YOHANES 14:4 - KITAB NU TUMPU ALLA LELE MA'IMAI'

⁴ Mamba i tampat kalajangan-Ku osumbu' miu na jalannyo.”

YOHANES 14:4 ပူးပေါင်းရင်းမြစ်များ

LUKAS 24:26

Te misa' Tomundo anu Momposalamat tionyo mongoa'i pe'e kasansala'an aijo', atina'je ka' mohumpak Kadaka'an?”

YOHANES 10:9

Akumo na sabatan. Ihe na minsoop montulu Aku salamat; ia mosabat minsoop ka' mohumpak kaanon.

YOHANES 12:26

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

YOHANES 13:3

Sinumbu'mo i Yesus na Tuumanyo nombee'mo iwi-iwi' na kuasa hi Ia. Nusumbu' suele na Ia, lengkat mae hi Tumpu, ka' po'ule' minsusule' hi Tumpu.

YOHANES 14:2

I laigan nu Tuumang-Ku daagi' manjoo' na tampat kajojoongan. Aku mamba mokiita' montoukai tampat miu. Aku madi' motatae sumo aijo' hi komiu, de aijo' madi' sumo aitu.

YOHANES 14:28

Komiu nohongomo Aku notatae, ‘Aku mambamo, panyo Aku po'ule'je minsusule' mae hi komiu’. De komiu mongkalibosi Aku, komiu sanang na Aku mamba hi Tuuma, kalana Tuuma lebe daka' molingkudui Aku.

YOHANES 14:3

De lapasmo na Aku mamba montoukai tampat miu, Aku po'ule'je mae minsusule' ka' molabot komiu, da iyana kajojoongan-Ku, i kiijo' suele na kajojoongan miu.

YOHANES 14:5

Lantas i Tomas notatae hi Yesus, “Tumpu, kami madi' monsumbu' iya na kalambanan i Tumpu, mosia na osumbu' mami na jalannyo?”

YOHANES 16:28

Memang Aku nolengkat mae hi Tuuma, ka' tinokamo i uno nu dunia. Panyo uuka Ku pala'imo na dunia minsusule'mo hi Tuuma.”

YOHANES 3:36

Mian anu palesaya hi Anak aijo' tionyo mohumpak kantumuu'an talakana' ka' toka sidu-sidutu'. Panyo mian anu madi' montapali Anak aijo', madi' mohumpak kantumuu'an. Ia ohukum nu Tumpu sidu-sidutu'.

YOHANES 6:40

Memang aiyamo na nuka'ima'i nu Tuumang-Ku: Da iwi-iwi' na anu montoa Anak ka' palesaya hi Ia ko kantumuu'an anu talakana' toka sidu-sidutu', ka' po'ule' Kupotumuu' i Sinaa Kakiamatan.”