YOHANES 17:26 - KITAB NU TUMPU ALLA LELE MA'IMAI'

²⁶ Aku nompoto'imo sanggo nu kita Tuuma hi aha; ka' saja' Kubau sumo aitu, da liibos nu kita Tuuma hi beleng-Ku tataap i uno nu kinyonyoa nu aha, ka' Aku mosa'angu' tiba aha.”

YOHANES 17:26 ပူးပေါင်းရင်းမြစ်များ

MAZMUR 22:22

Aku madi'mo moko ala mombau apa-apaa, potuu'akon mae na aku da madi' nutanduk nu sapi' ka' mule' da madi' nusa'u nu singa.

YOHANES 14:20

De tokamo na sinaa aitu, osumbu'je miu taalu' Aku mosa'angu' tiba Tuuma, komiu mosa'angu' ka' Aku, ka' Aku mosa'angu' tiba komiu.

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

YOHANES 15:15

Komiu madi'mo Ku laga botuan, kalana botuan madi' monsumbu' apaa na anu hau-haunyo nubau nu tuannyo. Komiu Ku laga bela' kalana iwi-iwi' na anu i hongong-Ku lengkat mae hi Tuuma, pinoto'ingkumo hi komiu.

YOHANES 15:4

Tataap mosa'angu' tiba aku, ka' Aku mule' tataap mosa'angu' tiba komiu. Posi panga' madi' moko pimbua', beilako' de ia tataap i kau'nyo. Sumo aitumo na komiu moko ala mimbua', de saja' mosa'angu' tiba Aku.

YOHANES 15:9

Susumo Tuuma mongkalibosi Aku. Sumo aitumo na Aku mongkalibosi komiu. Tionyo komiu saja' tumuu' sumo mian anu Ku kalibosi.

YOHANES 17:23

Aku tiba aha, ka' kita Tuuma tiba Aku, da aha totu-totu'u sa'a-sa'angu'. Sahingga dunia monsumbu' taalu' kita Tuuma na nonsai mae Aku, ka' taalu' kita Tuuma mongkalibosi aha, sumo kita Tuuma mongkalibosi Aku.

YOHANES 17:6

Aku nomposumbu'mo kita Tuuma hi to mia-mian i dunia aiya anu binee'mo nu kita Tuuma hi beleng-Ku. Aha, kita Tuuma na tumpunyo, ka' kita Tuuma nombee'mo aha hi beleng-Ku. Aha nohongo-hongomo potatae nu kita Tuuma.

YOHANES 17:8

Pinoto'ingkumo hi aha na potatae nu kita Tuuma anu binee'mo hi beleng-Ku; ka' tinalimanyomo nu aha. Sinumbu'mo nu aha taalu' Aku tinoka mae totu-totu'u lengkat hi kita Tuuma ka' aha nompalesayamo taalu' kita Tuuma na nonsai mae Aku.

YOHANES 6:56

Mian anu mongkaan butong-Ku ka' monginum baso'-Ku tataap mosa'angu' tiba Aku, ka' Aku tiba ia.

YOHANES 8:50

Aku madi' molio da o'adati na posi butong-Ku. Daagi' ko samian anu mongusahakon da o'adati na Aku, ka' Iamo na momputusi anu sala'.

ROMA 8:10

Panyo de i Kristus tumuu' i uno nu butongum, saba' mau mule' butongum mate kalana dosa', panyo Roh nu Tumpu mombee'i kantumuu'an hi beleyum, kalana pompahasumbu'anum tiba Tumpu na'ima'mo.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

1 KORINTUS 12:12

I Kristus aijo' sumo butong nu mian; butong aijo' sa'angu', panyo manjoo' na bagiannyo. Iwi-iwi' na bagiannyo aijo' mau mule' manjoo', panyo tinimbali sa'angu' na butong.

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

EFESUS 1:6

Puji' na Tumpu anu talalo talasanggo kalana palesaya hi Anak-Nyo anu nu nukanonongi hondo, Ia suele nongkalibosimo hondo kita.

EFESUS 3:17

Ku'amalakon kalana komiu pinalesayamo hi Kristus, i Kristus jojoongmo i uno nu kinyonyoa miu, ka' kantumuu'an miu mompintoongimo ka' nu kuasaimo nu kalibosan.

EFESUS 5:30

Osumbu'to na aijo', kalana kita tinonsoopmo i butong i Kristus.)

EFESUS 5:32

Ayat nu kitab anu sinanggo aijo' maleeng na alati'nyo. Ka' aijo' kupogoma' tiba pompaha sumbu'an i Kristus tiba jama'at.

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

KOLOSE 2:10

Ka' kalana kantumuu'an nosa'angu'mo tiba i Kristus, komiu mule' binee'anmo kantumuu'an anu sukup. Kalana i Kristus na mompalentah to roh-roh anu ko kuasa ka' anu mompalentah.

KOLOSE 3:11

Salaku kasawe'annyo, aijo'mo iwi-iwi' na anu sangalasan hi mian Yahudi ka' misa' Yahudi, mian basunat ka' mian anu madi' basunat, pinokakanamo mian anu i salipu'an ka' mian anu madi' monsumbu' adat, posaihon ka' mian bebas, kalana iwi-iwi' kiijo'mo hi Kristus, ka' Ia nosa'angu'mo tiba aha iwi-iwi'.

2 TESALONIKA 2:16

O amalakon hi Tumpunto Yesus Kristus ka' Tumpu Tuumanto mongindeko' ka' mompohosonakon kinyonyoa miu da komiu timbali mongkalaja ka' mompolele apaa na anu ma'ima'. Kalana Tumpu mongkalibosi kita, ka' kalana kanonongan nu kinyonyoa-Nyo, Ia nompotimbalimo kita saja' sabaan ka' montaha'imani anu ma'ima'.

IBRANI 2:12

I Yesus notatae hi Tumpu, “Ku poto'ije hi to utu-utus-Ku na Belento. Ku poto'ije na Belento de aha singkabotmo, ipogombuan.”

1 YOHANES 3:24

Iwi-iwi' na mian anu tulu-tulutan i to pale-palentah nu Tumpu, tumuu' nosa'angu' tiba Tumpu, ka' Tumpu nosa'angu' tiba aha. Ka' osumbu'to saba' Tumpu tumuu' nosa'angu' tiba kita, kalana Ia nombee'imo Roh-Nyo hi kita.