YOHANES 14:27 - KITAB NU TUMPU ALLA LELE MA'IMAI'

²⁷ Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

YOHANES 14:27 ပူးပေါင်းရင်းမြစ်များ

2 TAWARIKH 20:30

Mokonyo aijo' madi'mo nabuhuk na i Yosafat nompalentah, ka' binalakatanmo nu Tumpu nu kadamean na ia i songko-songko na lipu'.

AYUB 34:29

De nutantukanmo nu Tumpu Allah da momohokotmo, madi' ko samian anu moko ala mompisala'i Ia. De nuposuluk na ahup-Nyo, madi' ko samian na anu moko ala mongkabot Ia.

MAZMUR 11:1

Anu mihohung panyanyi. Mazmur i Daud. Aku minsondo' hi Tumpu; madi' kogunanyo na motatae hi belengku, “Posalamat na butong nu beleyum susumo tomonsi' anu lumap mokiita' i bungkutnyo.

MAZMUR 112:7

Ia madi' mabuhuk na mohumpak lele anu ma'idek, kinyonyoanyo mahoson kalana palesaya hi Tumpu.

MAZMUR 27:1

Mazmur i Daud. Tumpu aijo'mo na jingkaku ka' kasalamatanku, madi'mo ko anu ku kabuhuk. Tumpu aijo'mo na benteng bau pihohunganku, aku madi'mo mabuhuk.

MAZMUR 28:3

Boli mompatei mae aku opotuangmo hi aha mian anu palaganta, tibamo mian anu mombau palabuatan anu ma'idek. Aha motatae ma'ima' hondo na mohongo, panyo i uno nu kinyonyoa nu aha ma'idek hondo.

MAZMUR 29:11

O'amalakon da Tumpu mombee'i mae kahosonan hi mian anu palesayamo hi Ia, ka' mompobilahimo kantumuu'an nu aha.

MAZMUR 56:11

Aku mompuji'mo Tumpu, kalana apaa na anu jinanji'Nyomo.

MAZMUR 56:3

Sansina-sinaa na aku opahampeja'akon nu mian anu nongewamo mae aku; manjoo' hondo na mian anu nonsampobali'mo mae aku, o Tumpu Anu Matangkas na Kuasa-Nyo.

MAZMUR 72:2

O'amalakon da ia momputusi apa-apaa hi mian anu palesayamo hi Belento obatuki hondo-hondo na atulan, ka' mompokona kaputusan opo adin ahi', hi mian anu sinakisamo.

MAZMUR 72:7

O'amalakon da ka'adilan sabole-boleh obau kopinnyo ia mompalentah, ka' kasanangan nu kantumuu'an boli kokakulangannyo kopinnyo daagi' ko bitu'on.

MAZMUR 85:10

Memang Ia ko kahanda' momposalamat anu tulu-tulutan. Tumpu anu talasanggo hondo jojoongmo i lipu'to aiya.

MAZMUR 91:5

Beleyum bolimo mabuhuk i balaa' anu toka mae pihi, kabai anu saintolo-tolo montumbuhimo mae sinaa;

AMSAL 3:25

Bolimo belemiu mongkabuhuk balaa' anu saintolo-tolo montokaimo mae susumo tombusisi', ka' nontuda'mo to mia-mian anu ma'idek na kinyonyoanyo.

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 41:14

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

YESAYA 54:13

Iwi-iwi' na mian anu jojoong hi beleyum timbalimo to muli-mulid-Ku, aha sanangmo ka' bilahimo na kantumuu'an nu aha.

YESAYA 55:12

Belemiu mompala'imo mae Babel ka' sanangmo hondo, ka' oboamo minsusule' ma'i-ma'ima'. Bungkutnyo ka' puge'nyo lame'mo ka' montatigalaimo to kau-kau' aijo' i ale' nohapa'imo lima.

YESAYA 57:19

Aku mombee'ije ka' amanan hi iwi-iwi' na mian, maumo anu ohani kabai anu majo'on. Aku mombee'ije kahosonan hi mian anu palesayamo hi beleng-Ku.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YEREMIA 1:8

Boli mabuhuk hi aha, kalana Ku sangalui ka' Ku jagai na beleyum. Aku, Tumpu notataemo!”

MOHAANGI 3:17

Pininmo na aku madi' mongoa'i ka'ima'an; madi'mo sinumbu'ku pa' mosia na mongoa'i kabilahian.

YEHEZKIEL 2:6

Panyo beleyum, o, manusia anu madi' tumuu' batu boli mabuhuk hi aha anu sosola' motomuhuk aijo' kabai apaa na anu nu taloakon nu aha. Aha saidi' mae mongewamo ka' mompopo ambangmo beleyum, sahingga beleyum sumomo ahi' tumuu' galo-galo' hi beyua'. Panyo maumo ahi' sumo aijo', boli mabuhuk.

DANIEL 4:1

Sumo uuka na anu binebakonmo i Tomundo' Nebukadnezar anu pinakatunyomo hi to mia-mian i iwi-iwi na bansa, tulunan nu bansa, ka' basa' i songko-songko na dunia: “Salamat kopian!

DANIEL 6:25

Lapas aijo' i tomundo' nompalentahmo mian da mohakop to mia-mian anu nongkalakmo mae i Daniel. Lantas aha iwi-iwi' tiba to ana-anak ka' mule' to bengke-bengkele' nu aha ilumbu'akonmo nokiijo' i uno nu liang nu singa haha aijo'. Ma'isa pe'e aha tinoka ilananyo nu liing aijo', singa haha aijo' nonsa'umo aha ka' nohansunimo buku-buku nu aha.

ZAKHARIA 6:13

Iamo na mombau Laigan-Ku ka' montalimamo kaholomatan susumo samian na tomundo' ka' ia mompalentahmo miannyo. Samian na imam na mohapiti'i ia, ka' mompaha toa-toa na aha mokalaja ka' mompaha kona hondo.’

NOMBILANGMO 6:26

O amalakon da Tumpu mongkalibosi belemiu ka' mombee'i kadamean hi belemiu.

MATIUS 10:26

“Boli mabuhuk hi mian. Madi' ko anu sulu-suluk lantas madi' kantoan, ka' madi' ko anu pinohowini lantas madi' o hongo.

LUKAS 1:79

sumo aitumo na Ia mombee'i jingka-Nyo hi iwi-iwi' na mian anu tumuu' i uno nu kapintungan ka' i kabuhukan. Ia montaka' kita i jalan anu mokiijo' i kadamean.”

LUKAS 10:5

De komiu minsoop i sa'angu' na laigan, momonanyo otaloakon, ‘Bee'akon bila-bilahi i uno nu laigan aiya.’

LUKAS 12:4

“O inau', to sanga-sangalung-Ku! Boli mabuhuk hi aha anu mompatei butong, panyo madi' moko ala mombau anu molingkuduimo aijo'.

LUKAS 2:14

“Puji' na Tumpu i langit anu matangkas hondo! Ka' i bawo nu dunia, salamatmo na mian anu momposanang kinyonyoa nu Tumpu!”

YOHANES 14:1

“Boli kinyonyoaum susa',” koonyo i Yesus hi aha. “Palesaya hi Tumpu, ka' palesaya suele na Aku.

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

YOHANES 20:19

Sinaa nu duminggu suele aijo' salatan i nalomo, anu saja' mombatuki Yesus sinilimu'mo i sa'angu' na laigan, panyo tumban kaho kinunsi, kalana aha mabuhuk hi anu mongkuasai Yahudi. Monti-montiik i Yesus tinokamo ka' tinuminjo i pohintonga'an nu aha ka' notatae, “Tabea', kasalamatan tinokamo hi komiu.”

YOHANES 20:21

Lantas i Yesus po'ule' notatae hi aha, “Tabea' kasalamatan tinokamo hi komiu. Sumo i Tuuma nonsai mae Aku, sumo aitu suele na aku monsai komiu.”

YOHANES 20:26

Ilapas sinaduminggu anu saja' mombatuki Yesus po'ule' mule' nokiijo' i tampat aitu, ka' kino i Tomasmo. Iwi-iwi' na tumban ginunsing. Panyo i Yesus tinoka ka' tinuminjo i totonga' nu aha lantas notatae, “Tabea' kasalamatan tinokamo hi komiu.”

SISIKON NU TO RASUL-RASUL 10:36

Sinumbu'mo nu to Utu-utus na isi nu lele anu pinotoka nu Tumpu hi bansa Israel. Lele aijo' aitumo Lele Ma'ima', mongkona paladamean hi Yesus Kristus, aitumo Tumpu nu iwi-iwi' mian.

SISIKON NU TO RASUL-RASUL 18:9

Daagi' kino sampahuan, i uno nu anu tinoa, Tumpu notatae hi Paulus, “Boli mabuhuk! Sampamo potatae boli momohokot.

ROMA 1:7

Mokonyo aijo' aku nontulis toka hi komiu. O' amalakon da Tumpu Tuumanto ka' i Tumpu Yesus Kristus mombee'i balakat kopi-kopian hi komiu.

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

ROMA 5:1

Uuka aiya kita po'ule'mo na'ima' tiba Tumpu, kalana kita palesaya. Mokonyo aitu kita tumuu' i uno nu kadamean tiba Tumpu kalana Tumpunto i Yesus Kristus.

ROMA 5:10

De tempo'nyo kita nompaha idek ka' Tumpu, kita pinodame-Nyomo nu kinasilakaan nu Anak-Nyo, apaa mule' uuka aiya salatan pompahasumbu'anto ka' Tumpu po'ule'mo na'ima', matantumo kita oposalamat mule' i uno nu kantumuu'an i Kristus.

ROMA 8:6

De pikilanum kinuasanmo nu sipat nu mian, saba' ahennyo kapatean. Panyo de pikilanum kinuasanmo nu Roh nu Tumpu, saba' ahennyo aijo'mo na kantumuu'an ka' kadamean tiba Tumpu Allah.

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

GALATIA 6:16

Kona hi to mia-mian anu tumuu' sipatnyo sumo aitu, ka' sumo aitu mule' kona hi iwi-iwi' mian anu palesayamo hi Tumpu Allah, kutaha'imani Tumpu mombee'ije ka'ima'an ka' balakat-Nyo.

FILIPI 4:7

Sahingga ka'ima'an anu lengkat mae hi Tumpu, anu madi' opoko ala osumbu' nu mian, monjagaije kinyonyoa ka' pikilan miu anu nosa'angu'mo tiba i Kristus Yesus.

KOLOSE 1:2

Salaku rasul i Kristus Yesus, – kalana ingangkatmo nu Tumpu Allah – aku, i Paulus hingga-hinggat tiba utusto i Timotius, monginde'i ka' nongamalakon da Tumpu Tuumanto mombee'i balakat ka' kabilahian hi komiu.

KOLOSE 1:20

Ka' montului jalan hi Anak-Nyo aijo' mule' Tumpu nomputusimo da mompotimbali iwi-iwi na apaa mompo'ule' ma'ima' tiba Ia – mau iwi-iwi na apaa anu i dunia, mau mule' anu i suluga'. Tumpu nombau aijo' montului jalan Anak-Nyo sinilaka i kau' salib.

KOLOSE 3:15

Anu oputusi miu, tionyo ahi' anu otantukan nu dame anu binee'mo i Kristus i uno nu kinyonyoa miu. Kalana Tumpu nolagamo komiu da timbali sa'angu' na butong, da komiu tumuu' i uno nu kadamean lengkat mae hi Kristus aijo'. Komiu tionyo ahi' montalima kase.

2 TESALONIKA 1:2

montaha'imani ka' mongamalakon hi Tumpu Tuumanto, ka' hi Tumpu Yesus Kristus mombee'ije balakat ka' ka'ima'an hi komiu.

2 TESALONIKA 3:16

Tumpu pinolengkatan nu ka'ima'anto. O amalakon hi Ia da saja' mombee'i komiu ka'ima'an i uno nu iwi-iwi' na han. O amalakon da Tumpu saja' monjagai to Utu-utus iwi-iwi'.

2 TIMOTIUS 1:7

Kalana Roh anu binee' nu Tumpu hi kita, misa' Roh anu mombau kita mabuhuk. Panyo ahi' da Roh nu Tumpu aijo' mombau kita timbali mahoson, ka' saja' mongkalibosi ka' moko ala ahi' mongkuasai butongto.

IBRANI 13:20

Tumpu mompotumuu'mo Tumpunto i Yesus anu sini-sinilakamo. Kalana Ia sinilakamo, sahingga Ia tempo' uuka tinimbalimo Polaya'to anu Talasanggo aiya hi kita to domba-domba-Nyo. Ia sinilaka aijo' mompaka pompohosonmo palajanjian anu sampe toka sidu-sidutu' anu binaumo nu Tumpu hi kita.

IBRANI 7:2

Jadi, i Abraham nombee'imo i Melkisedek anu i humpaknyo namba nahampate binagi sampulu' na bagian, sambahagian na binee'nyo. (Sanggo i Melkisedek alati'nyo, anu momonanyo, “Tomundo nu Ka'adilan”; ka' kalana ia tomundo lengkat mae i Salem, sahingga sanggonyo alati'nyo mule' “Tomundo Ka'ima'an”.)

ANU PINOTO'I HI YOHANES 1:4

To utu-utus anu i jama'at popitu' i da'erah Asia! Aku, i Yohanes montaha'imani komiu da nubee'i balakat ka' ka'ima'an lengkat mae hi Tumpu – aitumo Ia anu polo-polo'mo daagi', anu daagi'mo, ka' anu sidu-sidutu' sabole-bole daagi' – ka' suele lengkat mae hi popitu' na roh anu daagi' i ahop nu kasuhangan nu Tumpu,

ANU PINOTO'I HI YOHANES 2:10

Boli mabuhuk i kasansala'an anu madi'mo daagi' pin tionyo o'oa'imo miu. O inau', Ibilis momposoopje sambahagian anu atina' hi komiu i uno nu talungku' monsobai miu. Komiu mongoa'ije sansala sampulu' na sinaa na kopinnyo. Tionyo ahi' komiu tulu-tulutan hi beleng-Ku sampe mate, sahingga aku mombee'ije hi beleyum kantumuu'an kopian ka' sampe toka sidu-sidutu' salaku tamboo inguntungmo, i uno nu kasabalan.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”