YOHANES 18:1 - KITAB NU TUMPU ALLA LELE MA'IMAI'

¹ Noko binalado'a na i Yesus sumo aijo', Ia tiba anu saja' mombatuki Ia nambamo nokiijo' i santoa nu Kaunyo Kidron. I kiijo' daagi' ko sa'angu' na taman. Ka' i Yesus tiba anu saja' mombatuki Ia ninsoopmo i tampat aijo'.

YOHANES 18:1 ပူးပေါင်းရင်းမြစ်များ

KAJADIAN 2:15

Lapas aijo' Tumpu Allah nompojoongmo manusia aijo' i taman Eden da mompalakai ka' monjagai taman aijo'.

KAJADIAN 3:23

Sahingga i laa'mo nu Tumpu Allah na manusia nosabat i taman Eden ka' nompokaumo mongusahakon tano' anu pinolengkatannyo mae aijo'.

2 SAMUEL 15:23

Iwi-iwi' na aha mian da'isan ihumaangmo ka' nolotando'mo, salatan aha nompala'imo kota'. Lantas i tomundo' notaapmo i panga' nu Kaunyo Kidron ka' suele binatukanmo nu to sulu-suludadunyo lantas i lumajangmo na aha nokiijo'mo i padang anu mateges.

1 TOMU-TOMUNDO' 15:13

Kele'nyo i Maakha pinobelentinyomo i pangkatnyo da boli mo saja' Mombee'i sonto' bapilogot, kalana ia nombaumo patong nu pilogot Asyera anu masala', pilogot boune anu moko lumba' sosu'anon. I Asa nohobo'akonmo bapilogotan haha aijo' ka' pinapuaannyomo i Bangka'nyo nu Kidron.

1 TOMU-TOMUNDO' 2:37

De beleyum baani mosabat ka' mamba motaap i panga' nu kaunyo Kidron, beleyum o pateimo; ka' posi beleyum na montanggung kasala'an aijo'.”

2 TOMU-TOMUNDO' 23:12

Mezbah haha aijo' anu binau nu to tomu-tomundo' nu Yehuda anu aita i atopnyo i bawo nu to sali-salipi' i Tomundo' Ahas, ingideannyomo Ka' suele iwi-iwi' na mezbah anu binau i Tomundo' Manasye anu aijo' i ohu-ohua' na natan nu Laigan nu Tumpu, ingideanmo i Yosia ka' ingalinnyomo i Bangka'nyo nu Kidron.

2 TOMU-TOMUNDO' 23:4

Lapas aijo' pinalentahmo i tomundo' na Imam Daka' Hilkia, to ima-iamam anu lewa' mompaha tulungi Imam Daka' tiba to mia-mian anu monjagai ka' mokalaja i sabatan nu Laigan nu Tumpu, da mosabatakon iwi-iwi' na pakakas anu kiijo' i uno nu Laigan nu Tumpu anu opake monsombah Baal, Pilogot boune Asyera, tiba manda-mandala'. Iwi-iwi' na pakakas aijo' pinapuan i Tomundo' Yosia i sambiha' nu kota' koko Bangka'nyo nu Kidron, lantas abu'nyo binoamo i Betel.

2 TOMU-TOMUNDO' 23:6

Patong Pilogot boune Asyera anu kiijo' i Laigan nu Tumpu sinabatakonnyomo, ka' binoanyomo i Bangka'nyo nu Kidron i sambiha' nu kota'. I kiijo' mae na pinompapuian patong haha aijo', lantas buhingnyo inguja'mo sahingga nohimumu'mo hondo-hondo, ka' abu'nyo kinakambuhakonmo i kubulan nu mian da'isan.

2 TAWARIKH 15:16

Lantas pinobelentinyomo na kele'nyo i Maakha da madi'mo bapangkat salaku Totina anu mombee'i sonto', kalana ia nombaumo patong nu pilogot anu masala' bau pongadati pilogot boune Asyera, anu mompolumba' sosu'anon. I hobo'akonmo i Asa ka' ingideannyomo na patong aijo' ka' pinapuannyomo i Bangka'nyo Kidron.

2 TAWARIKH 30:14

Iwi-iwi' na mezbah i Yerusalem anu opake monsombahkon koloban ka' pompapuan kamangian osombahkon hi to pilo-pilogot iwi-iwi' ingalamo iwi-iwi' ka' ingalinmo i Bangka'nyo nu Kidron.

NEHEMIA 2:15

Jadi kami nokaiyongmo i Bangka'nyo nu Kidron ka' namba mule' pihi-pihi aitu ka' nompalesamo pagan mesen nu kota'. Ilapas na aijo' kami nobalikmo ka' ninsusule'mo i kota' nontulu Sabatan Daka' Bangka'nyo.

YEREMIA 31:40

Songko-songko na bangka'nyo aijo' anu pinakemo salaku lewa bau polamunan mian ka' bau tampat pongalinan duhehe ka' mule' iwi-iwi' na ale' isonibi nu Kaunyo Kidron toka-toka i Sabatan Daka' Ajahan namba isasu kabete'an aijo' binee'mo samata-mata bau kapentingan-Ku. Kota' Yerusalem madi'mo daagi' ohobo'akon kabai ohansuni.”

IMAMAT 2:6

Roti anu osombahkon aijo' tionyo ahi' o taya-tayap lantas odudu'i mo nu lanya' nu zaitun.

MATIUS 26:30

Lapas aitu, aha nonyanyiakon sa'angu' na nyanyian mompuji'. Ka' lapas aitu, aha nambamo i Bungkutnyo nu Zaitun.

MATIUS 26:36

Lapas aitu, i Yesus nambamo tiba anu saja' mombatuki Ia, i sa'angu' na tampat sanggonyo Getsemani. I kiijo' mae Ia notatae hi aha, “Suhangmo i aiya hau-haunyo Aku mamba balado'a.”

MARKUS 14:26

Lapas aijo' i nyanyiakon nu aha na sa'angu' na nyanyian pompuji'. Ka' ilapas aijo' aha nambamo nokiijo' i Bungkutnyo nu Zaitun.

MARKUS 14:32

Aha tinoka i sa'angu' na tampat anu osanggohi Getzemani, ka' i Yesus notatae hi anu saja' mombatuki Ia, “Suhangmo aiya hau-haunyo Aku mamba balado'a.”

MARKUS 14:42

Bulaamo, imbo' da kita mambamo. Toa! Mian anu mongkabisa' i Aku tinokamo!”

YOHANES 14:31

Panyo iwi-iwi' aijo' tionyo timbali da nu sumbu' nu dunia, taalu' Aku mongkalibosi Tuuma ka' mombau iwi-iwi' anu pinalentakon nu Tuuma hi beleng-Ku. Yoh, imbo' da kita mambamo lengkat i aiya.”

YOHANES 18:26

Samian na posaihon nu imam daka', aijo'mo julu mae nu mian anu bihingnyo sinandingakon i Petrus notatae, “Te misa' aku nontoa beleyum i tampat sisinu'anan kau' bunga-bunga anu lewa-lewa' basanaangan no'imboa tiba Ia?”

SISIKON NU TO RASUL-RASUL 21:11

Ia tinoka hi kami lantas nongala pombutu' i Paulus. Tiba pombutu' aijo' ia nonsegoti tengke ka' limanyo lantas notatae, “Aiyamo na anu tinaloakon nu Roh nu Tumpu: Tumpunyo nu pombutu' aiya o puuti sumo aiya i Yerusalem nu to mia-mian Yahudi, ka' o bee' hi to mia-mian anu misa' Yahudi.”