YOHANES 14:15 - KITAB NU TUMPU ALLA LELE MA'IMAI'

¹⁵ “De komiu mongkalibosi Aku, komiu tionyo monjalanakon to pale-palentah-ngKu.

YOHANES 14:15 ပူးပေါင်းရင်းမြစ်များ

2 TOMU-TOMUNDO' 18:6

Madi' toho' ia pinanggaga hi Tumpu. Iwi-iwi' na palentah nu Tumpu anu binee'nyomo ka' pinoto'imo i Musa nu tuluti hondo-hondo i Hizkia.

MATIUS 10:37

Mian anu mongkalibosi tumanyo kabai tinanyo molingkudui Aku, madi' pantas timbali anu mombatuki Aku. Sumo aitu mule' na mian anu mongkalibosi anaknyo mo'ane kabai boune, molingkudui Aku.

YOHANES 8:42

Lantas i Yesus notatae hi aha, “De Tumpu aijo' Tuumaum, komiu tionyo mongkalibosi Aku, kalana Aku tinoka mae lengkat hi Tumpu. Aku madi' tinoka kalana posi pongka'oho'ku, panyo Ia anu nonsai mae Aku.

1 KORINTUS 16:22

Mian anu madi' mongkalibosi Tumpu, nukutuki nu Tumpu na ia! Maranatha – Tumpu mami, tinokamo!

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

EFESUS 6:24

O amalakon da Tumpu mombalakati kita Utus iwi-iwi' anu mongkalibosi Tumpunto i Yesus Kristus, nu kalibosan anu madi' ko kapopoho'annyo. Tabea' mami, I Paulus

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.

2 YOHANES 1:6

Mongkalibosi alati'nyo tumuu' mombatuki iwi-iwi' palentah nu Tumpu. Ka' palentah anu i hongomo miu salatanmo pe'e momonanyo, aijo'mo komiu tionyo ahi' tumuu' mompaha kali-kalibosi samian ka' samian.