YOHANES 16:18 - KITAB NU TUMPU ALLA LELE MA'IMAI'

¹⁸ Saja'mo pino ileekan nu aha, “Apaa na alati'nyo nu potatae, ‘me sasaingoni'’? Kita madi' monsumbu' pa' apaa na tinaloakon-Nyo!”

YOHANES 16:18 ပူးပေါင်းရင်းမြစ်များ

LUKAS 24:25

Lantas i Yesus notatae hi aha, “Komiu memang ponga'! Talalo bata-bata na komiu mompalesaya iwi-iwi' anu tinaloakonmo nu to nabi-nabi!

YOHANES 16:17

To pia-piangkuka na anu saja' mombatuki Yesus nontampu' unimo mompaha poki-pokilawa hi samian ka' samian, “Pa' mosia na koonyo, Ia notatae hi kita: ‘Me sasaingoni' komiu madi'mo daagi' montoa Aku, ka' mule' me sasaingoni' komiu po'ule'je montoa Aku’? Pa' mosia mule' na koonyo: ‘Aku mamba hi Tuuma’?”

YOHANES 16:19

Nusumbu' i Yesus na aha kahanda'mo mompokilawa hi Ia. Jadi Ia notatae, “Uuka tinaloakon-Ku, ‘Me sasaingoni' komiu madi'mo montoa Aku, ka' mule' me sasaingoni' komiu po'ule'je montoa Aku.’ Aijo'mo na lewa' opo ileeki' nu bubuu' komiu?

IBRANI 5:12

Sabenannyo tempo'nyomo na komiu timbali gulu', panyo nanasamo taalu' komiu daagi' ahi' palalu balagulu' pe'e hi mian sangga'at mongkona alati'nyo nu pangajalan nu Tumpu. Komiu ma'isa timbali mongala kaanon anu mokuut; komiu daagi' tionyo ola monginum susu.