YOHANES 17:12 - KITAB NU TUMPU ALLA LELE MA'IMAI'

¹² Tempo'nyo Aku daagi' tiba aha, pinotuu'kumo na aha nu kuasa nu sanggonto Tuuma – sanggo anu binee' nu kita Tuuma hi beleng-Ku. Aku nompotuu'mo aha, ka' madi' ko samian pe'e nolapus, boli mompiakon ia anu memang nukonamo na molapus; da kalana aijo' ganaapmo na anu tinulis i Kitab nu Tumpu.

YOHANES 17:12 ပူးပေါင်းရင်းမြစ်များ

MAZMUR 41:9

Aha notatae, “Panyakitnyo tinadokmo hondo, ia madi'mo bisa po ule' mobula.”

YOHANES 13:18

Apaa na anu Kutaloakon aiya misa' mongkona komiu iwi-iwi'. Kusumbu' ihe-he na anu pinile'an-Kumo. Panyo apaa na anu tinulismo i uno nu Kitab nu Tumpu tionyo timbali, aijo'mo, ‘Mian anu mongkaan hingga-hinggat tiba Aku na saidi' mae mongewa Aku.’

YOHANES 17:6

Aku nomposumbu'mo kita Tuuma hi to mia-mian i dunia aiya anu binee'mo nu kita Tuuma hi beleng-Ku. Aha, kita Tuuma na tumpunyo, ka' kita Tuuma nombee'mo aha hi beleng-Ku. Aha nohongo-hongomo potatae nu kita Tuuma.

YOHANES 18:9

Salatan tinaloakon sumo aijo', tinimbalimo apaa na anu tinaloakonmo i Yesus u'utu mae: “Kita Tuuma, to mia-mian anu binee'mo nu kita Tuuma hi beleng-Ku, madi' ko samian pe'e na nolapus.”)

YOHANES 6:37

Iwi-iwi' mian anu binee'mo nu Tuuma hi beleng-Ku, toka hi beleng-Ku. Madi' Aku mongkangkang mau pe'e ihe na anu toka hi beleng-Ku.

FILIPI 2:9

Mokonyo aijo' Tumpu nohangkatmo Ia mata-matangkas, ka' nombee'imo Ia kakuasa'an kuasa anu lebe daka' molingkudui kakuasa'an iwi-iwi' sangga'at.

2 TESALONIKA 2:3

Mau mule' mosiamo boli mompojohok mian mongakali komiu. Kalana ma'isa pe'e toka na Sinaa aijo', tionyo timbali na han aiya momonanyo: Da'isan na mian anu molalin i kapalesaya'an sangga'at, mompojalomo i Kristus; ka' Mian anu Ma'idek tinantukanmo minsoop i nalaka tokamo mae mompotoa butongnyo.

IBRANI 2:13

I Yesus notatae mule', “Tumpu na anu Ku taha'imani.” Ka' Ia notatae mule', “Aiyamo na Aku, tiba to ana-anak anu binee'mo nu Tumpu hi beleng-Ku.”

1 YOHANES 2:19

Anu monsampo Bali' i Kristus aijo', atina'mo to mia-mian anu nompala'imo kita, kalana aha memang misa' to mia-mian gampanto. De aha to mia-mian gampanto, tantu aha tataap hi kita. Panyo aha nompala'imo kita, da manasa saba' madi' ko samian pe'e anu aijo' hi aha na totu-totu'u tonsoop timbali gampanto.

ANU PINOTO'I HI YOHANES 19:12

Mata-Nyo moak sumo apu ka' aita' i ubak-Nyo pinosongko'-Nyo manjoo' na makota. I butong-Nyo tuli-tulis sa'angu' na sanggo; ka' ola posi Ia na monsumbu' sanggonyo aijo'.