YOHANES 17:3 - KITAB NU TUMPU ALLA LELE MA'IMAI'

³ Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

YOHANES 17:3 ပူးပေါင်းရင်းမြစ်များ

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

2 TAWARIKH 15:3

Pininmo hondo na Israel madi' tinulu-tulutan hi Tumpu Allah anu totu'u, madi'mo ko atulan anu tionyo ahi' o tuluti ka' madi'mo ko to ima-imam anu mompotiju' aha.

MAZMUR 9:10

Tumpu aijo' tampat pinsendo'an nu mian anu sinakisamo, tampat pingkongan de kasusa'anmo.

AMSAL 8:35

Ihe na montalima aku mohumpak kantumuu'an, ia nu situjui nu Tumpu.

YESAYA 48:16

Tokamo mae oha-ohani hi beleng-Ku, ka' potombihing mae, naipuan pe'e mae madi' pinohowining-Ku na nompoto'i; ka' potataeng-Ku saja' ko bukutinyo na anu Ku bau.” Uuka aiya Tumpu nonsaimo mae aku ka' kuasanya-Nyo binee'-Nyomo mae hi belengku.

YESAYA 53:11

Kalana aitu Tumpu notataemo, “Salatan lapas mo na mongoa'i kasansala'an, ia bilahije ka' sanangmo na kinyonyoanyo. Posaihon-Ku aijo', na momposanang kinyonyoang-Ku, nontanggungmo hukuman nu aha mian da'isan; kalana ia Aku mongampunimo aha.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

HOSEA 6:3

Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”

MARKUS 9:37

“Mian anu montalima samian na anak sumo aiya kalana Aku, alati'nyo montalima Aku. Ka' mian anu montalima Aku, ia misa' ola montalima Aku, panyo montalima suele Ia anu nonsai Aku.”

LUKAS 9:48

Lantas Ia notatae hi anu saja' mombatuki Ia, “Mian anu montalima anak aiya kalana Aku, alati'nyo ia montalimamo Aku. Ka' mian anu montalima Aku, montalimamo Ia anu nonsai mae Aku. Sabab mian anu talalo ise' i totonga' miu, iamo na anu talalo daka'!”

YOHANES 10:36

ka' kadaka' komiu montaloakon Aku mompopo'ise' Tumpu, kalana notataemo Aku Anak nu Tumpu? Padahan Aku pinile'anmo nu Tuuma, ka' sinaimo mae mamba i dunia.

YOHANES 11:42

Kusumbu' Kita saja' mohongo Aku, panyo Ku taloakon na aiya kona hi to mia-mian anu aiya; da aha palesaya saba' Kitamo na nonsai mae Aku.”

YOHANES 14:26

Panyo Roh nu Tumpu, pontulungi anu nupokauje mae nu Tuuma kalana sanggongku, iamo na anu mompogulu' komiu iwi-iwi, ka' mompotuka' komiu iwi-iwi' anu pinoto'iyakonkumo hi komiu.

YOHANES 17:18

Sumo kita Tuuma nonsaimo Aku mamba i dunia, sumo aitumo suele na aku monsai aha mamba i dunia.

YOHANES 17:21

Ku poita kita Tuuma, da aha iwi-iwi' timbali mosa'angu', susumo kita Tuuma mosa'angu' tiba Aku, ka' Aku tiba kita Tuuma. O'amalakon da aha timbali mosa'angu' tiba Kita, da dunia palesaya taalu' kita Tuuma na nonsai mae Aku.

YOHANES 17:23

Aku tiba aha, ka' kita Tuuma tiba Aku, da aha totu-totu'u sa'a-sa'angu'. Sahingga dunia monsumbu' taalu' kita Tuuma na nonsai mae Aku, ka' taalu' kita Tuuma mongkalibosi aha, sumo kita Tuuma mongkalibosi Aku.

YOHANES 17:25

Kita Tuuma anu adin! Dunia madi' monsumbu' kita Tuuma, panyo Aku monsumbu' kita Tuuma; ka' mian haha aiya monsumbu' taalu' kita Tuuma na nonsai mae Aku.

YOHANES 17:8

Pinoto'ingkumo hi aha na potatae nu kita Tuuma anu binee'mo hi beleng-Ku; ka' tinalimanyomo nu aha. Sinumbu'mo nu aha taalu' Aku tinoka mae totu-totu'u lengkat hi kita Tuuma ka' aha nompalesayamo taalu' kita Tuuma na nonsai mae Aku.

YOHANES 3:17

Kalana Tumpu nompokau mae Anak-Nyo misa' da mohukum dunia aiya, panyo da momposalamat.

YOHANES 3:34

Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

YOHANES 5:44

Mosia na komiu timbali palesaya, de komiu molio da o puji' nu bubu komiu ka' madi' bala usaha molio pompuji' anu lengkat mae hi Tumpu, anu ola-olamo Ia na Tumpu?

YOHANES 6:57

Tuuma anu tumuu' aijo' nonsai mae Aku, ka' Aku mule' tinumuu' kalana i Tuuma. Sumo aitu mule' na mian anu mongkaan butong-Ku, tumuu' kalana Aku.

YOHANES 7:29

Aku monsumbu' Ia, kalana Aku nolengkat mae hi Ia, ka' Iamo na nonsai mae Aku.”

YOHANES 8:19

“Tuuma-Um aijo' iyamae?” na koonyo nu aha. I Yesus nontaami, “Komiu madi' monsumbu' Aku, sumo aitu mule' Tuumang-Ku. De komiu monsumbu' Aku, tantu komiu suele monsumbu' Tuumang-Ku.”

1 KORINTUS 15:34

Sinumbu'mo uuka aiya, ka' bolimo mombau dosa'. Sabenannyo pa'a-pa'ambangmo ahi' na komiu, kalana itina' hi komiu daagi' ko anu ma'isa nonsumbu' Tumpu.

1 KORINTUS 8:4

Han painggaga mongkaan kaanon anu sinombahkonmo hi pilogot, osumbu'to saba' te pilogot monggambanakon apa-apaa anu sabenannyo i madi'an. Ka' osumbu'to mule' saba' Tumpu ola sa'angu'; madi' ko sangga'atannyo.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

FILIPI 3:10

Ola sa'a-sa'angu'nyomo na ku kahanda'i aijo'mo da aku monsumbu' i Kristus, ka' mongoa'i kuasa anu nompotumuu'mo Ia sinilaka. Ku inde'i da mongoa'i sansala hingga-hinggat tiba Ia, ka' timbali pokakana sumo Ia i uno nu han Ia sinilaka.

FILIPI 3:8

Misa' ola hahan anu sinanggomo aijo' panyo ahi' iwi-iwi na apaa kusangka sumo hahan anu ola mompolugi' aku. Anu daagi' hi belengku uuka aiya aijo'mo na lebe ko angga'nyo: aijo' mo monsumbu' i Kristus Yesus, Tumpungku. Kalana i Kristus, sahingga aku nolapasakonmo iwi-iwi na aijo'. Kusangka iwi-iwi' aijo' ola sumo duhehe da timbali ku humpak na i Kristus,

1 TESALONIKA 1:9

Iwi-iwi' na mian aijo' notatae mongkona mosia na komiu nontalima kami, tempo'nyo kami u'utu mae tinokamo hi komiu. Aha notatae mongkona mosia na komiu nompala'imo to pilo-pilogot ka' tinokamo samata-mata hi Tumpu anu tumuu' da palesaya hi Ia.

2 TESALONIKA 1:8

ka' ko apunyo anu balea-leak. Ia mintau' da mohukum to mia-mian anu madi' mompajuli Tumpu, ka' anu madi' ka'oho' tumuu' sosok tiba Lele Ma'ima' mongkona i Yesus Tumpunto.

IBRANI 3:1

To utu-utus bubuu' mian Kristen anu i lagamo suele nu Tumpu Allah! Soba popikilakon hondo-hondo na i Yesus aiya! Tumpu nonsaimo mae Ia samata-mata da timbali Imam Daka' i agama anu otoonginto.

2 PETRUS 1:2

O'amalakon da Tumpu mombee'i balakat ka' ka'ima'an hi belemiu molabi-labi, kalana belemiu nonsumbu'mo Tumpu ka' i Yesus Tumpunto.

2 PETRUS 1:3

Tumpu nontoongimo kuasanyo salaku Tumpu da mombee'mo hi kita iwi-iwi na apaa anu opalalui i kantumuu'anto mombau palentah nu Tumpu. Ia nombau aijo' osumbu'to i han apaa na anu binaumo i Yesus Kristus, anu nolagamo kita da mongoa'i kuasanyo ka' kanonongan-Nyo.

2 PETRUS 1:8

Iwi-iwi' aijo' atina'mo na bau-baunyo anu opalalui nu belemiu. De bauon haha aijo' daagi' ka' molabi-labi hi belemiu, komiu mompaka ko kahanda'mo mule' ka' mingkaliangan, ka' monsumbu' i Yesus Kristus Tumpunto lebe ma'ima' mule'.

1 YOHANES 1:2

Salatan kantumuu'an aijo' pinonyata'mo, kami nontoamo. Mokonyo aijo' kami nompoto'imo apaa na anu sinakisianmo mami mongkona Ia. Kami nompolelemo hi komiu mongkona kantumuu'an anu totu'u ka' anu toka sampe sidu-sidutu', anu daagi' hingga-hinggat tiba Tuuma, ka' anu pinonyata'mo hi kami.

1 YOHANES 1:3

Apaa na anu tinoamo mami ka' i hongomo, aijo'mo mule' na anu opolele mami hi komiu, da komiu tiba kami bubuu' mongoa'i totu-totu'u tumuu' nosa'angu' tiba Tuuma ka' Anak-Nyo i Yesus Kristus.

1 YOHANES 2:23

Mian anu madi' mongakui Anak, alati'nyo madi' montalima Tuuma mule'. Ka' mian anu mongakui Anak, alati'nyo montalima Tuuma suele.

1 YOHANES 4:6

Panyo kita to ana-anakmo nu Tumpu; ka' mian anu nonsumbu'mo Tumpu, nohongomo potataento. Mian anu misa' anu nu Tumpu, madi' nohongo potataento. Sumo aijo' na balu-balu'nyo kita monsumbu' pompahasala'an nu Roh anu mombee'i pangajalan anu totu'u, ka' roh anu madi' totu'u.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.