YOHANES 14:24 - KITAB NU TUMPU ALLA LELE MA'IMAI'

²⁴ Mian anu madi' mongkalibosi Aku, madi' mombatuki pangajalan-Ku. Pangajalan anu ohongo miu aijo', misa' lengkat hi beleng-Ku, panyo lengkat mae hi Tuuma anu nonsai mae Aku.

YOHANES 14:24 ပူးပေါင်းရင်းမြစ်များ

MATIUS 19:21

I Yesus notatae hi ia, “De beleyum mongkahanda'i da timbali mian anu madi' kokasala'annyo, lako' pobaluk iwi-iwi' na halata'um. Bee' na doinyo hi mian anu kasiasi, ka' beleyum mohumpakje halata' anu i suluga'. Lapas aijo', tokajemae mombatuki Aku!”

YOHANES 14:10

Filipus! Te madi' nu palesaya, na Aku mosa'angu' tiba Tuuma, ka' Tuuma mosa'angu' tiba Aku? Apaa na anu Ku taloakon hi beleyum, misa' ku taloakon lengkat hi posi butongku. Tuuma anu tataap mosa'angu' tiba Aku. Iamo na anu nombau iwi-iwi' aijo'.

YOHANES 14:15

“De komiu mongkalibosi Aku, komiu tionyo monjalanakon to pale-palentah-ngKu.

YOHANES 14:25

Iwi-iwi' aijo' Ku taloakon hi komiu hau-haunyo Aku daagi' galu-galum hi komiu.

YOHANES 3:11

Palesayamo: kami monsisik ola apaa na anu osumbu' mami, ka' kami timbali sakisi ola apaa na anu tinoamo mami; panyo komiu madi' mongka'oho' montalima anu sinakisian mami.

YOHANES 3:34

Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

YOHANES 5:19

I Yesus nontaami mian haha aijo' sumo uuka, “Palesayamo, Anak madi' moko ala mombau apa-apaa de ola posi kuasanyo. Ia ola mombau apaa na anu tinoa-Nyomo binau nu Tuuma-Nyo. Kalana apaa na anu binaumo nu Tuuma, aijo'mo suele na nubau nu Anak.

YOHANES 5:38

Potatae-Nyo madi' una-una' i uno nu kinyonyoaum kalana komiu madi' palesaya hi beleng-Ku anu sinai-Nyo mae.

YOHANES 7:16

I Yesus nontaami, “Anu Ku pogulu' aiya misa' pangajalan-Ku, panyo pangajalan-Nyo anu nonsai mae Aku.

YOHANES 7:28

Lapas aijo' hau-haunyo i Yesus mompogulu' i uno nu Laigan nu Tumpu, Ia noloboo'mo notatae daka-daka', “Jadi osumbu'mo miu ihe na Aku aiya, ka' lengkat mae iya na pinolengkatan-Ku? Aku tinoka misa' posi pongka'oho'-Ku. Aku sinai mae nu Ia anu ko hak monsai mae Aku, ka' Ia timbali opalesaya. Panyo komiu madi' monsumbu' Ia.

YOHANES 8:26

Daagi' manjoo' na anu mongkona komiu, anu Ku paisisikakon ka' Ku pisala'i. Panyo Ia anu nonsai mae Aku timbali o palesaya. Ka' Aku nompoto'imo i dunia apaa na anu ihongong-Ku lengkat mae hi Ia.”

YOHANES 8:28

Kalana aijo' i Yesus notatae hi aha, “Saidi' mae de komiu mohangkatmo tangka-tangkas Anak nu Mian, osumbu'je miu ‘Akumo aiya na Ia anu osa-osanggohi AKU DAAGI'’, ka' osumbu'je miu saba' madi' ko sa'angu' pe'e na anu Kubau lengkat i posi butong-Ku. Aku ola montaloakon apaa na anu pinogulu'mo nu Tuuma hi beleng-Ku.

YOHANES 8:38

Apaa na anu tinoang-Kumo hi Tuumang-Ku, aijo'mo na anu Ku taloakon. Sadaang komiu mombau apaa na anu pinogulu'akon nu tuuma miu hi komiu.”

YOHANES 8:42

Lantas i Yesus notatae hi aha, “De Tumpu aijo' Tuumaum, komiu tionyo mongkalibosi Aku, kalana Aku tinoka mae lengkat hi Tumpu. Aku madi' tinoka kalana posi pongka'oho'ku, panyo Ia anu nonsai mae Aku.