YOHANES 17:6 - KITAB NU TUMPU ALLA LELE MA'IMAI'

⁶ Aku nomposumbu'mo kita Tuuma hi to mia-mian i dunia aiya anu binee'mo nu kita Tuuma hi beleng-Ku. Aha, kita Tuuma na tumpunyo, ka' kita Tuuma nombee'mo aha hi beleng-Ku. Aha nohongo-hongomo potatae nu kita Tuuma.

YOHANES 17:6 ပူးပေါင်းရင်းမြစ်များ

MAZMUR 119:11

Pangajalan nu Belento ku una'mo i uno nu kinyonyoangku da aku madi' baladosa' hi Belento.

MAZMUR 22:22

Aku madi'mo moko ala mombau apa-apaa, potuu'akon mae na aku da madi' nutanduk nu sapi' ka' mule' da madi' nusa'u nu singa.

NOSABATMO 9:16

Panyo belemiu Ku pobee' tumuu' da timbali Ku potoa na kakuasa'an-Ku hi belemiu, sahingga sanggong-Ku talasanggo i songko-songko na dunia.

AMSAL 2:10

Beleyum timbalimo pande ka' ilimu' nu beleyum momposanangmo kinyonyoa nu beleyum.

AMSAL 23:23

Pangajalan anu totu'u, kapandean bapikin, pokinde ka' pangalati'an – iwi-iwi' aijo' tionyo ahi' o'oli, panyo lebe ma'ima'i boli opobaluk.

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 12:28

Tuuma popodaka' na sanggon-To!” Lantas i hongo na potatae lengkat i langit nontaloakon, “Pinopodaka'-Kumo, na sanggo-Nyo ka' po'ule'je Ku popodaka' na Ia.”

YOHANES 15:19

De komiu dunia na tumpunyo, komiu nukalibosi nu dunia, kalana ia na tumpunyo. Panyo Aku nompile'imo komiu lengkat i dunia aiya, sahingga komiu misa'mo anu nu dunia. Mokonyo aitu dunia mongka'ideki komiu.

YOHANES 15:3

Komiu binalasinmo, kalana pokinde' anu binee'-Ku hi komiu.

YOHANES 15:7

De komiu saja' mosa'angu' tiba Aku, ka' pangajalan-Ku maninguna' i kinyonyoaum, poita hi Tuuma mau mule' apaa na o kahanda'i miu; anu opoita miu atina' tantu obee'.

YOHANES 17:12

Tempo'nyo Aku daagi' tiba aha, pinotuu'kumo na aha nu kuasa nu sanggonto Tuuma – sanggo anu binee' nu kita Tuuma hi beleng-Ku. Aku nompotuu'mo aha, ka' madi' ko samian pe'e nolapus, boli mompiakon ia anu memang nukonamo na molapus; da kalana aijo' ganaapmo na anu tinulis i Kitab nu Tumpu.

YOHANES 17:14

Aku nompoto'iakonmo hi aha potatae nu kita Tuuma, ka' dunia nongka'idekimo aha, kalana aha misa' anu nu dunia, pokakana sumo Aku suele misa' anu nu dunia.

YOHANES 17:16

Sumo lapangnyo Aku misa' anu nu dunia aha mule' suele misa anu nu Dunia.

YOHANES 17:2

Kita Tuuma nombee'mo kuasa mompalentah iwi-iwi' na mian hi Anak, da Ia mombee'i kantumuu'an kopian ka' toka sidu-sidutu' hi iwi-iwi' na mian anu binee'mo nu Tuuma hi Ia.

YOHANES 17:24

Kita Tuuma, Ku kahanda'i da aha anu binee'mo nu kita Tuuma hi beleng-Ku mogalum ka' Aku i tampat kajojoongan-Ku, da aha montoa kadaka'an-Ku; aijo'mo kadaka'an anu binee' nu kita Tuuma hi beleng-Ku, kalana kita Tuuma mongkalibosi Aku ma'isa pe'e dunia aiya pinotimbali.

YOHANES 17:26

Aku nompoto'imo sanggo nu kita Tuuma hi aha; ka' saja' Kubau sumo aitu, da liibos nu kita Tuuma hi beleng-Ku tataap i uno nu kinyonyoa nu aha, ka' Aku mosa'angu' tiba aha.”

YOHANES 17:7

Uuka aiya nusumbu' nu aha, taalu' iwi-iwi' anu binee' nu kita Tuuma hi beleng-Ku no lengkat mae hi kita Tuuma.

YOHANES 18:9

Salatan tinaloakon sumo aijo', tinimbalimo apaa na anu tinaloakonmo i Yesus u'utu mae: “Kita Tuuma, to mia-mian anu binee'mo nu kita Tuuma hi beleng-Ku, madi' ko samian pe'e na nolapus.”)

YOHANES 6:37

Iwi-iwi' mian anu binee'mo nu Tuuma hi beleng-Ku, toka hi beleng-Ku. Madi' Aku mongkangkang mau pe'e ihe na anu toka hi beleng-Ku.

YOHANES 6:39

Ka' aiya na kahanda'-Nyo nu anu nonsai mae Aku: Da iwi-iwi' na mian anu binee'mo hi beleng-Ku, madi' ko samian pe'e na molapus; panyo da po'ule' Kupotumuu' na aha i Sinaa Kakiamatan.

YOHANES 8:51

Totu'u hondo na potataeng-Ku aiya, mian anu mombatuki potataeng-Ku, sidu-sidutu' madi' mate.”

YOHANES 8:52

Lantas to mia-mian nu Yahudi aijo' notatae hi Yesus, “Uuka sinumbu'mo mami, Beleyum aiya totu-totu'u pininsoopanmo nu setan! I Abraham pe'e natemo, sumo aitu na nabi iwi-iwi'. Panyo Beleyum motatae, ‘Mian anu mombatuki potataeng-Ku, sidu-sidutu' madi' mate.’

SISIKON NU TO RASUL-RASUL 13:48

Tempo'nyo to mia-mian bansa sangga'at anu misa' Yahudi nohongo aijo', aha sinanangmo hondo, lantas nompuji-puji'mo potatae nu Tumpu. Ka' to mia-mian anu tinantukanmo nu Tumpu da mohumpak kantumuu'an ma'ima' ka' sampe toka sidu-sidutu', mian haha aijo' pinalesayamo.

ROMA 11:2

Madi'! Tumpu madi' mongalin mian-Nyo anu palesayamo, anu pinile'an-Nyomo salatanmo pe'e i moona. To Utu-utus monsumbu' apaa na anu tinulis i uno nu Kitab nu Tumpu mongkona i Elia, tempo'nyo ia nompotoka han anu tinimbali i Israel hi Tumpu Allah. I Elia notatae,

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

2 TIMOTIUS 1:13

Otuluti hondo-hondo na pangajalan anu totu'u anu binee'kumo hi beleyum. Ka' tionyo ahi' beleyum tataap mintoong i kapalesaya'an ka' kalibosan anu tinimbalimo anunto saba' nosa'angu'mo tiba i Kristus Yesus.

IBRANI 2:12

I Yesus notatae hi Tumpu, “Ku poto'ije hi to utu-utus-Ku na Belento. Ku poto'ije na Belento de aha singkabotmo, ipogombuan.”

IBRANI 3:6

Panyo i Kristus tinulu-tulutanmo salaku Anak anu mompangakui kalajanyo i uno nu Laigan nu Tumpu. Ka' kita aiya atina'mo na Laigan nu Tumpu, de kita tataap daka-daka' na kinyonyoa ka' tataap palesaya totu-totu'u da mohumpak apaa na anu otaha'imaninto.

1 PETRUS 1:1

To Utu-utus mian anu pinile'anmo nu Tumpu, anu nobagi-bagimo i tano' nu mian i da'erah Pontus, Galatia, Kapadokia, Asia, ka' Bitinia! Aku, i Petrus, anu tinimbalimo posaihon i Yesus Kristus, mongamanakon bisa-bisa' Tumpu mombee'i balakat ka' ka'ima'an hi belemiu molabi-labi. Komiu pinile'anmo tinimbalimo mian anu pinalesayamo hi Tumpu Allah nompotimbalimo komiu mian anu pinalesayamo ka' susi' da baumo samata-mata anu nu Tumpu, da komiu mohongo-hongo i Yesus Kristus ka' pinobelesi'mo nu baso'-Nyo.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

ANU PINOTO'I HI YOHANES 2:13

Ku sumbu' iya na kajongan miu, aijo'mo i tampat kajojoongan nu Ibilis. Komiu nohongo-hongomo Aku. Aitu pe'e tempo'nyo i Antipas, sakising-Ku anu mohongo-hongo aijo', pinateanmo i ahop miu i tampat nu Ibilis, belemiu madi' nompojalo aku, panyo belemiu palesaya ahi' hi beleng-Ku.

ANU PINOTO'I HI YOHANES 3:10

Kalana belemiu nontulutimo palentah-ngKu da totu-totu'u na kinyonyoa, Aku suele monjagaije komiu i tempo' nu kasusa'an anu mongkona songko-songko na dunia. Han aijo' saidi' mae timbali da monsobai iwi-iwi' na mian i dunia.

ANU PINOTO'I HI YOHANES 3:8

Ku sumbu' apaa na anu binaumo miu. Ku sumbu' saba' belemiu madi' talalo mahoson; belemiu nombatukimo pangajalan-Ku ka' nohongo-hongomo Aku. Kona hi belemiu tinuhea'akon-Kumo na sa'angu' na tumban anu madi' daagi' opoko tumban nu mau mule' pa' ihe.