YOHANES 14:6 - KITAB NU TUMPU ALLA LELE MA'IMAI'

⁶ I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 14:6 ပူးပေါင်းရင်းမြစ်များ

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

YOHANES 1:4

Potatae nu Tumpu aijo' pu'un nu kantumuu'an, ka' kantumuu'an monjingkai mian.

YOHANES 10:28

Aku mombee'i aha kantumuu'an kopian ka' toka sidu-sidutu', ka' sidu-sidutu' aha madi' silaka. Madi' ko samian pe'e mongagoi aha i limang-Ku.

YOHANES 10:7

Lantas i Yesus po'ule' mule' notatae minsan, “Totu'u na potataeng-Ku aiya: Akumo na sabatan pinsoopan nu domba.

YOHANES 10:9

Akumo na sabatan. Ihe na minsoop montulu Aku salamat; ia mosabat minsoop ka' mohumpak kaanon.

YOHANES 14:19

Me sasaingoni' dunia madi'mo montoa Aku. Panyo komiu montoaje Aku. Ka' kalana Aku tumuu', komiu suele tumuu'.

YOHANES 15:1

Koonyo i Yesus mule', “Aku kau' anggur anu totu-totu'unyo, ka' Tuumang-Ku aijo' na tumpu nu ale'.

YOHANES 18:37

Lantas i Pilatus nompokilawamo hi Ia, “Desumo aitu Beleyum tomundo'?” I Yesus nontaami, “Beleyum notatae, Aku aiya tomundo'! Aku i hampe ka' tinoka i dunia daagi' ko sa'angu' na kahanda' aijo'mo mombee'i katalangan mongkona kahondoan. Mian anu lengkat mae i kahondoan aijo' mohongo Aku.”

YOHANES 5:21

Tuuma aijo' po'ule' mompotumuu' mian mate, ka' mombee'i aha kantumuu'an anu talakana' ka' toka sidu-sidutu'; sumo aitu mule' Anak mombee'i kantumuu'an sidu-sidutu' hi mian anu nuka'oho' Nubee'i kantumuu'an.

YOHANES 6:33

Kalana roti anu binee' nu Tumpu aijo'mo ia anu nintatau' lengkat mae i suluga' ka' mombee'i kantumuu'an hi mian i dunia.”

YOHANES 6:51

Akumo na roti nintatau' mae lengkat i suluga' – roti anu mombee'i kantumuu'an. Mian anu mongkaan roti aiya tumuu' sidu-sidutu'. Roti anu Kubee' da bau kantumuu'an nu mian i dunia aijo'mo butong-Ku.”

YOHANES 6:57

Tuuma anu tumuu' aijo' nonsai mae Aku, ka' Aku mule' tinumuu' kalana i Tuuma. Sumo aitu mule' na mian anu mongkaan butong-Ku, tumuu' kalana Aku.

YOHANES 6:68

“Kita Tumpu,” na koonyo i Simon Petrus hi Ia, “Hi ihe na kalambanan mami? Potatae nu Kita Tumpu mombee'i kantumuu'an anu talakana' ka' toka sidu-sidutu'.

YOHANES 8:32

Sahingga komiu monsumbu' Tumpu anu totu'u, ka' kalana aijo' komiu o pobebasje.”

YOHANES 8:51

Totu'u hondo na potataeng-Ku aiya, mian anu mombatuki potataeng-Ku, sidu-sidutu' madi' mate.”

SISIKON NU TO RASUL-RASUL 3:15

To utu-utus mompateimo Ia, padahan Iamo na pinolengkatan nu kantumuu'an bau kapentingan nu iwi-iwi' mian. Ka' Tumpu po'ule'mo nompotumuu' ia lengkat i kapateannyo. Kami nonsakisimo han aijo'.

SISIKON NU TO RASUL-RASUL 4:12

Ola ahi' kalana i Yesus mian oposalamat. Kalana i songko-songko nu dunia i totonga' nu mian madi' ko samian pe'e na anu nohumpakmo kakuasa'an lengkat mae hi Tumpu da momposalamat kita.”

SISIKON NU TO RASUL-RASUL 9:2

ka' nompoita sulat kuasa da mamba hi to pola-polaya' i to lai-laigan pogalejaan mian nu Yahudi i Damsyik, da de ia mompaha kabot kiijo' mae to mia-mian anu palesayamo hi Yesus, ia timbali mohakop aha, ka' momboa aha mokiijo' i Yerusalem.

ROMA 15:16

Ia nompotimbalimo aku posaihon i Kristus Yesus da osai hi to bansa-bansa anu misa' Yahudi. Ka' aku nompojalanmo sumo salaku imam, anu mompolele Lele Ma'ima' lengkat mae hi Tumpu, da to mia-mian anu misa' Yahudi timbalimo salaku anu osombahkon hi Tumpu Allah anu timbali Nutalima. O amalakon da Roh nu Tumpu mompotimbali aha da timbali salaku anu osombahkon samata-mata hi Tumpu.

ROMA 5:2

Kalana kita palesaya hi Yesus, sahingga Ia nompotimbali kita moko ala mongoa'i liibos nu Tumpu, ka' kalana liibos aijo' kita tumuu' uuka aiya. Kalana aijo' kita lame' na kinyonyoa, kalana kita ko anu otaha'imani aijo'mo kita mongoa'ije tumuu' ma'ima' anu binee' nu Tumpu!

ROMA 5:21

Jadi, kita tionyo mate kalana kita nombaumo dosa'. Panyo Tumpu mongkalibosi kita mombee'i jalan hi kita da mompaha ima' tiba Ia. Ka kalana pompahasumbu'anto tiba Tumpu po'ule'mo na'ima', Ia mule' mombee'i kantumuu'an kopian ka' sampe toka sidu-sidutu' hi kita kalana i Yesus Kristus, Tumpunto.

1 KORINTUS 15:45

I uno nu Kitab nu Tumpu tinulismo sumo uuka, “Mian anu momona aijo'mo i Adam anu binau ka' pinotumuu',” panyo i Adam anu imihi-mihinyo aijo'mo Roh anu mombee'i kantumuu'an.

EFESUS 2:18

Kalana montului Kristus salaku jalan kita iwi-iwi' – mau mian nu Yahudi, maumo misa' mian nu Yahudi – kalana Roh nu Tumpu anu sa'a-sa'angu'nyomo aijo' timbalimo moko ohani Te Aha Tuuma.

KOLOSE 2:17

Iwi-iwi' aijo' ola lolung nu hahan anu tokaje mae, panyo bukuti' nu hahan aijo', aijo'mo i Kristus!

KOLOSE 2:9

Kalana iwi-iwi' na lupa nu Tumpu daagi'mo hi Kristus, aijo'mo lupanyo anu sumo mian.

KOLOSE 3:4

Jadi, pinolengkatan nu kantumuu'an miu anu totu-totu'u atina'mo hi Kristus, ka' de Ia po'ule'mo otoa, komiu suele tokamo mae hingga-hinggat tiba Ia ka' opopodaka'mo suele tiba Ia!

IBRANI 7:25

Mokonyo aitu sampe toka sidu-sidutu' i Yesus timbali momposalamat to mia-mian anu toka hi Tumpu, montului Ia, mokonyo aijo' Ia tumuu' sampe toka sidu-sidutu' da mompotokakon apaa na anu nu poita nu to mia-mian hi Tumpu.

IBRANI 9:8

Tiba atulan anu sumo aijo', Roh nu Tumpu mompotiju'mo totu-totu'u, saba' de daagi' sabole-bole kemah anu i sasu ahop aijo' opotinjo, jalan minsoop i uno nu Salipi' anu Susi' hondo aijo' ma'isa tabuka'.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

1 PETRUS 2:4

Mokonyo aijo', tokamo mae hi Tumpu. Ia salaku batu anu tumuu', batu anu ingalinmo nu manusia kalana osangka madi' mingguna; panyo anu pinile'anmo nu Tumpu salaku batu anu ko angga'nyo.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

1 YOHANES 1:8

De kita motatae tukoonto, kita madi' baladosa', kita mombaleko'imo posi butongto; ka' Tumpu madi' ko anu i uno nu kinyonyoanto.

1 YOHANES 2:23

Mian anu madi' mongakui Anak, alati'nyo madi' montalima Tuuma mule'. Ka' mian anu mongakui Anak, alati'nyo montalima Tuuma suele.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

1 YOHANES 5:6

I Yesus Kristusmo na anu tinoka i dunia tiba uee pinompalamandikan Ia ka' tiba baso' anu Ia sinilakamo. Ia tinoka misa' ola uee, panyo tiba uee ka' baso'. Ka' posi Roh nu Tumpu Allah na nompoto'i anu sinakisiannyomo tukoonyo memang aijo' totu'u, kalana Roh madi' toho' baleko'.

2 YOHANES 1:9

Mian anu madi' montoongi pangajalan i Kristus, ka' ola mule' monggeo-geoakon apaa na ingajanakonmo i Kristus, mian aijo' madi' ko Tumpunyo. Mian anu tataap i uno nu pangajalan i Kristus, alati'nyo daagi'mo ko Tumpu Tuuma ka' mule' Anak.

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.

ANU PINOTO'I HI YOHANES 19:11

Lapas aijo' aku nontoamo suluga' tinabuka'mo, lantas nontoamo sa'angu' na ajahan mopute'. Anu nonsake'i sanggo-Nyo Anu Mohongo-hongo hondo ka' Anu Totu'u hondo. Ia adin na momputusi hukuman ka' i uno nu pahampatean anu binau-Nyomo.

ANU PINOTO'I HI YOHANES 20:15

To mia-mian anu madi' tinulis na sanggonyo i uno nu Kitab nu Mian anu Tumuu', o'alinmo i uno nu apu anu sumo ndalangon.

ANU PINOTO'I HI YOHANES 22:1

Malaikat aijo' suele nompotoa hi belengku kaunyo anu ueenyo mombee'i kantumuu'an. Uee nu kaunyo aijo' jongkilaban sumo intan ka' mo'ili lengkat mae i kasungan nu Tumpu ka' Anak nu Domba aijo',

ANU PINOTO'I HI YOHANES 22:17

Roh nu Tumpu ka' Boting Boune aijo' notatae, “Imbo'mo!” Ihe na mian anu mohongo aiya, tionyo suele motatae, “Imbo'mo!” Ihe na anu megot, tionyo ia toka! Ka' ihe na anu mongkamilui, tionyo ia mongala uee anu mombee'i kantumuu'an aijo' madi' opai oli.

ANU PINOTO'I HI YOHANES 3:14

“Toka hi malaikat anu kiijo' hi jama'at nu Laodikia; tulismo sumo uuka: Aiyamo na potuunon lengkat mae hi Sang, Amin, sakisi anu mohongo-hongo ka' anu totu'u, pinolengkatan mae nu iwi-iwi' apaa anu pinotimbalimo nu Tumpu.

ANU PINOTO'I HI YOHANES 3:7

“Toka hi malaikat anu kiijo' hi jama'at nu Filadelfia, tulismo sumo uuka: Aiyamo na potuunon lengkat mae hi Ia anu susi', ka' anu tumuu' kopian. Gunsing i Daud Ia na montoongi; de Ia na montuhea'akon madi' ko samian pe'e na timbali montumban, ka' de Ia na montumban, madi' ko samian pe'e na timbali montuhea'akon.