YOHANES 15:15 - KITAB NU TUMPU ALLA LELE MA'IMAI'

¹⁵ Komiu madi'mo Ku laga botuan, kalana botuan madi' monsumbu' apaa na anu hau-haunyo nubau nu tuannyo. Komiu Ku laga bela' kalana iwi-iwi' na anu i hongong-Ku lengkat mae hi Tuuma, pinoto'ingkumo hi komiu.

YOHANES 15:15 ပူးပေါင်းရင်းမြစ်များ

MAZMUR 25:14

Tumpu bela' nu mian anu palesayamo, Ia mompoto'i pa' apaa na nu kahanda'i hi aha.

AMSAL 18:24

Daagi' ko sampo bela' anu madi' tulu-tulutan. Daagi' mule' ko anu lebe mompahakona hondo nulingkuduimo utus.

AMOS 3:7

Tumpu Anu Matangkas na kuasanyo madi' toho' mombau sa'angu' pe'e na apaa de madi' nu poto'i pe'e na tanga'an-Nyo hi aha to nabi-nabi ka' hi to posa-posaihon-Nyo.

MATIUS 13:11

I Yesus nontaami, “Kalana komiu binee'anmo balakat da monsumbu' lahasia anu mongkona mosia na Tumpu mompalentah, panyo aha i madi'.

LUKAS 10:23

Lantas i Yesus nosiloi hi anu saja' mombatuki Ia, lapas aijo' notatae hi aha, “Ko dale' na komiu, kalana nontoamo anu tinoa miu tempo' uuka aiya.

YOHANES 12:26

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

YOHANES 13:16

Totu-totu'u hondo na potataeng-Ku aiya: Samian na posaihon madi' lebe daka' molingkudui tuannyo, ka' samian na posaihon madi' lebe daka' molingkudui anu nonsai.

YOHANES 15:20

O'inau' apaa na anu tinaloakonKumo hi komiu, ‘Botuan madi' lebee daka' molingkudui tuannyo.’ De aha monsakisamo Aku, aha mule' monsakisa suele komiu. De aha mombatuki pangajalan-Ku, aha suele mombatuki pangajalanum.

YOHANES 16:12

Daagi' manjoo' na anu ka'oho' Ku taloakon hi beleyum, panyo uuka aiya komiu ma'isa moko ala montalima.

YOHANES 17:26

Aku nompoto'imo sanggo nu kita Tuuma hi aha; ka' saja' Kubau sumo aitu, da liibos nu kita Tuuma hi beleng-Ku tataap i uno nu kinyonyoa nu aha, ka' Aku mosa'angu' tiba aha.”

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

YOHANES 4:19

“Uuka aiya kusumbu' kita Tuan samian na Nabi,” na koonyo nu boune aijo'.

YOHANES 8:26

Daagi' manjoo' na anu mongkona komiu, anu Ku paisisikakon ka' Ku pisala'i. Panyo Ia anu nonsai mae Aku timbali o palesaya. Ka' Aku nompoto'imo i dunia apaa na anu ihongong-Ku lengkat mae hi Ia.”

SISIKON NU TO RASUL-RASUL 20:27

Madi' toho' aku mompala'i pakalaja'anku montutuhakon hi komiu iwi-iwi' na tanga'an nu Tumpu.

ROMA 7:15

Kalana posi aku madi' kusumbu' na anu binaungku. Anu kupaibau aijo' na madi' binaungku; panyo anu kuku ka'ideki aijo' mule' na binaungku.

1 KORINTUS 2:16

I uno nu Kitab nu Tumpu tinulismo, “Ihe na monsumbu' pikilan nu Tumpu? Ka' ihe na moko ala mompokinde'i Ia?” Kitamo na anu ko pikilan pokakana tiba i Kristus!

GALATIA 4:6

Kalana komiu to ana-anakmo nu Tumpu, Tumpu nonsaimo mae Roh nu Anak-Nyo da minsoop i uno nu kinyonyoa nu kita Utus ka' i kinyonyoangku, aijo'mo Roh anu notatae, “Tuuma, o, Tuumangku.”

EFESUS 1:9

Posi pongka'oho'-Nyo nu Tumpu na nompoto'imo hi kita lahasia nu tanga'an-Nyo; Ia nomputusimo tukoonyo tanga'an-Nyo aijo' nu potimbalije montului Kristus.

EFESUS 3:5

Naipuan mae lahasia aijo' madi' toho' pinosumbu' hi mian, panyo uuka Roh nu Tumpu nomponyata'mo hi to rasul-rasul ka' hi to nabi-nabi-Nyo.

KOLOSE 1:26

aijo'mo lele anu kopinnyo mo'atu-atumo na taun, anu u'utu pe'e mae pinohowini nu Tumpu hi mian iwi-iwi', panyo uuka aiya pinonyata'nyomo hi mian anu palesayamo hi Ia.

FILEMON 1:16

Uuka aiya ia misa'mo ola timbali posaihon nu kita Utus; ia misa'mo ola sumo aijo'. Ia atina' sangko mian Kristen anu okanonongi. Ia kinogunanyo hondo hi belengku, lebe-lebe mule' hi beleyum! Tantu ia ko gunanyo hondo salaku posaihon ka' mule' salaku mian anu noto utusmo hi Tumpu!

YAKOBUS 1:1

To utu-utus mian anu palesayamo hi Tumpu iwi-iwi', anu nobagi-bagimo i songko-songko na dunia! Salam do'a lengkat hi belengku, i Yakobus, posaihon nu Tumpu ka' posaihon i Tumpu Yesus Kristus.

YAKOBUS 2:23

Aijo' sosok tiba ayat nu Kitab nu Tumpu aiya, “I Abraham palesaya hi Tumpu, ka' kalana imannyo aijo', Tumpu Allah nontalima ia salaku mian anu montuluti pongka'oho' nu Tumpu Allah.” Mokonyo aijo' i Abraham osanggohi, “Bella' nu Tumpu Allah.”

1 PETRUS 1:11

Aha monselidiki mosia ka' hipian na han aijo' timbali, apaa na anu kokoonyo nu Roh i Kristus anu kiijo' i butong nu aha. Tempo'nyo aitu Roh-Nyo na nompoto'i hi aha mongkona kasansala'an-kasansala'an anu tionyo nu oa'i i Kristus ka' mongkona katalasanggoan-Nyo anu nutalimaje lapas aijo'.

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.

YUDAS 1:1

To Utu-utus anu i lagamo ka' anu talalo hondo nu kalibosi nu Tumpu Tuuma, ka' mule' anu o jagai da palesaya hi Yesus Kristus. Salaku posaihon i Yesus Kristus, aku – i Yudas – utus i Yakobus,

ANU PINOTO'I HI YOHANES 1:1

Isi nu kitab aiya, mongkona apaa na anu pinoyata'mo i Yesus Kristus mongkona to hahan anu saidi' mae jadi. Tumpu nompoto'imo hi Kristus da Ia mompotiju'akon hi to posa-posaihon nu Tumpu apaa na anu malia'mo, tionyo jadi. I Kristus nonsaimo malaikat-Nyo hi Yohanes, posaihon-Nyo aijo' da mompoto'iakon han haha aijo' anu timbali hi ia.