YOHANES 13:27 - KITAB NU TUMPU ALLA LELE MA'IMAI'

²⁷ Lia-lia' salatan i Yudas nontalimamo roti aijo', Ibilis ninsoopmo i kinyonyoanyo. Lantas i Yesus notatae hi ia, “Donganmo bau pa' apaa na anu kahanda' nu bau.”

YOHANES 13:27 ပူးပေါင်းရင်းမြစ်များ

1 TOMU-TOMUNDO' 18:27

Salatan sinonsu'unmo na sinaa i Elia lewa'mo nompobau-bau aha. “Balado'a mule' ka' lebe opohoson! Te misa' ia pilogot ahi'? Ku gantang ia hau-haunyo mompotutugakon apa-apaa kabai ugaat namba i pibodo'an Kabai ugaat ia nambamo pa' noya! Kabai ugaat ia i hoyotmo, jadi tionyo ahi' belemiu moliko ia!”

MAZMUR 109:6

Hangkatmo na samian anu ma'idek na kinyonyoanyo da momputusi ia, bakas da ia nu kalaak nu anu monsampobali' ia.

AMSAL 1:16

Aha madi' moko ala momohokot de ma'isa mombau anu ma'idek. Aha ko tanga'an da sampamo mompatei.

ANU MOMPOLELE POTATAE NU TUMPU 9:3

Jadi nasib anu pokakana suele mongkona ahi' aha iwi-iwi'. Ka' aijo' sa'angu' na han anu momposusa' kinyonyoa susumo suele iwi-iwi' na anu jinadimo i dunia. Tempo'nyo ia daagi tutuu' kinyonyoanyo nu pobuke'i nu pikilan anu ma'idek ka' mule' nu pobuke'i nu kaponga'an. Lantas monti-montik nu kabotmo na ukunnyo.

DANIEL 2:15

kadaka' i tomundo' nombee'imo palentah anu talalo ahi' maboat aijo'. I Ariokh nompoto'imo hi Daniel apaa na anu jinadimo aijo'.

MATIUS 12:45

Lantas ia namba ka' nomboa popitu' na roh sangga'at anu lebe ma'idek molingkudui ia. Lantas aha ninsoop i uno nu mian aijo' ka' ia jinojoong i kiijo'. Ka' ahennyo balu-balu'nyo nu mian aijo' timbali lebe ma'idek molingkudui uuka mae momona. Aijo'mo suele na timbali tiba to mia-mian tempo' uuka.”

MATIUS 4:10

I Yesus nontaami, “Lako' na oko anu Monggoda! I uno nu Kitab nu Tumpu tinulis: O sombah na Tumpu, Tumpuum, ka' ola Ia na hongo na palentah-Nyo!”

MARKUS 6:25

Langkoyang aijo' nalia-lia' ninsusule' hi Herodes ka' notatae, “Ku poita ubak i Yohanes anu Mompalamandikan obee' akon mae uuka aiya hi belengku, o sake', i sa'angu' na dulang!”

LUKAS 22:3

Lapas aitu Ibilis nompinsoopimo i Yudas anu osanggohi Iskariot, aijo'mo sala'samian anu aijo' hi aha sampulu' ka' ohua' na anu saja' mombatuki Yesus.

YOHANES 13:2

I Yesus tiba anu saja' mombatuki Ia hau-haunyo mongkaan malom. Ibilis nomposoopmo tanga'an i uno nu kinyonyoa i Yudas anak i Simon Iskariot da monguwesani Yesus.

YOHANES 13:28

Madi' ko samian pe'e hi aha anu suha-suhang mongkaan i kiijo' nonsumbu' kadaka' i Yesus nontaeakon sumo aijo' hi Yudas.

YOHANES 6:70

I Yesus nontaami, “Te misa' Aku na nompile'i komiu sampulu' ohua' na mian aiya? Panyo samian anu aiya hi komiu te roh anu ma'idek!”

SISIKON NU TO RASUL-RASUL 5:3

Sahingga i Petrus notatae hi ia, “Ananias, kadaka' nu pojohok na Ibilis mongkuasai kinyonyoaum, sampe beleyum nombaleko'i Roh nu Tumpu, hoko-hokot nontahan posi anu nu butongum sambagian na doi oli nu tano' anu pinobaluk aijo'?