YOHANES 16:5 - KITAB NU TUMPU ALLA LELE MA'IMAI'

⁵ Panyo u'uka Aku mambamo hi Ia anu nonsai mae Aku; ka' madi' ko samian pe'e anu atina' hi komiu na mompokilawa moya na kalambanan-Ku.

YOHANES 16:5 ပူးပေါင်းရင်းမြစ်များ

YOHANES 13:3

Sinumbu'mo i Yesus na Tuumanyo nombee'mo iwi-iwi' na kuasa hi Ia. Nusumbu' suele na Ia, lengkat mae hi Tumpu, ka' po'ule' minsusule' hi Tumpu.

YOHANES 13:36

“Tumpu, Tumpu moyamo?” pinokilawa i Simon Petrus hi Yesus. Tinaaman i Yesus, “Iyaa na kalamabanan-Ku madi' nu poko batuki uuka aiya. Saidi' mae nubatukije na Aku.”

YOHANES 14:28

Komiu nohongomo Aku notatae, ‘Aku mambamo, panyo Aku po'ule'je minsusule' mae hi komiu’. De komiu mongkalibosi Aku, komiu sanang na Aku mamba hi Tuuma, kalana Tuuma lebe daka' molingkudui Aku.

YOHANES 16:10

saba' Aku totu'u, kalana Aku mambamo hi Tuuma, ka' komiu madi'mo daagi' nontoa Aku mule';

YOHANES 16:16

“Me sasaingoni' komiu madi'mo daagi' montoa Aku. Ka' mule' me sasaingoni komiu po'ule'je montoa Aku.”

YOHANES 16:17

To pia-piangkuka na anu saja' mombatuki Yesus nontampu' unimo mompaha poki-pokilawa hi samian ka' samian, “Pa' mosia na koonyo, Ia notatae hi kita: ‘Me sasaingoni' komiu madi'mo daagi' montoa Aku, ka' mule' me sasaingoni' komiu po'ule'je montoa Aku’? Pa' mosia mule' na koonyo: ‘Aku mamba hi Tuuma’?”

YOHANES 16:28

Memang Aku nolengkat mae hi Tuuma, ka' tinokamo i uno nu dunia. Panyo uuka Ku pala'imo na dunia minsusule'mo hi Tuuma.”

YOHANES 17:13

Uuka aiya Aku toka hi Tuuma. Iwi-iwi' aiya Ku taloakon hau-haunyo Aku daagi' i dunia; da aha mongoa'i totu-totu'u kalame'an-Ku.

YOHANES 17:4

Aku nompopodaka'mo kita Tuuma i bawo nu dunia aiya, kalana nompotimbalimo hia nu kita Tuuma anu pinokauhakonto hi beleng-Ku.

YOHANES 6:62

Pa' mosia na katimbaliannyo saidi' mae de komiu montoamo Anak nu Mian moliba'mo minsusule' i tampat pinolengkatan-Nyo mae?

YOHANES 7:33

I Yesus notatae hi mian da'isan i uno nu Laigan nu Tumpu, “Me sasaingoni' uuka, Aku daagi' hingga-hinggat tiba komiu. Lapas aijo' Aku minsusule'mo hi anu nonsai mae Aku.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.