YOHANES 14:1 - KITAB NU TUMPU ALLA LELE MA'IMAI'

¹ “Boli kinyonyoaum susa',” koonyo i Yesus hi aha. “Palesaya hi Tumpu, ka' palesaya suele na Aku.

YOHANES 14:1 ပူးပေါင်းရင်းမြစ်များ

MAZMUR 43:5

Kadaka' kinyonyoangku sinusa'mo ka' madi'mo tinatap? Aku montaha'imani Tumpu, sahingga aku daagi' ahi' montalima kaseh hi Ia, hi Tumpungku ka' anu momposalamat aku.

MAZMUR 77:10

Pa' kinolilimanmo nu Tumpu na mongkalibosi? Pa' notambuha'mo na Ia, sahingga madi'mo daagi' ko kalibosan?”

YESAYA 26:3

O, Tumpu Belento nombee'imo mae kadamean ka' mule' kantumuu'an anu ma'ima' hi mian anu mahoson nakinyonyoanyo, kalana ia palesaya hi Belento.

YEREMIA 8:18

Kinyonyoangku sumomo sinaya-saya' ka' nalanitmo, kaduka'anku madi'mo opoko pakuli'i.

YOHANES 11:33

Salatan i Yesus nontoa i Maria humaang, ka' to mia-mian nu Yahudi anu nojajaalan mae tiba i Maria aijo' singkona humaang, kinyonyoa-Nyo noliibosmo, ka' Ia tinongkoliibosonmo hondo na tinoa.

YOHANES 12:27

“Kinyonyoang-Ku meat; apaa na anu tionyo Ku taloakon uuka? Pa' tionyo Ku taloakon, ‘Tuuma, opimpaliakon na Aku uuka aiya?’ Panyo kalana da mongoa'i sakisa aiya, mokonyo aitu Aku tinoka.

YOHANES 12:44

Lantas i Yesus notatae daka-daka', “Mian anu palesaya hi beleng-Ku, misa' palesaya hi beleng-Ku, panyo hi Ia anu nonsai mae Aku.

YOHANES 13:19

Han aijo' Ku poto'i hi komiu uuka aiya da ma'isa pe'e timbali, da de han aijo' timbalimo saidi' mae, komiu palesayaje taalu' Akumo na Ia anu osa-osanggohi AKU DAAGI'.

YOHANES 16:24

Sampe tempo' uuka komiu ma'isa toho' nompoita apa-apaa momboa sanggong-Ku. Poitamo, komiu tionyo mohumpak, da kalame'an miu ma'ima'.”

YOHANES 16:3

Aha mombau sumo aijo' hi komiu kalana aha ma'isa monsumbu' Tuuma tiba suele Aku.

YOHANES 16:6

Uuka ola o kinyonyoaum timbalimo susa' kalana Aku nontaloakonmo aijo' hi beleyum.

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

YOHANES 6:40

Memang aiyamo na nuka'ima'i nu Tuumang-Ku: Da iwi-iwi' na anu montoa Anak ka' palesaya hi Ia ko kantumuu'an anu talakana' toka sidu-sidutu', ka' po'ule' Kupotumuu' i Sinaa Kakiamatan.”

2 KORINTUS 2:7

Uuka aiya komiu tionyo mongampuni ia ka' po'ule' mongkakeha'i ia da boli talalo molibos na kinyonyoanyo dumo talalomo susa' na ia.

EFESUS 1:15

Mokonyo aijo' salatanmo pe'e aku nohongo tukoonyo belemiu pinalesayamo hi Tumpu Yesus, ka' komiu mongkalibosimo iwi-iwi' mian anu palesayamo hi Tumpu,

2 TESALONIKA 2:2

Boli sampa-sampa' bingong kabai madi'mo sanang na kinyonyoa kalana ko lelemo i hongo tukoonyo sinaa po'ule'mo katokaan nu Tumpu Yesus tinokamo. Kugantang lele aijo' nolengkat mae i sa'angu' na lele anu jadi aiya mae i ahop, kabai lengkat mae i sa'angu' na ajalan; kabai ugaat daagi' ko anu notatae, tukoonyo kami toho'mo nontulis anu sumo aijo' i uno nu sala'sa'angu' na sulat mami.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.