YOHANES 15:16 - KITAB NU TUMPU ALLA LELE MA'IMAI'

¹⁶ Misa' komiu na nompile'i Aku. Aku na nompile'i komiu, ka' nompokau komiu mamba da mimbua' mahampe – bua-bua' anu madi' ko kapa'idekannyo. Sahingga nubee'je i Tuuma hi komiu mau mule' apaa na anu opoita miu hi Ia de mompake sanggong-Ku.

YOHANES 15:16 ပူးပေါင်းရင်းမြစ်များ

KAJADIAN 18:18

Te misa' o lee'nyo na saidi' mae timbali bansa anu daka' ka' balakuasa? Te misa' o kalana ia, sahingga iwi-iwi' na bansa i dunia aiya Ku balakatije?

MAZMUR 145:4

Molundu-lundu na tulunan nu mian mompuji'mo apaa na anu binaumo nu Belento, ka' mombebaakonmo kabaanian nu Belento.

MAZMUR 71:18

O Tumpu, boli opala'i na aku, sangkut aku langkai'mo ka' bengkele'mo ka' uanonmo, da kabaanian ka' kuasa nu Belento ku bebakon, hi iwi-iwi' na tulunan anu aiya mae i ahop.

AMSAL 11:30

Mian anu palesaya totu-totu'u saidi' mae mohumpakmo kantumuu'an ma'ima; mian anu pande mintuang na anu mombatuki.

YESAYA 27:6

Tempo' anu aiya mae o, ahopi, bansa Israel pokakanamo susumo kau' mimbakatmo ka' ko pintu-pintuangnyomo ka' mule' monsongkohimo tano' aiya anu koko buanyo.

MIKHA 5:7

Aha mian nu Israel anu daagi' jinojoong hi aha to bansa-bansa sumomo singa itotonga' nu to bina-binatang anu i uno nu alas kabai itotonga' nu tompukan nu domba anu i daerah nu padang hemput. Singa aijo' minsoopmo mokiijo' itotonga' nu tompukan nu domba haha aijo' ka' mompahampeja'akonmo ka' mule' mombente-bentekmo; madi' ko anu moko ala molapasakon domba haha aijo'.

MATIUS 21:22

Mau mule' apaa na anu opoita miu i uno nu do'aum, tionyo o humpak miu, asan komiu palesaya.”

MATIUS 7:7

“Poita, da komiu montalima. Lio, da komiu mohumpak. Kutetek, da tumban o tuhea'akon bau pinsoopannum.

LUKAS 6:13

Salatan sinaa majingkamo, ilaganyomo na anu saja' mombatuki Ia, ka' nompile'i sampulu' ohua' na mian anu kiijo' hi aha, sinanggohannyo na aha anu sampulu' ka' ohua' aijo' to rasul-rasul. Aha aitumo:

YOHANES 13:18

Apaa na anu Kutaloakon aiya misa' mongkona komiu iwi-iwi'. Kusumbu' ihe-he na anu pinile'an-Kumo. Panyo apaa na anu tinulismo i uno nu Kitab nu Tumpu tionyo timbali, aijo'mo, ‘Mian anu mongkaan hingga-hinggat tiba Aku na saidi' mae mongewa Aku.’

YOHANES 15:19

De komiu dunia na tumpunyo, komiu nukalibosi nu dunia, kalana ia na tumpunyo. Panyo Aku nompile'imo komiu lengkat i dunia aiya, sahingga komiu misa'mo anu nu dunia. Mokonyo aitu dunia mongka'ideki komiu.

YOHANES 15:5

Akumo na kau' anggur, ka' komiu na to panga-panga'nyo. Mian anu saja' mosa'angu' tiba Aku, ka' Aku tiba ia, tionyo mimbua' mahampe; kalana de madi' tiba Aku, komiu madi' moko bau apa-apaa.

YOHANES 6:70

I Yesus nontaami, “Te misa' Aku na nompile'i komiu sampulu' ohua' na mian aiya? Panyo samian anu aiya hi komiu te roh anu ma'idek!”

SISIKON NU TO RASUL-RASUL 1:24

Lantas aha binala do'amo. Aha notatae, “Tumpu, Kita monsumbu' iwi-iwi' kinyonyoa nu mian. I Yudas binelentimo i pakalaja'annyo sumo rasul, ka' i natemo. Jadi potiju'akonmo mae hi kami, ihe na anu ua'aha na mian aiya, na nupile'i nu Tumpu da obee'i kalaja aijo' mombolosi i Yudas.”

SISIKON NU TO RASUL-RASUL 1:8

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

SISIKON NU TO RASUL-RASUL 10:41

madi' hi iwi-iwi' na mian, sambiha'nyo ola posi kami anu pinile'anmo nu Tumpu i momonanyo da timbali to saki-sakisi-Nyo: Kami nongkaan ka' nonginum tiba Ia, salatan Ia po'ule'mo tinumuu' lengkat i kasilakan-Nyo.

SISIKON NU TO RASUL-RASUL 22:14

Lapas aitu ia notataemo hi belengku, ‘Tumpu mompolee'to nompile'imo beleyum, da beleyum monsumbu' pongka'oho'-Nyo, ka' montoa i Yesus Posaihon nu Tumpu ka' mohongo posi potatae i Yesus.

SISIKON NU TO RASUL-RASUL 9:15

Panyo kita Tumpu notatae hi Ananias, “Lako'mo! Kalana Aku noko pile'imo ia da mombau anu Ku palentahkon, da ia mompolele mongkona Aku hi to bansa-bansa sangga'at anu madi' ba'agama Yahudi ka' hi to tomu-tomundo, ka' suele mule' hi mian nu Israel.

ROMA 1:13

To Utu-utusku! Ku indi da osumbu' miu taalu' saja'mo na aku mompai kahanda'i montoa komiu, panyo saja' ko anu monsalempodi. Ku indi da itina' hi komiu suele kalajangku ko hasinnyo susumo kalajangku anu kinohasinnyomo hi to mia-mian anu misa' Yahudi i tampat-tampat sangga'at.

ROMA 1:5

Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

ROMA 15:4

Iwi-iwi' anu tuli-tulis i uno nu Kitab nu Tumpu, aijo' bau pompangajali kita. Kalana pangajalan anu otalimanto i Kitab nu Tumpu mompotimbali kita sabaan ka' mahoson, sahingga kita moko ala montaha'imani Tumpu.

ROMA 9:21

Te misa' mian anu nombau tampat nu bunga aijo' ko hak mombau tano' kun aijo' iyaamo pongka'oho'nyo? Sangkompon na tano' kun, mian aijo' ko hak mombau ohua' na ngahannyo na tampat nu bunga: sa'angu' ma'ima' ka' sangga'at madi' talalo ma'ima'.

1 KORINTUS 10:11

Iwi-iwi' anu haha aijo' tinimbalimo hi aha, da bau sonto' hi to mia-mian sangga'at. Ka' iwi-iwi' aijo' tinulismo suele da timbali pompotuka' hi kita. Kalana kita tempo' uuka tumuu' i tempo'mo nu kakiamatan.

GALATIA 1:15

Panyo kalana ka'ima'an nu kinyonyoa nu Tumpu, Ia nompile'imo aku ma'isa pe'e i hampe ka' nolagamo aku da mompojalan anu Nu palentahkon.

EFESUS 2:10

Kita, Tumpu na nompotimbali, ka' kalana palesaya hi Kristus Yesus, Tumpu nompotimbalimo kita, da kita mombau hahan anu ma'ima', anu tinoukan-Nyomo da o baunto.

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.

KOLOSE 1:6

Lele lengkat mae hi Tumpu aijo' tinogilelemo i songko-songko na dunia, ka' kantumuu'an nu mian lajangmo binalakatan nu lele aijo', pokakana sumo kantumuu'an miu binalakatanmo salatan pe'e tempo'nyo komiu nohongomo balakat nu Tumpu, ka' totu-totu'u ingoa'anmo.

1 TIMOTIUS 2:7

Ka' aijo'mo na sababnyo aku pinokau namba hi to mia-mian anu misa' Yahudi da mompolele hi aha lele mongkona kapalesaya'an anu totu'u. Anu pinotoingkumo aiya, memang totu'u, aku madi' baleko'.

2 TIMOTIUS 1:11

Da Lele Ma'ima' aijo' opolele Tumpu nohangkatmo aku da tinimbali rasul ka' gulu'.

2 TIMOTIUS 2:2

Ajalan anu u'utu mae i hongoummo lengkat hi belengku i ahop nu mian da'isan, tionyo ahi' beleyum mompalesayakonmo hi to mia-mian anu timbali opalesaya ka' anu pande na mongajan mian sangga'at.

TITUS 1:5

Aku nompala'imo beleyum i Kreta da beleyum timbali mongkalesang to hahan anu daagi' palalu o atun. Ka' mule', da beleyum mohangkat to pola-polaya' nu jama'at i batu-batu kota. Ka' o inau' na sonto-sonto' anu kupoto'i aiya:

IBRANI 11:4

Kalana bala'iman, sahingga i Habel nonsombahkonmo hi Tumpu Allah koloban anu lebe ma'ima' molingkudui koloban i Kain. Kalana ia bala'iman sumo aijo', i Habel tinalimamo nu Tumpu salaku mian anu ma'ima', kalana inyata'mo na Tumpu nontalimamo anu sinombahkonnyo. I Habel sinilakamo, panyo kalana ia bala'iman, sahingga ia daagi' basisik sampe uuka aiya.

YAKOBUS 3:18

Memang ka'ima'an atina' bua' nu bine' nu dame anu sinau nu mian anu mongka'ima'i dame!

1 PETRUS 3:15

Panyo i uno nu kinyonyoa miu, tionyo ahi' belemiu mongadati i Kristus anu samata-mata opotoka hi Ia, anu sitimbang tiba kakuasa'an-Nyo salaku Tumpu. Ka' tionyo ahi' belemiu saja' mosadia bau potaam hi batu-batu mian anu mompokilawa mongkona anu otaha'imani nu belemiu, anu itina'mo hi belemiu.

1 PETRUS 3:2

kalana aha montoamo kalakuan miu anu sahondo-hondonyo ka' anu palesayamo totu-totu'u.

1 YOHANES 4:10

Aiyamo na kalibosan: Misa' kita na anu nongkalibosimo Tumpu Allah, panyo Tumpu na anu nongkalibosimo kita, ka' anu nonsaimo mae Anak-Nyo da kalana Ia, dosa'to iwi-iwi' nohumpakmo ka'ampunan.

1 YOHANES 4:19

Kita mongkalibosi, kalana Tumpu momonamo na mongkalibosi kita.