YOHANES 15:14 - KITAB NU TUMPU ALLA LELE MA'IMAI'

¹⁴ Komiu atina'mo na to bela-bela'-Ku, de komiu mombau apaa na anu pinalentahkon-Kumo hi komiu.

YOHANES 15:14 ပူးပေါင်းရင်းမြစ်များ

2 TOMU-TOMUNDO' 18:6

Madi' toho' ia pinanggaga hi Tumpu. Iwi-iwi' na palentah nu Tumpu anu binee'nyomo ka' pinoto'imo i Musa nu tuluti hondo-hondo i Hizkia.

2 TAWARIKH 20:7

Belentomo na Tumpu Allah mami. Tempo'nyo mian anu palesayamo hi belento, bansa Israel tinokamo i lipu' aiya, i laa'mo nu Belento na to mia-mian anu tempo'nyo aitu jojoong i aiya. Lantas binee'mo nu Belento na lipu' aiya hi lee' i Abram, bela' nu Belento, da ahamo na tumpunyo sampe toka sidu-sidutu'.

NOSABATMO 7:6

Apaa na anu pinalentahkonmo nu Tumpu binaumo i Musa ka' i Harun.

AMSAL 18:24

Daagi' ko sampo bela' anu madi' tulu-tulutan. Daagi' mule' ko anu lebe mompahakona hondo nulingkuduimo utus.

NYANYIAN ANU TALASANGGO 5:1

Aku tinokamo i ale'ku, sindua'anku pangantinku. Ilimu'kumo na mur tiba lampa-lampangku potik tiba juu' nu uani'ku kinaankumo inginumkumo na susu tiba uee nu anggurku. Pongkaanmo ka ponginumo to sanga-sangalungku. Inummo sampe nu osaimo na sindua'anku.

YESAYA 41:8

Panyo beleyum Israel posaihon-Ku, mian anu pinile'an-Kumo beleyum lee' mae i Abram, sampobela'-Ku.

YEREMIA 32:23

Panyo salatan aha tinokamo ilipu' aiya ka' po ule'mo no ngala lipu' aiya, aha madi'mo nontuluti palentah iwi-iwi' nu Belento, ka' madi'mo tinumuu' mombatuki ajalan-ajalan nu Belento. Iwi-iwi' na anu Nu palentahkon hi aha mau sa'angu' madi' ko anu binau nu aha. Kalana aijo' Belento nompotokamo mae iwi-iwi' na balaa' aiya hi aha.

YEHEZKIEL 12:7

Lantas binaungkumo na palentah nu Tumpu anu binee'-Nyo hi belengku. Tempo'nyo aitu daagi' ahi' sinaa, pinosadiangkumo na to bala-balangku ka' binalunankumo susumo anu saja' nu bau nu aha mian anu mambamo ilipu' sangga'at. Salatan sinaa kahanda'mo malom binolo'ankumo nu limangku na pimpi' mesen nu laiganku lantas aku nosabatmo nontulu bolo' ai-aijo'. Ka' tinoa ahi' nu aha mian iwi-iwi, ka' balunan aijo' sinimbungkumo nu bekoangku lantas aku nambamo.

MATIUS 12:50

Mian anu mombau pongka'oho' nu Tuumang-Ku anu i suluga', iamo na utus mo'ane, utus boune ka' tinang-Ku.”

LUKAS 12:4

“O inau', to sanga-sangalung-Ku! Boli mabuhuk hi aha anu mompatei butong, panyo madi' moko ala mombau anu molingkuduimo aijo'.

YOHANES 13:17

De osumbu'mo miu iwi-iwi' aiya, bilahi na komiu de mombau.

YOHANES 14:15

“De komiu mongkalibosi Aku, komiu tionyo monjalanakon to pale-palentah-ngKu.

YOHANES 14:21

Mian anu montalima to pale-palentah-ngKu ka' mombau, iamo na anu mongkalibosi Aku. Tuumang-Ku mongkalibosi mian anu mongkalibosi Aku. Aku mule' mongkalibosi mian aijo' ka' mompotoa butong-Ku hi ia.”

YOHANES 14:28

Komiu nohongomo Aku notatae, ‘Aku mambamo, panyo Aku po'ule'je minsusule' mae hi komiu’. De komiu mongkalibosi Aku, komiu sanang na Aku mamba hi Tuuma, kalana Tuuma lebe daka' molingkudui Aku.

YOHANES 2:5

Panyo tina i Yesus notatae hi to posa-posaihon, “Baumo pa' apaa na anu tinaloakon-Nyo hi komiu.”

YAKOBUS 2:23

Aijo' sosok tiba ayat nu Kitab nu Tumpu aiya, “I Abraham palesaya hi Tumpu, ka' kalana imannyo aijo', Tumpu Allah nontalima ia salaku mian anu montuluti pongka'oho' nu Tumpu Allah.” Mokonyo aijo' i Abraham osanggohi, “Bella' nu Tumpu Allah.”

1 YOHANES 5:3

Kalana mongkalibosi Tumpu alati'nyo tulu-tulutanmo i palentah-Nyo iwi-iwi'. Ka' palentah-Nyo iwi-iwi' madi' maboat hi kita,

I RUT 3:6

Sahingga nambamo na i Rut i tampat nu mian anu mongutut gandum. Ikiijo' mae binaunyomo iwi-iwi' na anu pinokauhakonmo nu moniannyo.