YOHANES 17:17 - KITAB NU TUMPU ALLA LELE MA'IMAI'

¹⁷ Potimbali na aha matungka' kita Tuuma na tumpunyo, aijo' nyata' i kahondoan; potatae nu kita Tuuma aijo'mo na kahondoan.

YOHANES 17:17 ပူးပေါင်းရင်းမြစ်များ

2 SAMUEL 7:28

O, Tumpu Anu Matangkas na kakuasa'an, Belentomo na Tumpu Allah; iwi-iwi' na anu jinanji'mo nu belento, ninaumo nu belento, ka' han anu ma'ima' aijo' jinanji'mo nu belento hi belengku.

MAZMUR 119:104

Iwi-iwi' na atulan nu Belento nompopangalati'mo aku, sahingga aku nongka'idekimo kalakuan anu tageo'.

MAZMUR 119:11

Pangajalan nu Belento ku una'mo i uno nu kinyonyoangku da aku madi' baladosa' hi Belento.

MAZMUR 119:144

Atulan nu Belento saja' adin; popangalati' mae na aku da aku tumuu'.

MAZMUR 119:160

Iwi-iwi' na potatae nu Belento totu'u, iwi-iwi' na atulan nu Belento anu adin tataap sampe toka sidu-sidutu'.

MAZMUR 119:9

To oli-olitau timbali monjaga kantumuu'annyo da madi' ko kasala'an de ia tumuu' montuluti palentah nu Belento.

MAZMUR 12:6

Tumpu notatae, “Mian anu kasiasi binee'anmo kasansala'an, ka' miana nu sinansalamo nongkalakmo. Jadi uuka aiya Aku tinokamo mae mombee'i ka'ima'an da sanangmo na kinyonyoa nu aha anu saja'mo ingindi nu aha.”

LUKAS 8:11

“Aiya na alati'nyo nu kantuangan aijo': Bine' aijo', aijo'mo potatae nu Tumpu.

LUKAS 8:15

Bine' anu nanabu' i tano' anu ma'omuk, sumomo mian anu mohongo lele aijo', lantas monguna' i kinyonyoa anu ma'ima' ka' hodi'. Aha moko ala sabaan sampe mohasinakon bua'.”

YOHANES 15:3

Komiu binalasinmo, kalana pokinde' anu binee'-Ku hi komiu.

YOHANES 17:19

Bau kapalaluan nu aha, Aku mombee' butong-Ku da osumbu' ahi', taalu' kita Tuuma na tumpunyo, da aha suele timbali matungka' kita Tuuma na tumpunyo, aijo' nyata' i hahan anu hondo.

YOHANES 8:32

Sahingga komiu monsumbu' Tumpu anu totu'u, ka' kalana aijo' komiu o pobebasje.”

YOHANES 8:40

Aku mompotokakon hi komiu kahondoan anu ihongong-Kumo lengkat mae hi Tumpu, panyo komiu kahanda'mo mompatei Aku. I Abraham madi' nombau sumo aijo'!

SISIKON NU TO RASUL-RASUL 15:9

Tumpu montoa kita pokakana sumo aha. Ia nompobelesimo kinyonyoa nu aha, kalana aha palesaya.

2 KORINTUS 3:18

Uuka aiya ohupto iwi-iwi' madi'mo kinukumbungan nu kukumbung, ka' kita monjingkakonmo lonyingkaban nu i Tumpu Yesus. Ka' kalana aijo' kita saja' obali'i susumo ia lebe pin lebe timbalimo lonyingkaban na kita. Anu mompolonyingkaban aijo' lengkat mae hi Roh, ka' Roh aijo'mo na Tumpu.

EFESUS 4:21

Komiu nohongomo mongkona Ia! Ka' salaku anu saja' mombatuki Ia, komiu pinogulu'mo singkona mongkona sipat-sipat nu Tumpu anu daagi' hi Ia!

EFESUS 5:26

I Kristus nombau sumo aijo' da Ia timbali mompobelesi' jama'at aijo', nu pangajalan-Nyo, ka' aijo' tinanda'anmo nu uee palamandian, da lapas aijo' timbalimo Nu potalima hi Tumpu.

2 TESALONIKA 2:13

To Utu-utus anu nukalibosi nu Tumpu! Kami tionyo saja' mompoita talima kase hi Tumpu kalana komiu, kalana lengkat pe'e imoonanyo Tumpu nompile'imo komiu da o posalamat. Han aijo' jinadimo kalana Roh nu Tumpu na nokalaja hi komiu, da komiu timbalimo mian anu palesayamo hi Tumpu anu susi', ka' kalana komiu, pinalesayamo i lele anu totu'u lengkat mae hi Tumpu Allah.

YAKOBUS 1:21

Mokonyo aijo', alinmo na kabiasa'an anu mahenyu ka' ma'idek. Boli kobubuun na montalima potatae anu sinu'anmo nu Tumpu Allah i uno nu kinyonyoa miu, kalana potatae aijo' ko kuasa momposalamat komiu.