YOHANES 17:21 - KITAB NU TUMPU ALLA LELE MA'IMAI'

²¹ Ku poita kita Tuuma, da aha iwi-iwi' timbali mosa'angu', susumo kita Tuuma mosa'angu' tiba Aku, ka' Aku tiba kita Tuuma. O'amalakon da aha timbali mosa'angu' tiba Kita, da dunia palesaya taalu' kita Tuuma na nonsai mae Aku.

YOHANES 17:21 ပူးပေါင်းရင်းမြစ်များ

YEREMIA 32:39

Ku bee'imo na aha tujuan nu kantumuu'an samata-mata ola sa'angu': aijo'mo, moholomati mae Aku sampe toka sidu-sidutu'; han aijo' na mombee'i ka'ima'an nu kantumuu'an nu aha, ka' suele kona hi lee' nu aha.

ZEFANYA 3:9

Panyo lapas aijo' Ku bali'imo na kinyonyoa nu bansa haha aijo' sahingga aha balado'a memo hi beleng-Ku ka' misa'mo hi to pilo-pilogot sangga'at. Bansa haha aijo' iwi-iwi' montulutimo Aku.

ZAKHARIA 14:9

Sahingga Tumpu mompalentahmo salaku tomundo' i songko-songko na dunia; toto samian monsombahmo Ia salaku Tumpu ka' monsumbu'mo Ia i uno nu sanggo anu pokakana.

MARKUS 3:24

“De sa'angu' na negara mombagi-bagi i uno nu posa'angu'an ka' mompaha idek, negara aijo' madi' moko tahan.

YOHANES 10:16

Daagi' mule' ko domba-domba sangga'at aijo' suele anung-Ku, panyo madi' pinosoop i pahasan nu domba haha aiya. Aha suele tionyo Kuboa, ka' aha mule' tionyo mohongo potataeng-Ku. Aha iwi-iwi' tionyo timbali sampahas ka' sa'angu' na polaya'.

YOHANES 10:30

Aku tiba Tuuma sa'a-sa'angu'nyomo.”

YOHANES 10:38

Panyo kalana Aku mombau palentah-Nyo, opalesaya apaa na anu Kubau aijo', mau mule' komiu madi' mongka'oho' palesaya hi beleng-Ku. Atina'je ka' osumbu' miu, ka' mangalati' taalu' Tuuma tataap mosa'angu' tiba Aku, ka' Aku tataap mosa'angu' tiba Tuuma.”

YOHANES 11:42

Kusumbu' Kita saja' mohongo Aku, panyo Ku taloakon na aiya kona hi to mia-mian anu aiya; da aha palesaya saba' Kitamo na nonsai mae Aku.”

YOHANES 13:32

De Tumpu opopodaka' kalana Ia, Ia suele opopodaka' nu Tumpu kalana apaa na anu timbalimo i butong-Nyo. Ka' memang Tumpu malia-lia'mo na mompopodaka' Ia.

YOHANES 13:35

De komiu mompaha kali-kalibosi, atina'je ka' nusumbu' nu mian iwi-iwi', taalu' komiu anu saja' mombatuki Aku.”

YOHANES 17:11

Uuka aiya Aku toka hi kita Tuuma. Aku madi'mo daagi' jojoong i dunia; panyo aha daagi' i dunia. Kita Tuuma anu Susi'! Potuu'akon na aha nu kuasa, nu sanggonto Tuuma, aijo'mo sanggo anu binee'mo nu kita Tuuma hi beleng-Ku – da aha timbali mosa'angu', pokakana sumo kita Tuuma ka' Aku suele sa'a-sa'angu'.

YOHANES 17:18

Sumo kita Tuuma nonsaimo Aku mamba i dunia, sumo aitumo suele na aku monsai aha mamba i dunia.

YOHANES 17:20

Misa' ola aha aiya na Kudo'akon. Aku suele mondo'akon to mia-mian anu saidi' mae palesaya hi beleng-Ku, kalana montoamo hahan anu aiya hi aha.

YOHANES 17:25

Kita Tuuma anu adin! Dunia madi' monsumbu' kita Tuuma, panyo Aku monsumbu' kita Tuuma; ka' mian haha aiya monsumbu' taalu' kita Tuuma na nonsai mae Aku.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

YOHANES 17:8

Pinoto'ingkumo hi aha na potatae nu kita Tuuma anu binee'mo hi beleng-Ku; ka' tinalimanyomo nu aha. Sinumbu'mo nu aha taalu' Aku tinoka mae totu-totu'u lengkat hi kita Tuuma ka' aha nompalesayamo taalu' kita Tuuma na nonsai mae Aku.

YOHANES 3:17

Kalana Tumpu nompokau mae Anak-Nyo misa' da mohukum dunia aiya, panyo da momposalamat.

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

SISIKON NU TO RASUL-RASUL 2:46

Toka sansina-sinaa aha saja' silimu' i Laigan nu Tumpu ka' lame' na aha mongkaan hingga-hinggat, ka' aha madi' mombuulakon to lai-laigan nu aha.

SISIKON NU TO RASUL-RASUL 4:32

Iwi-iwi' mian anu palesaya aijo', tumuu' sa'a-sa'angu' na kinyonyoa ka' sa'a-sa'angu' na pikilan. Madi' ko samian pe'e lengkat hi aha na montaloakon tukoonyo apa-apaa na anunyo atina' posi anunyomo. Iwi-iwi' na anu daagi' hi aha nu pake nu aha sama-sama.

ROMA 12:5

Sumo aitumo na kita. Mau mule' kita iwi-iwi' manjoo', panyo kita ola sumo sa'a-sa'angu'nyomo na butong, kalana kita nosa'angu'mo hi Kristus. Ka' kita toto samian nosa'angu'mo samian tiba samian susumo bagi-bagian nu sa'angu' na butong.

1 KORINTUS 1:10

To Utu-utus! Tiba sanggo nu Tumpunto i Yesus Kristus, kupoita da komiu iwi-iwi' mompaha hongo-hongo; da boli ko anu mahantuda' itina' hi komiu. Tionyo ahi' komiu mosa'angu', oposa'angu' na kinyonyoa, ka' oposa'angu' na pikilan.

1 KORINTUS 12:12

I Kristus aijo' sumo butong nu mian; butong aijo' sa'angu', panyo manjoo' na bagiannyo. Iwi-iwi' na bagiannyo aijo' mau mule' manjoo', panyo tinimbali sa'angu' na butong.

1 KORINTUS 6:17

Panyo mian anu momposa'angu' butongnyo tiba Tumpu, Roh nu Tumpu tiba roh nu mian aijo' nosa'angu'mo.

GALATIA 3:28

I uno nu han aiya madi'mo oposi posangalasan na mian nu Yahudi tiba misa' mian nu Yahudi, te botuan ka' mian bebas, te mo'ane ka' boune To Utu-utus iwi-iwi' nosa'angu'mo kalana i Kristus Yesus.

FILIPI 1:27

Jadi, anu penting uuka aiya aijo'mo da komiu tumuu' pokakana tiba apaa na anu nukahanda'i nu Lele Ma'ima' mongkona i Kristus aijo'. Tiba jalan anu sumo aijo' pa' aku moko ala singkabot tiba komiu, kabai madi'mo, ku hongoje na kahosonan nu posa'angu'an miu ka' mogogia' hingga-hinggat i sa'angu' na kahanda' ka' sa'angu' na tanga'an; aijo'mo kapalesaya'an anu pokakana tiba Lele Ma'ima' anu lengkat mae hi Tumpu aijo'.

1 YOHANES 1:3

Apaa na anu tinoamo mami ka' i hongomo, aijo'mo mule' na anu opolele mami hi komiu, da komiu tiba kami bubuu' mongoa'i totu-totu'u tumuu' nosa'angu' tiba Tuuma ka' Anak-Nyo i Yesus Kristus.

1 YOHANES 5:7

Totolu' na anu nonsakisi aijo':