YOHANES 16:21 - KITAB NU TUMPU ALLA LELE MA'IMAI'

²¹ De samian na boune ohanimo na mohampeakon, ia susa' kalana tempo'nyomo na ia mongoa'i sansala. Panyo salatan anaknyo i hampemo, nukolilimimo nu boune aijo' na sansala anu ingoa'annyo, kalana lame' samian na bungamea' i hampemo i dunia.

YOHANES 16:21 ပူးပေါင်းရင်းမြစ်များ

KAJADIAN 3:16

Lantas Tumpu notataemo hi boune aijo', “Ku paka posakit na beleyum de beleyum poboamo ka' de beleyum mohampeakonmo. Panyo mau mule' sumo aijo', beleyum daagi' saja' ko kinyonyoa moduhus tiba langkai' nu beleyum, ka' mule' beleyum tionyo tulu-tulutan hi ia.”

AYUB 11:16

ka' mule' kasansala'an nu beleyum madi'mo nu inau' nu beleyum; susumo iyaba' anu mo'oingmo nukolilimimo nu mian.

MAZMUR 113:9

Ia nombalakati bengkele' anu lengke'mo da nohumpak to pia-piangkuka na anak, ka' nompotimbalimo ia totina anu nohumpakmo ka'ima'an ka' oholomati i laigannyo. O puji' na Tumpu!

YESAYA 13:8

Aha iwi-iwi' jadimo mabuhuk anu taha-tahahumo, ka' lewa'mo maha piosan nu buhuk susumo boune anu kahanda'mo mompohampe anak. Aha mompaha didinmo ka' bata-batamo, ohup nu aha mohahamo kalana na ambangmo.

YESAYA 21:3

Anu tinoangku aijo' nompobingungmo hondo aku sampe aku madi'mo noko ala nontoa kabai nohongo. Aku nabuhukmo ka' mule' nasakitmo sumomo ahi' samian na boune anu kahanda'mo monganak.

YESAYA 66:7

Kota'ku anu susi' sumomo samian na tina anu mohampeakonmo padahan ma'isa pe'e nongka'oa'i anu nompohampemo anak mo'ane padahan ma'isa pe'e nongoa'i sakit nu nompohampe.

MIKHA 4:10

O, mian anu jojoong i Yerusalem, uminyohatmo ka' tolo odosmo susumo boune anu kahanda'mo mongaanak! Kalana uuka aiya belemiu tionyo ahi' mompala'imo kota' ka' jojoongmo i padang. Belemiu memang ahi' mambamo i Babel, panyo ikiijo' mae Tumpu molapasakonmo belemiu da madi'mo nu pahampateakon nu mian anu monsampobali' belemiu.

MIKHA 4:9

Kadaka' humangmo na beleyum hoso-hoson? Kadaka' beleyum nongoa'imo kasansala'an susumo boune anu kahanda'mo monganak? Pa' ugaat kalana beleyum madi' ko tomundo'nyo ka' mule' anu lewa' mompokinde'i beleyum sinilakamo?

GALATIA 4:27

Kalana i uno nu Kitab nu Tumpu tinulismo, “Balame'-lame'mo na beleyum boune lengke', anu madi' toho' nompohampe. Bila-bilahimo ka' lewa'mo pinsoso oya' na beleyum anu madi' toho' mongka'oa'i monganak! Kalana boune anu pinala'ianmo nu mo'anenyo, lebe mohumpak manjoo' na anak molingkudui boune anu tumuu' tiba langkai'nyo.”

1 TESALONIKA 5:3

De mian motatae, “Iwi-iwi' aman ka' madi' ko anu mombau hengge',” sahingga aitumo na tempo'nyo anu madi' osumbu-sumbu' nu aha, nutokaimo nu bala, ka' madi' ko samian pe'e na anu moko popalai. Han aijo' toka madi' osumbu-sumbu', sumo mongoa'i sakit monganak kona hi samian na boune anu mompohampemo.