YOHANES 16:20 - KITAB NU TUMPU ALLA LELE MA'IMAI'

²⁰ Palesayamo, komiu humaangje ka' montando'i, panyo dunia ola lame'. Komiu susa' na kinyonyoa, panyo kasusa'anum aijo' timbalije kalame'an.

YOHANES 16:20 ပူးပေါင်းရင်းမြစ်များ

AYUB 20:5

kalame'an nu mian anu ma'idek na kinyonyoanyo ola sasaingoni', ka' kasanangan nu mian anu palaganta ola sangkinihap na mata?

MAZMUR 30:11

Potombihingakon mae o Tumpu ka' kalibosiakon mae na aku. O Tumpu tulungiakon mae na aku!”

MAZMUR 30:5

Nyanyi na nyanyian bau pompuji-puji' Tumpu, o mian anu palesayamo hi Ia ka' tulu-tulutan ka' mule' pontalimakasehmo hi Ia Anu Susi' hondo.

MAZMUR 97:11

Jingka binete'mo, da monjingkaimo mian anu hodi' na kinyonyoanyo; ka' kalame'an hi aha anu hodi' na kinyonyoanyo.

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

YESAYA 61:3

da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

YESAYA 66:5

Potombihing apaa na anu nutaloakon nu Tumpu, o, belemiu anu mabuhuk ka' montuluti Ia, “Kalana belemiu tulu-tulutan hi beleng-Ku, daagi' ko anu atina' hi bangsa nu belemiu na anu mongka'ideki belemiu, ka' madi' mongka'oho' mosangalu tiba belemiu. Aha ola mompopo'ambang belemiu ka' potatae, ‘Bakas da Tumpu mompotoa katalasanggoan-Nyo, da kami montoa belemiu lame'mo.’ Panyo posi ahamo ahi' na na'ambang.

YEREMIA 31:25

Aha anu nalawemo Ku pohosonmo ka' anu ilundengmo kalana no'ohopmo Ku pobosumo.

MATIUS 21:38

Panyo salatan anu mokalaja ale' aijo' nontoa anak nu tumpu nu tano' aijo', aha notatae samian ka' samian, ‘Toa, aiyamo na ia anu montoongi pusaka'nyo. Imbo' da o patei na ia, da kita na mohumpak pusaka'nyo!’

MATIUS 5:4

Bila-bilahi na mian anu mongoa'i susa' na kinyonyoanyo; Tumpu mongindeko'je aha!

MARKUS 14:72

Tempo'nyo aitu mule' manuk nintutuhu'mo ko pinduannyomo. Ka' i Petrus sininsumbu'mo kalana i Yesus notataemo hi ia, “Ma'isa pe'e manuk mintutuhu' ko pinduannyo, beleyum pintolunmo mombahakon Aku.” Sahingga i Petrus i humaangmo, kalana nolibosmo.

MARKUS 16:10

Sahingga i Maria Magdalena namba nompoto'i apaa na tinimbali aijo' hi sanga-sangalu i Yesus, anu daagi' hau-haunyo moliibos ka' humaang. Lapas aijo' posi i Yesusmo na namba nompolele Ia nonggunakon, anu saja' mombatuki Ia namba nompolele lengkat mae i kabete'an nokiijo' i kinsoban lele anu Susi' ka' madi' ko kamingkotannyo mongkona kasalamatan anu sampe toka sidu-sidutu', anu pinotunmo i Yesus.] 71

LUKAS 22:45

Noko balado'a, i Yesus po'ule'mo ninsusule' hi anu saja' mombatuki Ia. Tinokan-Nyo na aha hau-haunyo hoyot, kalana talalomo nolibos.

LUKAS 22:62

Saba' nosabat na i Petrus lengkat i kiijo' ka' nohohunsuk lewa' i humaang.

LUKAS 23:27

Da'isan na mian i lumajang aitu mae i hiku hi Yesus – i kiijo' daagi' ko to bou-boune. To bou-boune haha aijo' nohangimo ka' nontando'imo i Yesus.

LUKAS 24:17

Lantas i Yesus notatae, “Apaa na anu o sisik miu i tonga' nu jalan aiya?” Aha tinolotinjomo, panyo ohup nu aha molibos.

LUKAS 24:21

Yo, padahan kami nontaha'imanimo, saba' Iamo na mompobebas Israel! Ka' sinaa aiya sinaamo kototolu'nyo salatan pe'e han aijo' tinimbali.

LUKAS 6:21

Bila-bilahi na komiu anu mo'ohop uuka aiya; komiu opobosuje! Bila-bilahi na komiu anu humaang uuka aiya; komiu kumojoje!

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

YOHANES 16:6

Uuka ola o kinyonyoaum timbalimo susa' kalana Aku nontaloakonmo aijo' hi beleyum.

YOHANES 20:20

Noko potatae sumo aijo', Ia nompotoa hi aha lima ka' sihung-Nyo. Tempo'nyo nontoa i Tumpu, aha ilame'mo hondo.

SISIKON NU TO RASUL-RASUL 5:41

To rasul-rasul haha aijo' nompala'imo Mian Kopian Daka' nu Agama ka' ilame'mo kalana Tumpu nonganggapmo aha patut mohumpak potatae anu ma'idek kalana i Yesus.

ROMA 5:11

Ka' lebe mule' molingkudui aijo', kita lame' kalana ka'ima'an nu Tumpu anu inyata'mo hi Tumpunto i Yesus Kristus. Kalana palesaya hi Kristus, kita uuka aiya nongoa'imo pompahasumbu'anto anu ma'ima' aijo' tiba Tumpu.

2 KORINTUS 6:10

Mau mule' kinyonyoa mami oposusa', panyo kami saja' ahi' lame'. Kami otoa kasiasi, panyo kami nompotimbalimo manjoo' na mian kinayamo. Otoa kami madi' ko apa-apaa, panyo sabenannyo iwi-iwi' daagi' hi kami.

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

1 TESALONIKA 1:6

Komiu mombatukimo sonto' mami, ka' sonto' nu Tumpu. Mau mule' komiu talalo mongoa'i sansala, otalima miu nu lame' na lele anu opolele hi komiu. Kalame'an aijo' binee' nu Roh nu Tumpu.

YAKOBUS 1:2

To Utu-utus! De komiu mongoa'i ngangahan nu soba'an, oa'i na aijo' salaku sumo ka'untungan.

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.

ANU PINOTO'I HI YOHANES 11:10

Anu jojoong i dunia lame'mo kalana sinilakamo na ua'aha na sakisi aijo'. Aha molame'akonmo ka' paim paka-pakatuanmo palasen, kalana ua'aha na nabi aijo' nompotokamo mae manjoo' na kasansala'an hi mian iwi-iwi' i dunia.

ANU PINOTO'I HI YOHANES 18:7

Bee'mo hi ia na kasansala'an ka' kasusa'an anu pokakana na konjoo'nyo tiba katalasanggoan ka' kasanangan anu binee'nyomo hi posi butongnyo. Kalana ia ola saja' motatae hi posi butongnyo, ‘Aku aiya tomundo boune anu mompalentah! Aku misa' balu; aku madi' mongoa'i kasusa'an!’