YOHANES 14:26 - KITAB NU TUMPU ALLA LELE MA'IMAI'

²⁶ Panyo Roh nu Tumpu, pontulungi anu nupokauje mae nu Tuuma kalana sanggongku, iamo na anu mompogulu' komiu iwi-iwi, ka' mompotuka' komiu iwi-iwi' anu pinoto'iyakonkumo hi komiu.

YOHANES 14:26 ပူးပေါင်းရင်းမြစ်များ

MAZMUR 51:11

Posiloimo na ohup nu Belento ka bolimo mae montoa iwi-iwi na dosa'ku, ka' sautimo iwi-iwi' na kasala'anku.

YESAYA 54:13

Iwi-iwi' na mian anu jojoong hi beleyum timbalimo to muli-mulid-Ku, aha sanangmo ka' bilahimo na kantumuu'an nu aha.

YESAYA 63:10

Panyo aha notomuhukmo ka' mule' nomposusa'mo kinyonyoa nu Tumpu. Sahingga Ia tinimbalimo sampobali' nu aha posi Iamo ahi' na nahampate nongewa aha.

MATIUS 1:18

Sumo aiya na sisikon mongkona kinahampean i Yesus Kristus. Tina-Nyo i Maria nodohoi tiba i Yusuf. Panyo ma'isa pe'e aha binanika' inyata' i Maria pinoboamo. I Yusuf madi' nonsumbu' saba' i Maria pinoboamo kalana kuasa nu Roh nu Tumpu.

MATIUS 1:20

Hau-haunyo i Yusuf mompopikilakon han aijo', ia nongipi. I uno nu ipionnyo aijo', ia nontoa samian na malaikat nu Tumpu anu notatae hi ia, “Yusuf, tulunan i Daud, boli mabuhuk monika'i Maria; sabab anak anu i uno nu ma'alumnyo aijo' kuasa nu Roh nu Tumpu.

MATIUS 28:19

Kalana aijo' lako'mo hi iwi-iwi' na bansa ka' songko-songko na dunia potimbali na aha anu saja' mombatuki Aku. Opalamandikan na aha ka' o sanggo na sanggo nu Tuuma, ka' Anak, ka' Roh nu Tumpu Allah.

MATIUS 3:11

Aku mompalamandikan komiu nu uee da momponyata' saba' komiu binala tobatmo i dosa-dosa' miu; panyo lapas na aku tokaje mae na anu mompalamandikan komiu nu Roh nu Tumpu tiba apu. Ia lebe daka' molingkudui aku. Ka' momboa sapatu-Nyo pe'e aku madi' pantas.

MARKUS 12:36

Padahan posi i Daud – kalana binee'anmo balakat nu Tumpu Allah – notatae, ‘Tumpu, notatae hi Tumpungku: suhangmo i sasu koanan-Ku sampe Aku mombau to sampo-sampobali'-nu Belento minsuuluk hi Belento’.

MARKUS 13:11

Ka' de komiu o hakop ka' oboa mokiijo' i pomputusian hukuman, boli bata-bata mongkona apaa na anu tionyo otaloakon miu. De tokamo na tempo'nyo motatae, taloakonmo apaa na anu pinoto'i hi komiu i tempo'nyo aijo' kalana potatae anu otaloakon miu, aijo' misa' posi potataeum, panyo toka lengkat mae i Roh nu Tumpu.

LUKAS 1:15

Pontoa nu Tumpu ia timbali daka', ka' ia madi' monginum anggur kabai inumon anu molangui. Salatanmo pe'e i hampe, ia nu kuasai nu Roh nu Tumpu.

LUKAS 1:35

Tinaaman nu malaikat aijo', “Roh nu Tumpu tokaje hi beleyum, ka' kuasa nu Tumpu monjagaije beleyum. Mokonyo sumo aitu, anak anu o hampe'akonto atina' osanggohi Susi', Anak nu Tumpu.

LUKAS 1:41

Ka' salatan i Elisabet nohongomo tabea' i Maria i uno nu ma'alum hi Elisabet nongkohenggomo. Lantas i Elisabet kinuasanmo nu Roh nu Tumpu,

LUKAS 1:67

I Zakharia, tuuma nu anak aijo', kinuasanmo nu Roh nu Tumpu Allah, sahingga ia nompotoka potuunon nu Tumpu. Ia notatae,

LUKAS 11:13

Mau mule' komiu ma'idek, komiu ahi' monsumbu' mombee' anu ma'ima' hi anakum. Apaa mule' Tuuma i suluga'! Ia mombee' Roh-Nyo hi aha anu momoita hi Ia!”

LUKAS 2:25

Tempo'nyo aijo' i Yerusalem daagi' ko samian sanggonyo i Simeon. Ia mian anu ma'ima', anu mabuhuk hi Tumpu, ka' hau-haunyo montanda'i tempo'nyo Tumpu momposalamat Israel. Roh nu Tumpu monsangalui ia,

LUKAS 24:49

Ka' Akuje na monsai hi komiu apaa na anu jinanji'mo nu Tuuma. Panyo komiu tionyo tataap montanda'i i kota aiya, sampe kuasa lengkat mae hi Tumpu mompinsoopimo komiu.”

LUKAS 3:22

ka' Roh nu Tumpu nintau'mo i buan-Nyo sumo tomonsi' malapati'. Lantas i hongo na potatae nu Tumpu nontaloakon, “Beleyum na Anak-Ku, anu Kuku kalibosi. Beleyum momposanang kinyonyoang-Ku.”

YOHANES 1:33

Tempo'nyo aitu ma'isa sinumbu'ku pa' ihe na Ia. Panyo Tumpu Allah na nompokau aku mompalamandikan nu uee notataemo hi belengku, ‘De beleyum montoa Roh nu Tumpu mintatau', lantas manintengke' i buan nu sala'samian, Iamo na saidi' mae mompalamandikan nu Roh nu Tumpu.’

YOHANES 12:16

Tempo'nyo aitu anu mombatuki Yesus ma'isa nonsumbu' iwi-iwi' aijo'. Panyo salatan i Yesus pinopodaka'mo i kasilakaan-Nyo, atina'je na aha tinonginau' taalu' anu binau nu to mia-mian hi Ia, tinulismo i uno nu Kitab nu Tumpu mongkona Ia.

YOHANES 14:16

Ku poitaje hi Tuuma, da Ia tionyo mombee'i komiu Pontulungi sangga'at, anu jojoong hingga-hinggat ka' komiu sidu-sidutu'.

YOHANES 14:25

Iwi-iwi' aijo' Ku taloakon hi komiu hau-haunyo Aku daagi' galu-galum hi komiu.

YOHANES 15:26

Ku pokauje mamba hi komiu, pontulungi anu nolengkat mae hi Tuuma. Iamo na Roh anu mompoto'i kahondoan mongkona Tumpu. De Ia toka, Ia mombee'i katalangan mongkona Aku.

YOHANES 16:7

Panyo Aku montaloakon anu totu'u hi beleyum: Da bau ka'ima'an nu belemiu, lebe ma'ima' Aku mamba; kalana de Aku madi' mamba, Pontulungi aijo' madi' koko toka hi belemiu. Panyo de aku mambamo kusaije mae na Ia hi beleyum.

YOHANES 2:22

Jadi, lapas aijo' salatan i Yesus po'ule'mo pinotumuu' lengkat i kinasilakaan-Nyo, tinonginau'je na anu saja' mombatuki Ia saba' han aijo' toho'mo tinaloakon-Nyo. Sahingga aha pinalesayamo hi apaa na anu tinulis i uno nu Kitab nu Tumpu, ka' apaa na anu tinaloakonmo i Yesus.

YOHANES 20:22

Lantas Ia nompuuhakon sawo-Nyo hi aha ka' notatae, “Talimamo na Roh nu Tumpu.

YOHANES 6:45

I Uno nu Kitab nu to Nabi-nabi tinulis sumo uuka, ‘Iwi-iwi' na mian nu pogulu' nu Tumpu.’ Jadi iwi-iwi' na mian anu mohongo Tuuma ka' balagulu' hi Ia, toka mae hi beleng-Ku.

YOHANES 7:39

I Yesus binasisik mongkona Roh nu Tumpu, anu saidi' mae nu talimaje nu to mia-mian anu palesayamo hi Ia. Kalana tempo' aitu Roh nu Tumpu ma'isa binee'; kalana i Yesus ma'isa pinopodaka' i uno nu kasilakan-Nyo.)

SISIKON NU TO RASUL-RASUL 1:2

tinoka-toka i sinaa Ia i hangkatmo nokiita' i suluga'. Ma'isa pe'e Ia noliba' nokiita' i suluga', tiba kuasa nu Roh nu Tumpu Ia nombee'imo sonto-sonto' hi aha to rasul-rasul-Nyo anu pinile'anmo.

SISIKON NU TO RASUL-RASUL 1:4

Ka' tempo'nyo Ia sinilimu'mo tiba aha, Ia nombee'imo palentah aiya hi aha, “Boli opala'i na Yerusalem. Tanda'i kiijo' sampe Tuumang-Ku mombee'mo apaa na anu jinanji'-Nyomo, aijo'mo anu noko poto'ing-Kumo hi komiu u'utu mae.

SISIKON NU TO RASUL-RASUL 1:8

Panyo komiu mohumpakje kuasa, de Roh nu Tumpu tokamo hi komiu. Ka' komiu timbalimo bau sakisi-sakising-Ku i Yerusalem, i songko-songko Yudea, i Samaria ka' toka-toka i puus nu tano'.”

SISIKON NU TO RASUL-RASUL 11:16

Lantas aku tinolo inau', Tumpu toho' notatae, ‘Yohanes nompalamandikan nu uee, panyo komiu o palamandikanje nu Roh nu Tumpu.’

SISIKON NU TO RASUL-RASUL 13:2

Tempo'nyo aha hau-haunyomo mogaleja hi Tumpu ka' bapuasa', Roh nu Tumpu notatae hi aha, “Pile'imo na i Barnabas ka' i Saulus, da mokalaja hi beleng-Ku da aha mokalaja anu tinantukankumo hi aha.”

SISIKON NU TO RASUL-RASUL 13:4

Kalana sinai nu Roh nu Tumpu, i Barnabas ka' i Saulus namba nokiijo' i Seleukia. Lengkat kiijo' mae aha tinalabutmo nokiijo' i togong Siprus.

SISIKON NU TO RASUL-RASUL 15:28

Roh nu Tumpu nonsetujuimo – ka' kami mule' suele setujumo – da komiu boli opokonai poitaon anu talalo maboat, molingkuduimo poitaon anu saimbanggan aiya:

SISIKON NU TO RASUL-RASUL 15:8

Ka' Tumpu anu monsumbu' kinyonyoa nu mian nompotiju'mo saba' ia montalima aha; Ia nombee'i Roh nu Tumpu Allah sumo anu binee'-Nyo hi kita suele da mompotiju' han aijo' hi kita.

SISIKON NU TO RASUL-RASUL 16:6

Roh nu Tumpu madi' mompobee' i Paulus ka' i Silas mompolele potatae nu Tumpu i Provinsi Asia. Jadi aha i lumajang lau-lausmo nokiijo' i tano' Frigia ka' i Galatia.

SISIKON NU TO RASUL-RASUL 2:33

Ia i hangkat ka' pinosuhang i kasuhangan anu matangkas ka' binee'an kakuasa'an nu Tumpu, lantas nontalimamo Roh nu Tumpu Allah anu noko janji'mo nu Tuuma. Ka' anu ihongomo miu uuka aiya ka' tinoamo saba' Roh'mo ai-aijo' na anu ilambe'akon-Nyo hi kami.

SISIKON NU TO RASUL-RASUL 2:4

Aha iwi-iwi' kinuasanmo nu Roh nu Tumpu, ka' nontampu'unimo notatae tiba ngangahan nu basa' sangga'at. Aha motatae nombatukimo apaa na anu pinoto'i nu Roh aijo' hi aha da otaloakon.

SISIKON NU TO RASUL-RASUL 20:28

Tionyo obala ingati na butong miu ka' otoa suele na jama'at iwi-iwi' anu binee'mo nu Roh nu Tumpu hi komiu da otoa; kalana komiu ingangkatmo da montoa jama'at aijo'. Tionyo komiu montoa jama'at nu Tumpu aijo' sumo polaya' montoa dombanyo, kalana Tumpu nompotimbalimo jama'at-Nyo, aijo'mo na sababnyo sahingga i Yesus Anaknyo sinilakamo.

SISIKON NU TO RASUL-RASUL 20:35

I iwi-iwi' na han, aku nombee'imo sonto' hi komiu saba' kalana mokalaja totu-totu'u montulungimo to mia-mian anu madi' mahoson. Kalana tionyo ahi' o inau'to apaa na anu pinosi taloakonmo i Tumpu Yesus, ‘Lebe sanang na mombee'i ka' de mule' ola montalima.’ ”

SISIKON NU TO RASUL-RASUL 28:25

Kalana pikilan anu madi' mompahakona aha nompala'imo tampat aijo', salatan i Paulus nontaeakonmo sumo aijo' hi aha, “Memang kona hondo apaa na anu tinaeakonmo nu Roh nu Tumpu hi Nabi Yesaya kona hi mompolee' nu belemiu!

SISIKON NU TO RASUL-RASUL 5:3

Sahingga i Petrus notatae hi ia, “Ananias, kadaka' nu pojohok na Ibilis mongkuasai kinyonyoaum, sampe beleyum nombaleko'i Roh nu Tumpu, hoko-hokot nontahan posi anu nu butongum sambagian na doi oli nu tano' anu pinobaluk aijo'?

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

SISIKON NU TO RASUL-RASUL 7:55

Panyo i Stefanus anu kinuasanmo nu Roh nu Tumpu, nonsinda langit. Ia nontoamo kadaka'an nu Tumpu ka' i Yesus tinuminjomo i tampat kakuasa'an sasu koanan nu Tumpu.

ROMA 14:17

Kalana de Tumpu mompalentahmo kantumuu'an nu mian toto samian, apaa na anu timbali nukaan kabai o inum, madi'mo penting. Anu penting aijo'mo, mian anu mohongo-hongo pongka'oho' nu Tumpu Allah, mongoa'i sabaan na kinyonyoa, ka' montalima kalame'an anu binee'mo nu Roh nu Tumpu.

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

ROMA 15:16

Ia nompotimbalimo aku posaihon i Kristus Yesus da osai hi to bansa-bansa anu misa' Yahudi. Ka' aku nompojalanmo sumo salaku imam, anu mompolele Lele Ma'ima' lengkat mae hi Tumpu, da to mia-mian anu misa' Yahudi timbalimo salaku anu osombahkon hi Tumpu Allah anu timbali Nutalima. O amalakon da Roh nu Tumpu mompotimbali aha da timbali salaku anu osombahkon samata-mata hi Tumpu.

ROMA 5:5

Anu otaha'imani susumo aiya madi' ahi' mombaleko'i kita, kalana kinyonyoanto ingisianmo nu Tumpu nu liibos-Nyo. Tumpu nombau aijo' montului Roh-Nyo, anu binee'mo hi kita.

1 KORINTUS 12:3

Tionyo ahi' osumbu' miu saba' mian anu nu kuasaimo nu Roh nu Tumpu madi' moko ala motatae, “Kinutukan na i Yesus!” Sumo aitu mule' madi' ko samian pe'e moko ala montaloakon, “I Yesus Tumpu!” de mian aijo' madi' nu kuasai nu Roh nu Tumpu Allah.

1 KORINTUS 6:19

Tionyo ahi' osumbu' miu saba' butong miu kajojoongan nu Roh nu Tumpu. Roh aijo' jojoong i uno nu butong miu. Ka' posi Tumpu na nombee' Roh aijo' hi komiu. Butong nu kita Utus, misa' kita na tumpunyo. Aijo' Tumpu na tumpunyo.

2 KORINTUS 6:6

Tiba gau' anu hodi', pande, sabaan ka' ma'ima' na kinyonyoa, kami mompotoa saba' kami, aijo'mo posaihon nu Tumpu Allah. Tiba mule' montaha'imani pontulungi nu Roh nu Tumpu Allah, ka' mongkalibosi totu-totu'u lengkat i kinyonyoa,

EFESUS 1:13

Belemiu suele tinimbalimo mian anu palesayamo hi Tumpu Allah tempo'nyo belemiu nohongomo potuunon nu Tumpu, aijo'mo Lele Ma'ima' anu mombee'i kasalamatan hi komiu. Belemiu palesaya hi Yesus Kristus, kalana aijo' Tumpu nombee'imo tanda hi komiu ponsumbu'an komiu anunyomo, aijo'mo Roh-Nyo anu jinanji'-Nyomo.

EFESUS 1:17

Aku nongkakasemo da Tumpunto i Yesus Kristus, Tuuma anu opopodaka' mombee'i Roh-Nyo hi komiu. Roh aijo' mompotimbalije belemiu pande, ka' momponyata'je Tumpu hi komiu, sahingga belemiu monsumbu'mo Ia.

EFESUS 4:30

Boli momposusa' kinyonyoa nu Roh nu Tumpu. Komiu nohumpakmo tanda sap nu Roh da timbali anu nu Tumpu. Roh aijo' mule' salaku sa'angu' na tanda matantu saba' Sinaa Pompobebasan tokamo mae hi komiu.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.

2 TIMOTIUS 1:14

Kalana tulungan nu Roh nu Tumpu anu tinumuu'mo i uno nu kantumuu'anto, tionyo ahi' nu jagai nu beleyum ima-ima' na hahan anu ko halaga'nyo, anu pinalesayakonmo hi beleyum.

TITUS 3:5

Ia momposalamat kita, misa' kalana kita nombaumo anu ma'ima', panyo kalana Ia ahi' na nongkalibosimo kita. Ia momposalamat kita kalana pakalaja'an nu Roh nu Tumpu, anu nombee'imo kita kantumuu'an bu'ou susumo anu po'ule'mo i hampeakon, ka' kantumuu'an anu bu'ou, aijo'mo kita pinobelesimo.

IBRANI 10:15

Mongkona han aijo' Roh nu Tumpu suele nonsisikakonmo hi kita. Roh nu Tumpu notatae,

IBRANI 2:4

Ka' mumle' Tumpu nompaka pototu'umo apaa na anu sinakisianmo nu mian haha aijo', aijo'mo Tumpu nombaumo iwi-iwi' nu ngahan anu okabangangi ka' hahan anu madi' ko gampanyo ka' posi pongka'oho'-Nyo na nombagi-bagiakonmo to bala-balakat nu Roh nu Tumpu.

IBRANI 3:7

Kalana aijo', susumo koo-Nyo nu Roh nu Tumpu, “De sinaa aiya komiu mohongomo potatae nu Tumpu, bolimo komiu panggaga, susumo mompolee' miu, tempo'nyo aha notomuhukmo hi Tumpu, ka' nonsobaimo Tumpu i padang bone'.

IBRANI 9:8

Tiba atulan anu sumo aijo', Roh nu Tumpu mompotiju'mo totu-totu'u, saba' de daagi' sabole-bole kemah anu i sasu ahop aijo' opotinjo, jalan minsoop i uno nu Salipi' anu Susi' hondo aijo' ma'isa tabuka'.

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.

2 PETRUS 1:21

Kalana, madi' toho' potuunon nu Tumpu opolele ola kalana pongka'oho' nu mian. Panyo Roh nu Tumpu na mongkuasai mian da mompotokakon potuunon anu lengkat mae hi Tumpu Allah.

1 YOHANES 2:20

Panyo komiu nohumpakmo Roh nu Tumpu anu i lambe'akonmo i Yesus Kristus ka' mokonyo aijo' komiu iwi-iwi' nonsumbu'mo pangajalan anu totu'u.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.

1 YOHANES 5:7

Totolu' na anu nonsakisi aijo':

YUDAS 1:20

Panyo komiu, to Utu-utusku, saja' ahi' opokopiani na kantumuu'an miu mintoong i kapalesaya'an miu hi Yesus Kristus. Iman nu belemiu atina' talalo hondo susi'. Ka' suele balado'a ahi' i uno nu kuasa nu Roh nu Tumpu,

ANU PINOTO'I HI YOHANES 2:11

Ihe na mohongo, tionyo ahi' mompalahatikan apaa na anu tinaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan madi'mo sahondo-hondonyo mongoa'i kasansala'an apa-apaa nu kapatean anu kopinduannyo.”