YOHANES 15:24 - KITAB NU TUMPU ALLA LELE MA'IMAI'

²⁴ De aijo' hi aha, Aku madi' nombau hahan anu ma'isa toho' binau nu mian sangga'at, aha madi' baladosa'. Panyo u'uka aha nontoamo apaa na anu binaung-Ku, ka' aha nongka'idekimo Aku tiba Tuumang-Ku.

YOHANES 15:24 ပူးပေါင်းရင်းမြစ်များ

MAZMUR 81:15

saba' aku sampamo lia-lia' mompatundu' sampobali' nu aha, ka' mompokalahmo iwi-iwi' na anu mongewa aha.

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

AMSAL 8:36

Ihe na madi' montalima aku, mosi polugi butongnyo, mian anu mongka'ideki aku, mongka'ima'imo kapatean.”

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

MATIUS 21:32

Kalana i Yohanes anu Mompalamandikan tinoka, ka' nompotiju' hi komiu mosia na tumuu' anu nu kahanda'i nu Tumpu, panyo komiu madi' mongka'oho' palesaya i pangajalannyo; panyo anu saja' montage hasin ka' to bou-boune masala' palesaya hi ia. Panyo mau mule' komiu nontoamo iwi-iwi' aijo', komiu madi' ahi' mombali'i pikilan miu ka' madi' palesaya hi Tumpu.”

MATIUS 9:33

I Yesus nolaa' roh ma'idek aijo', ka' tempo' aitu mule' mian aijo' binangangmo ka' notatae, “Ma'isa toho' kami nontoa anu tinimbali sumo aiya i Israel!”

MARKUS 2:12

Ia tinuminjo ka' nalia-lia' nongala ampasnyo, lantas nosabat sinakisian nu aha iwi-iwi'. To mia-mian haha aijo' binangang ka' nompuji' Tumpu. Koonyo nu aha, “Ma'isa toho' kita nontoa anu jinadi sumo aiya!”

LUKAS 24:19

“Te apaa na tinimbali?” tukoo-Nyo i Yesus. “Anu tinimbali hi Yesus, mian lengkat mae i Nazaret aijo',” tinaaman nu aha. “Ia nabi. Potatae-Nyo ka' anu nubau ko kuasa-Nyo hondo – mau i pontoa nu Tumpu, maumo i pontoa nu iwi-iwi' na mian.

YOHANES 10:32

Panyo i Yesus notatae hi aha, “Komiu nontoamo Aku nombau manjoo' na hia anu ma'ima', anu pinalentahkon nu Tuuma hi beleng-Ku. Iwi-iwi' na hia aijo', iya na anu monsaduakon komiu mongka'oho'mo mombunu' Aku nu batu?”

YOHANES 10:37

De Aku madi' mombau hia anu pinalentahkon nu Tuuma, boli opalesaya na Aku.

YOHANES 12:10

Aijo' na sababnyo to kapala-kapala nu imam kahanda' mompatei i Lazarus suele.

YOHANES 12:45

Ka' mian anu montoa aku, montoa ia anu nonsai mae aku.

YOHANES 14:9

Panyo i Yesus nontaami, “Sumo u'ukamo na kinopiinnyo Aku no'imboa tiba komiu, ka' madi' mule' beleyum monsumbu' Aku, Filipus? Mian anu nontoamo Aku, nontoamo Tuuma. Mosia ka' beleyum timbali notaloakon, ‘Potiju'akon mae na Tuuma hi kami’?

YOHANES 15:21

Iwi-iwi' aijo' saidi' mae nubau nu aha hi komiu, kalana komiu anu saja' mombatuki Aku, kalana aha madi' monsumbu' Ia anu nonsai mae Aku.

YOHANES 15:22

De Aku madi' tinoka ka' madi' nontaloakon iwi-iwi' aijo' hi aha, aha madi' baladosa'. Panyo uuka aha madi'mo daagi' ko pintoongan molio kahondoan i dosa' nu aha.

YOHANES 15:23

Mian anu mongka'ideki mae Aku, mongka'ideki Tuumang-Ku.

YOHANES 16:9

Nu ponyata'je tukoonyo de madi' palesaya hi beleng-Ku aijo' dosa';

YOHANES 3:2

Ia tinoka pihi-pihi hi Yesus ka' notatae, “Tuumangku Gulu', osumbu' mami na Kita Tuuma sinai mae nu Tumpu. Kalana madi' ko samian anu moko ala mombau anu okabangangi susumo anu binau nu Kita Tuuma, de Tumpu madi' montombaya'i ia.”

YOHANES 5:36

Panyo anu tinalangkan-Ku lebe daka' molingkudui anu tinalangkan i Yohanes. Apaa na anu Kubau uuka aiya, aijo'mo na kalaja anu pinokauhakon nu Tuuma hi beleng-Ku, bau pomponyata' saba' Tuuma nompokaumo mae Aku.

YOHANES 6:36

Panyo sumo anu tinaloakon-Kumo hi beleyum, mau mule' komiu nontoamo Aku, komiu madi' palesaya.

YOHANES 7:31

Da'isan na mian anu i kiijo' montampu'unimo palesaya hi Ia, ka' notatae, “De Tomundo anu Momposalamat aijo' tokamo, ugaat Ia na timbali mombau lebe manjoo' na anu okabangangi molingkudui mian aiya?”

YOHANES 9:32

Salatanmo pe'e dunia ma'isa toha kinahongoan; daagi' ko mian nompotimbali mian anu i hampe mapisok noko ala nontoa.

YOHANES 9:41

I Yesus nontaami, “De komiu mapisok, komiu madi' baladosa'. Panyo kalana komiu notataemo, ‘Kami nontoamo,’ aijo' alati'nyo, komiu daagi' baladosa'.”

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

SISIKON NU TO RASUL-RASUL 2:22

To Utu-utus mian nu Israel! Hongo apaa na anu ku taloakon aiya: I Yesus mian nu Nazaret aijo' binee'anmo kalaja nu Tumpu Allah bau kapentingan nu kita utus. Aijo' nyata' hondo i anu okabangangi ka' hahan anu daka', apaa na anu binau nu Tumpu i totonga' miu hi Yesus aijo'. Iwi-iwi' aijo' posi kita utus nonsumbu'mo.

ROMA 1:30

mongka'ima'i mombusi-busiki sanggo nu mian sangga'at; aha sombong ka' madi' ko adatnyo, anu mongka'ideki Tumpu, ka' mongka'ima'i monsisik anu madi' ko kaliangannyo. Aha pande molio hahan anu bu'ou da timbali mombau anu ma'idek. Aha madi' mompajuli tu'anyonyo;

PO'ULE' INGULIT 5:9

Boli monsombah patong anu sumo aijo' kalana Akumo na Tumpu Allah nu belemiu ka' madi' mongka'oho' opokakanakon tiba maumo pa' apaa. To mia-mian anu mongka'ideki Aku Ku hukum toka-toka i lee' anu ko totolu'nyo ka' ko opatnyo.

2 TIMOTIUS 3:4

Aha lebe mongka'ima'i mongkabisa'i, mohangka-hangkat posi butong, ka' madi' mimpikilan mantan. Aha lebe ma'ima' mongka'ima'i kasanangan nu dunia, panyo aha madi' montuluti Tumpu.

YAKOBUS 4:4

Komiu atina' mian anu madi' mohongo-hongo! Madi' osumbu' miu, de komiu mosangalumo tiba dunia, makia' komiu timbalimo sampo bali' nu Tumpu?