YOHANES 16:19 - KITAB NU TUMPU ALLA LELE MA'IMAI'

¹⁹ Nusumbu' i Yesus na aha kahanda'mo mompokilawa hi Ia. Jadi Ia notatae, “Uuka tinaloakon-Ku, ‘Me sasaingoni' komiu madi'mo montoa Aku, ka' mule' me sasaingoni' komiu po'ule'je montoa Aku.’ Aijo'mo na lewa' opo ileeki' nu bubuu' komiu?

YOHANES 16:19 ပူးပေါင်းရင်းမြစ်များ

MATIUS 6:8

Boli sumo aha. Sinumbu'mo nu Tuumaum apaa na anu opalalui miu, mau ma'isa pe'e komiu nomoita.

MATIUS 9:4

Sinumbu' i Yesus na pikilan nu aha, jadi Ia notatae, “Kadaka' na pikilan miu kino ideknyo sumo itina'?

MARKUS 9:32

Anu saja' mombatuki Ia madi' mangalati' apaa na anu ingajanakon i Yesus, panyo aha mabuhuk na mompokilawa hi Ia.

YOHANES 13:33

To ana-anak-Ku, Aku madi'mo daagi' piin na jojoong tiba miu. Olioje komiu na Aku, panyo sumo anu tinaloakon-Kumo hi anu mongkuasai Yahudi, sumo aitu suele na Ku taloakon hi komiu; i tampat kalambanan-Ku madi' opoko toka miu.

YOHANES 14:19

Me sasaingoni' dunia madi'mo montoa Aku. Panyo komiu montoaje Aku. Ka' kalana Aku tumuu', komiu suele tumuu'.

YOHANES 16:16

“Me sasaingoni' komiu madi'mo daagi' montoa Aku. Ka' mule' me sasaingoni komiu po'ule'je montoa Aku.”

YOHANES 16:18

Saja'mo pino ileekan nu aha, “Apaa na alati'nyo nu potatae, ‘me sasaingoni'’? Kita madi' monsumbu' pa' apaa na tinaloakon-Nyo!”

YOHANES 16:23

I sinaa aitu, komiu madi'mo daagi' mompokilawa apa-apaa hi beleng-Ku. Palesayamo: Mau mule' apaa na opoita miu hi Tuuma de momboa sanggong-Ku, aijo' nubee' nu Tuuma hi beleyum.

YOHANES 16:26

Tempo'je aitu na komiu mompoita hi Tuuma momboa sanggong-Ku; da osumbu', Aku madi'mo mompoita hi Tuuma bau kapalaluan miu.

YOHANES 16:30

ka' osumbu' mami te Tumpu monsumbu' iwi-iwi'. Madi' pilenje samian mompokilawa apa-apaa hi Tumpu. Kalana aijo' opalesaya mami Tumpu nolengkat mae hi Tumpu.”

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

YOHANES 6:61

Nusumbu' i Yesus na anu saja' mombatuki Ia mososon mongkona han aijo'. Sahingga Ia notatae, “Te komiu mongkakulangakonmo potataengku aijo'?

YOHANES 7:33

I Yesus notatae hi mian da'isan i uno nu Laigan nu Tumpu, “Me sasaingoni' uuka, Aku daagi' hingga-hinggat tiba komiu. Lapas aijo' Aku minsusule'mo hi anu nonsai mae Aku.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.