YOHANES 15:10 - KITAB NU TUMPU ALLA LELE MA'IMAI'

¹⁰ De komiu monjalanakon iwi-iwi' na palentah-ngKu, komiu saja' montuluti pongkalibosing-Ku, pokakana sumo Aku saja' montuluti pongkalibosi nu Tuuma, kalana monjalanakon palentah-Nyo iwi-iwi'.

YOHANES 15:10 ပူးပေါင်းရင်းမြစ်များ

2 SAMUEL 22:22

Aku nontulutimo palentah nu Tumpu ka' madi' ahi' pinanggaga hi Tumpu Allah-ngku.

2 TOMU-TOMUNDO' 18:6

Madi' toho' ia pinanggaga hi Tumpu. Iwi-iwi' na palentah nu Tumpu anu binee'nyomo ka' pinoto'imo i Musa nu tuluti hondo-hondo i Hizkia.

NOSABATMO 7:6

Apaa na anu pinalentahkonmo nu Tumpu binaumo i Musa ka' i Harun.

YESAYA 50:5

Tumpu mompopangalati'mo mae Aku; aku madi' motomuhuk kabai mompala'imo Ia.

YOHANES 10:18

Madi' ko samian pe'e moko ala mongala aiya hi beleng-Ku. Aku nombee' posi pongka'oho'-Ku. Aku ko kuasa mombee', ka' ko kuasa po'ule' mongala. Aijo'mo na palentah anu ingalang-Ku hi Tuumang-Ku.”

YOHANES 12:49

Kalana Aku madi' motatae lengkat i posi pongka'oho'-Ku; Tuuma anu nonsai mae Aku, iamo na nompalentakon hi belengku apaa na anu tionyo Ku taloakon ka' Ku potoka.

YOHANES 14:15

“De komiu mongkalibosi Aku, komiu tionyo monjalanakon to pale-palentah-ngKu.

YOHANES 14:21

Mian anu montalima to pale-palentah-ngKu ka' mombau, iamo na anu mongkalibosi Aku. Tuumang-Ku mongkalibosi mian anu mongkalibosi Aku. Aku mule' mongkalibosi mian aijo' ka' mompotoa butong-Ku hi ia.”

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

YOHANES 14:31

Panyo iwi-iwi' aijo' tionyo timbali da nu sumbu' nu dunia, taalu' Aku mongkalibosi Tuuma ka' mombau iwi-iwi' anu pinalentakon nu Tuuma hi beleng-Ku. Yoh, imbo' da kita mambamo lengkat i aiya.”

YOHANES 17:4

Aku nompopodaka'mo kita Tuuma i bawo nu dunia aiya, kalana nompotimbalimo hia nu kita Tuuma anu pinokauhakonto hi beleng-Ku.

YOHANES 4:34

Lantas i Yesus notatae, “Anu Ku kaan aijo'mo mombatuki pongka'oho'-Nyo anu nonsai mae Aku, ka' mompotimbali kalaja anu binee'-Nyo hi beleng-Ku.

YOHANES 8:29

Ka' Ia anu nonsai mae Aku daagi' poja-pojajalan tiba Aku. Ia madi' toho' mompojohok Aku sausa', kalana Aku saja' mombau apaa na anu momposanang kinyonyoa-Nyo.”

YOHANES 8:55

padahan komiu madi' monsumbu' Ia. Panyo Aku monsumbu' Ia. De Aku motatae Aku madi' monsumbu' Ia, tantu Aku samian na anu baleko' pokakana sumo komiu. Aku monsumbu' Ia ka' mohongo-hongo potatae-Nyo.

1 KORINTUS 7:19

Kalana mohongo-hongo atulan nu sunat kabai madi' mohongo-hongo, ohu-ohua' aijo' bubuu' madi' ko alati'nyo apa-apaa. Anu penting mohongo-hongo palentah nu Tumpu.

1 TESALONIKA 4:1

Ahennyo to Utu-utus kami nombee'imo sonto' hi komiu, mosia na komiu tionyo tumuu' da momposanang kinyonyoa nu Tumpu. Memang komiu tinumuu'mo sumo aijo'. Panyo uuka aiya kalana kuasa nu Tumpu Yesus opoita mami totu-totu'u hi komiu da mompaka bala usaha mule' i han anu sumo aijo'!

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.

2 PETRUS 2:21

Lebe ma'ima' mian anu susumo aijo' madi' toho' nonsumbu' jalan anu totu'u lengkat mae hi Tumpu, da boli ola aha monsumbu' padahan lapas mae madi'mo mongka'oho' montuluti to pale-palentah anu binee'mo nu Tumpu hi aha.

1 YOHANES 2:3

De kita tulu-tulutan hi iwi-iwi' na palentah nu Tumpu, aijo'mo na tandanyo taalu' kita nonsumbu'mo Tumpu.

1 YOHANES 2:5

Panyo mian anu tulu-tulutan i potatae nu Tumpu, mian aijo' mongkalibosi Tumpu totu-totu'u. Aijo'mo na tandanyo taalu' kita tumuu' nosa'angu'mo tiba Tumpu.

1 YOHANES 2:6

De ihe na motatae tukoonyo ia tumuu' nosa'angu'mo tiba Tumpu, ia tionyo ahi' tumuu' mombatuki lawo i Kristus.

1 YOHANES 5:3

Kalana mongkalibosi Tumpu alati'nyo tulu-tulutanmo i palentah-Nyo iwi-iwi'. Ka' palentah-Nyo iwi-iwi' madi' maboat hi kita,

ANU PINOTO'I HI YOHANES 22:14

Mohumpak ka'ima'an na mian anu nombaso'imo juba'nyo sampe belesi', ka' sahingga aha ko hakmo mongkaan bua' nu kau' kantumuu'an ka' minsoopmo i uno nu kota aijo' montului sabatan daka' aijo'.