YOHANES 15:11 - KITAB NU TUMPU ALLA LELE MA'IMAI'

¹¹ Iwi-iwi' aiya Ku poto'i hi komiu, da kalame'an-Ku itina' i kinyonyoaum, ka' kalame'anum timbali ma'ima'.

YOHANES 15:11 ပူးပေါင်းရင်းမြစ်များ

YESAYA 53:11

Kalana aitu Tumpu notataemo, “Salatan lapas mo na mongoa'i kasansala'an, ia bilahije ka' sanangmo na kinyonyoanyo. Posaihon-Ku aijo', na momposanang kinyonyoang-Ku, nontanggungmo hukuman nu aha mian da'isan; kalana ia Aku mongampunimo aha.

YESAYA 62:4

Sanggo nu beleyum misa'mo daagi' ‘Anu Pinala'ianmo’, lipu' nu beleyum misa'mo daagi' ‘Anu ilingmo’. Beleyum osanggohimo, ‘Anu nu kalibosi nu Tumpu’, ka' mule' lipu' nu beleyum osanggohimo ‘Anu inaki'mo,’ kalana Tumpu sinitujumo hi beleyum, Ia sumomo ahi' langkai' nu beleyum ilipu' nu beleyum.

YEREMIA 32:41

Aku sanangmo na mombau palabuatan anu ma'ima' hi aha, ka' mompotataapmo aha ilipu' aiya sampe toka sidu-sidutu'.

YEREMIA 33:9

Yerusalem mompolame'mo mae kinyonyoang-Ku ka' mompopodaka'mo mae Aku. Iwi-iwi' na bansa i dunia mabuhukmo ka' nu lakatmo ka' mule' moholomatimo mae Aku, de aha mohongomo palabuatan ma'ima' anu binaung-Kumo iwi-iwi' hi aha mian anu jojoong i Yerusalem ka' mongkona kamajuan anu binee'-Kumo i kota' aijo'.”

ZEFANYA 3:17

Belemiu nu jagai nu Tumpu, Tumpu nu belemiu baani ka' talasanggo. Belemiu inguntungmo na nahampate kalana kuasa-Nyo. Tumpu ilame'mo ka' mule' binilahimo kalana belemiu, kalana kalibosan-Nyo binee'an-Nyomo na belemiu kantumuu'an anu bu'ou.

LUKAS 15:23

Lapas atina' hakop na anak nu sapi' anu molompo' ka' kolot. Da kita mongkaan ka' balame-lame'.

LUKAS 15:32

Panyo kita tionyo mombau-bauon ka' balame-lame', kalana utusum ise' aijo' sinilakamo, panyo uuka po'ule'mo tinumuu'; ia nolapusmo, panyo uuka po'ule'mo kinabot.’ ”

LUKAS 15:5

Ka' de po'ule'mo nu humpak na domba aijo', ia sanangmo sahingga sinimbunyomo na domba aijo' i bikoangnyo,

LUKAS 15:9

Salatan i humpaknyomo na doi aijo', nu laganmo na to sanga-sangalunyo tiba anu mompaha ohani laigannyo, lantas notatae, ‘Aku sinanangmo hondo po'ule'mo i humpakku na doingku anu nolapusmo. Imbo' da kita balame-lame'!’

YOHANES 16:24

Sampe tempo' uuka komiu ma'isa toho' nompoita apa-apaa momboa sanggong-Ku. Poitamo, komiu tionyo mohumpak, da kalame'an miu ma'ima'.”

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

YOHANES 17:13

Uuka aiya Aku toka hi Tuuma. Iwi-iwi' aiya Ku taloakon hau-haunyo Aku daagi' i dunia; da aha mongoa'i totu-totu'u kalame'an-Ku.

YOHANES 3:29

Boting boune tumpunyo boting mo'ane. Bela' nu boting mo'ane aijo' ola tuminjo monsangalui ka' mohongo, ka' ia sanang de mohongo potatae nu boting mo'ane. Sumo aitumo na aku. Uuka aku sanang hondo.

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

2 KORINTUS 1:24

Aku madi' mompakisa komiu, apaa na anu tionyo opalesaya miu, kalana komiu pinalesayamo hondo hi Kristus. Aku ola mokalaja hingga-hinggat ka' komiu da komiu mompaka humpak ka'ima'an.

EFESUS 5:18

Boli komiu malangu nu anggur, kalana aijo' mongidei komiu. Ola ahi' maunyo komiu nukuasai nu Roh nu Tumpu.

FILIPI 1:25

Ku palesaya hondo na han aijo'. Mokonyo aijo' kusumbu' aku tataap jojoong tiba to Utu-utus iwi-iwi', da timbali montulungi komiu da mompaka pahoson ka' mompaka sanang na palesaya hi Tumpu.

1 TESALONIKA 5:16

Tionyo ahi' komiu saja' lame',

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.

1 YOHANES 1:4

Kami nontulismo aiya da kinyonyoanto totu-totu'u bilahi.

2 YOHANES 1:12

Manjoo' hondo na anu palalu ku poto'i hi belemiu, panyo ku tutugi lebe ma'ima' boli ola mompakatu sulat. Bisa-bisa' aku moko ala mamba molenga komiu ka' mompaha ko basi-basisikje tiba komiu, da kinyonyoanto totu-totu'u lame'.