku oa'i, ka' madi' opoko pojo'onakon, bakas pongka'oho'mo nu Kita Tuuma na jadi.”

LUKAS 12:30

Hahan sumo aijo' nu tumput nu mian anu madi' monsumbu' Tumpu. Padahan Tuumaum, monsumbu', komiu mompalalui iwi-iwi' aijo'.

LUKAS 22:42

Lantas tinolodadupu ka' binalado'a. “Tuuma,” na koo-Nyo, “de timbali opojo'onakon hi beleng-Ku na sansala anu tionyo Ku oa'i aiya. Panyo boli o ala i pongka'oho'-Ku, o ala ahi' samata-mata i pongka'oho' nu Kita Tuuma.” [

YOHANES 15:10

De komiu monjalanakon iwi-iwi' na palentah-ngKu, komiu saja' montuluti pongkalibosing-Ku, pokakana sumo Aku saja' montuluti pongkalibosi nu Tuuma, kalana monjalanakon palentah-Nyo iwi-iwi'.

YOHANES 17:24

Kita Tuuma, Ku kahanda'i da aha anu binee'mo nu kita Tuuma hi beleng-Ku mogalum ka' Aku i tampat kajojoongan-Ku, da aha montoa kadaka'an-Ku; aijo'mo kadaka'an anu binee' nu kita Tuuma hi beleng-Ku, kalana kita Tuuma mongkalibosi Aku ma'isa pe'e dunia aiya pinotimbali.

YOHANES 18:36

I Yesus notatae, “Kalaja'an-Ku misa' lengkat i dunia aiya. Maluannyo kalaja'an-Ku lengkat i dunia aiya, to mia-mian-Ku tantu tionyo montinjohi da Aku boli obee' hi anu mongkuasai Yahudi. Panyo memang kalaja'an-Ku misa' lengkat i dunia aiya!”

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

2 KORINTUS 10:4

Posadiaon toongon anu opake mami i uno nu usaha mami misa' posadiaon toongon nu dunia aiya, panyo posadiaon toongon nu Tumpu Allah, anu matangkas na kuasa-Nyo. Tiba posadiaon toongon haha aijo' kami monggalisi to bente-benteng; pompedas mami de kami painggagamo,

2 KORINTUS 6:7

ka' mombebakon lele anu lengkat mae hi Tumpu ka' tiba kuasa nu Tumpu, kami nompotoamo saba' kami aiya aijo'mo to posa-posaihon nu Tumpu. Kami mintoong i kahanda' nu Tumpu bau salaku toongon mami monggagakon kabai mule' bau pontinjohi butong mami.

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.