YOHANES 17:8 - KITAB NU TUMPU ALLA LELE MA'IMAI'

⁸ Pinoto'ingkumo hi aha na potatae nu kita Tuuma anu binee'mo hi beleng-Ku; ka' tinalimanyomo nu aha. Sinumbu'mo nu aha taalu' Aku tinoka mae totu-totu'u lengkat hi kita Tuuma ka' aha nompalesayamo taalu' kita Tuuma na nonsai mae Aku.

YOHANES 17:8 ပူးပေါင်းရင်းမြစ်များ

AMSAL 1:23

Potombihing mae na aku de aku mompisala'imo beleyum sahingga ku poto'imo hi beleyum na isi nu kinyonyoangku ka' ku pogulu'mo na ilimu'ku.

AMSAL 1:3

Pokinde' haha aijo' mompogulu' mosia na mian tumuu' ka' pande, hodi' na kinyonyoanyo, adin ka' totu'u.

AMSAL 2:1

Otalima na pangajalanku iwi-iwi', o anakku, ka' sabole-bole otutugi' na pokinde'ku iwi-iwi' hi beleyum.

AMSAL 4:10

Potombihing mae na aku, o anakku! O'intomakon ima-ima' na to poki-pokinde'ku, sahingga mantan na umun nu beleyum.

AMSAL 8:10

Ohalagai na pokinde'ku, nulingkudui na salaka anu madi' kogalo'nyo. Opentingkan na ilimu' nu lingkudui na mosoni' anu madi' kogalo'nyo.

MATIUS 13:11

I Yesus nontaami, “Kalana komiu binee'anmo balakat da monsumbu' lahasia anu mongkona mosia na Tumpu mompalentah, panyo aha i madi'.

YOHANES 12:49

Kalana Aku madi' motatae lengkat i posi pongka'oho'-Ku; Tuuma anu nonsai mae Aku, iamo na nompalentakon hi belengku apaa na anu tionyo Ku taloakon ka' Ku potoka.

YOHANES 14:10

Filipus! Te madi' nu palesaya, na Aku mosa'angu' tiba Tuuma, ka' Tuuma mosa'angu' tiba Aku? Apaa na anu Ku taloakon hi beleyum, misa' ku taloakon lengkat hi posi butongku. Tuuma anu tataap mosa'angu' tiba Aku. Iamo na anu nombau iwi-iwi' aijo'.

YOHANES 15:15

Komiu madi'mo Ku laga botuan, kalana botuan madi' monsumbu' apaa na anu hau-haunyo nubau nu tuannyo. Komiu Ku laga bela' kalana iwi-iwi' na anu i hongong-Ku lengkat mae hi Tuuma, pinoto'ingkumo hi komiu.

YOHANES 16:27

Kalana posimo Tuuma na mongkalibosi komiu. Ia mongkalibosi komiu, kalana komiu mongkalibosi Aku, ka' palesaya saba' Aku lengkat mae hi Tumpu.

YOHANES 16:30

ka' osumbu' mami te Tumpu monsumbu' iwi-iwi'. Madi' pilenje samian mompokilawa apa-apaa hi Tumpu. Kalana aijo' opalesaya mami Tumpu nolengkat mae hi Tumpu.”

YOHANES 17:14

Aku nompoto'iakonmo hi aha potatae nu kita Tuuma, ka' dunia nongka'idekimo aha, kalana aha misa' anu nu dunia, pokakana sumo Aku suele misa' anu nu dunia.

YOHANES 17:18

Sumo kita Tuuma nonsaimo Aku mamba i dunia, sumo aitumo suele na aku monsai aha mamba i dunia.

YOHANES 17:21

Ku poita kita Tuuma, da aha iwi-iwi' timbali mosa'angu', susumo kita Tuuma mosa'angu' tiba Aku, ka' Aku tiba kita Tuuma. O'amalakon da aha timbali mosa'angu' tiba Kita, da dunia palesaya taalu' kita Tuuma na nonsai mae Aku.

YOHANES 17:23

Aku tiba aha, ka' kita Tuuma tiba Aku, da aha totu-totu'u sa'a-sa'angu'. Sahingga dunia monsumbu' taalu' kita Tuuma na nonsai mae Aku, ka' taalu' kita Tuuma mongkalibosi aha, sumo kita Tuuma mongkalibosi Aku.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

YOHANES 3:17

Kalana Tumpu nompokau mae Anak-Nyo misa' da mohukum dunia aiya, panyo da momposalamat.

YOHANES 3:33

Mian anu palesaya hi anu sinakisian-Nyomo aijo', mongakui saba' Tumpu aijo' totu'u.

YOHANES 6:68

“Kita Tumpu,” na koonyo i Simon Petrus hi Ia, “Hi ihe na kalambanan mami? Potatae nu Kita Tumpu mombee'i kantumuu'an anu talakana' ka' toka sidu-sidutu'.

YOHANES 8:42

Lantas i Yesus notatae hi aha, “De Tumpu aijo' Tuumaum, komiu tionyo mongkalibosi Aku, kalana Aku tinoka mae lengkat hi Tumpu. Aku madi' tinoka kalana posi pongka'oho'ku, panyo Ia anu nonsai mae Aku.

1 KORINTUS 11:23

Kalana pinogulu'akonkumo hi komiu, aijo' ihumpaku lengkat mae hi Tumpu: aijo'mo pihi-pihi salatan i Yesus, Tumpunto kinabisa'anmo, Ia nongalamo roti,

1 KORINTUS 15:1

Ka' uuka aiya, to Utu-utus, gagalanku komiu po'ule' pe'e monginau' Lele Ma'ima' lengkat mae hi Tumpu anu pinolelengkumo u'utu mae hi belemiu. Komiu nontalimamo ka' nompalesayamo i Kristus, kalana Lele Ma'ima' aijo'.

PO'ULE' INGULIT 18:18

Anu aijo' i posi bansa nu aha na Ku sai mamba hi aha aijo'mo samian na nabi susumo beleyum. Ku poto'ije hi ia apaa na anu tionyo ahi' nu poto'i lantas nu poto'ije i bansa aijo' iwi-iwi' na anu Ku palentahkonmo.

1 TESALONIKA 2:13

Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

1 TESALONIKA 4:1

Ahennyo to Utu-utus kami nombee'imo sonto' hi komiu, mosia na komiu tionyo tumuu' da momposanang kinyonyoa nu Tumpu. Memang komiu tinumuu'mo sumo aijo'. Panyo uuka aiya kalana kuasa nu Tumpu Yesus opoita mami totu-totu'u hi komiu da mompaka bala usaha mule' i han anu sumo aijo'!

1 YOHANES 4:14

Kami nontoamo Anak nu Tumpu, ka' kami nompolelemo Ia, anu sinai mae nu Tuuma da timbali Tomundo anu Momposalamat dunia aiya.

ANU PINOTO'I HI YOHANES 1:1

Isi nu kitab aiya, mongkona apaa na anu pinoyata'mo i Yesus Kristus mongkona to hahan anu saidi' mae jadi. Tumpu nompoto'imo hi Kristus da Ia mompotiju'akon hi to posa-posaihon nu Tumpu apaa na anu malia'mo, tionyo jadi. I Kristus nonsaimo malaikat-Nyo hi Yohanes, posaihon-Nyo aijo' da mompoto'iakon han haha aijo' anu timbali hi ia.