YOHANES 14:28 - KITAB NU TUMPU ALLA LELE MA'IMAI'

²⁸ Komiu nohongomo Aku notatae, ‘Aku mambamo, panyo Aku po'ule'je minsusule' mae hi komiu’. De komiu mongkalibosi Aku, komiu sanang na Aku mamba hi Tuuma, kalana Tuuma lebe daka' molingkudui Aku.

YOHANES 14:28 ပူးပေါင်းရင်းမြစ်များ

MAZMUR 68:18

Pulu'an nu madala na kareta anu otaha'imano; Tumpu tinokamo hi aha, Ia nompotoamo katalasanggoan-Nyo.

MAZMUR 68:9

dunia ginayu'anmo, ujan tinombulokmo i ahop nu Belento, kalana Tumpu anu kiita' i Sinai, Tumpu Israel tinokamo mae.

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 53:11

Kalana aitu Tumpu notataemo, “Salatan lapas mo na mongoa'i kasansala'an, ia bilahije ka' sanangmo na kinyonyoanyo. Posaihon-Ku aijo', na momposanang kinyonyoang-Ku, nontanggungmo hukuman nu aha mian da'isan; kalana ia Aku mongampunimo aha.

MATIUS 12:18

“Aiyamo na anu pinile'an-Ku anu sinaing-Kumo, mian anu Ku kalibosi ka' anu kona i kinyonyoang-Ku. Roh-Ku, Kubee'je hi Ia, ka' ka'adilan-Ku Nu leleakonje hi to bansa-bansa.

YOHANES 10:38

Panyo kalana Aku mombau palentah-Nyo, opalesaya apaa na anu Kubau aijo', mau mule' komiu madi' mongka'oho' palesaya hi beleng-Ku. Atina'je ka' osumbu' miu, ka' mangalati' taalu' Tuuma tataap mosa'angu' tiba Aku, ka' Aku tataap mosa'angu' tiba Tuuma.”

YOHANES 13:16

Totu-totu'u hondo na potataeng-Ku aiya: Samian na posaihon madi' lebe daka' molingkudui tuannyo, ka' samian na posaihon madi' lebe daka' molingkudui anu nonsai.

YOHANES 14:12

Totu'u hondo na potataeng-Ku aiya: Mian anu palesaya hi beleng-Ku tionyo mombau apaa na anu binaung-Kumo, – aitu pe'e ia tionyo mombau anu lebe daka' mule' – kalana aku mamba hi Tuuma.

YOHANES 14:18

Komiu Ku pala'i sausa' sumo anu unon tina tuuma. Aku minsusule'je mae hi komiu.

YOHANES 16:7

Panyo Aku montaloakon anu totu'u hi beleyum: Da bau ka'ima'an nu belemiu, lebe ma'ima' Aku mamba; kalana de Aku madi' mamba, Pontulungi aijo' madi' koko toka hi belemiu. Panyo de aku mambamo kusaije mae na Ia hi beleyum.

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

YOHANES 20:21

Lantas i Yesus po'ule' notatae hi aha, “Tabea' kasalamatan tinokamo hi komiu. Sumo i Tuuma nonsai mae Aku, sumo aitu suele na aku monsai komiu.”

YOHANES 5:18

Potatae aijo' nombau aha anu mongkuasai Yahudi lebe molio jalan da mompatei Ia. Aha mombau sumo aijo', misa' ola kalana Ia molanggai atulan nu agama mongkona sinaa nu Sabat, panyo mule' kalana Ia notatae tukoonyo Tumpu aijo' Tuuma-Nyo; alati'nyo Ia mompokakanakon Tumpu tiba butong-Nyo.

YOHANES 7:33

I Yesus notatae hi mian da'isan i uno nu Laigan nu Tumpu, “Me sasaingoni' uuka, Aku daagi' hingga-hinggat tiba komiu. Lapas aijo' Aku minsusule'mo hi anu nonsai mae Aku.

1 KORINTUS 11:3

Panyo ku indi da komiu monsumbu' sa'angu' na han mule', aijo'mo saba' anu mongkapalai aha to momo'ane, aijo'mo i Kristus; anu mongkapalai bengkele' aijo'mo langkai'nyo, ka' anu mongkapalai i Kristus aijo'mo Tumpu.

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.

ANU PINOTO'I HI YOHANES 1:11

Lewo' aijo' notatae, “Tulismo apaa na anu tinoaum, ka' pakatumo na kitab aijo' toka i popitu' na jama'at aijo'mo: Efesus, Smirna, Pergamus, Tiatira, Sardis, Filadelfia, ka' Laodikia.”