YOHANES 12:6 - KITAB NU TUMPU ALLA LELE MA'IMAI'

⁶ I Yudas notatae sumo aijo' misa' kalana monginau' mian kasiasi, panyo kalana ia pambuling. Ia toto minsan mongala doi anu olimu' nu aha ka' o'una' hi ia.

YOHANES 12:6 ပူးပေါင်းရင်းမြစ်များ

MAZMUR 14:1

Anu mongkapalai panyanyi. Mazmur i Daud. Mian anu ponga' motatae i uno nu kinyonyoanyo, “Madi' ko Tumpu.” Palabuatan nu aha ma'idek ka' okahegati madi'mo ko anu mombau anu ma'ima'.

AMSAL 29:7

Mian anu manonong monsumbu' haknyo, nu mian anu madi' moko ala mombau apa-apaa, panyo mian anu ma'idek na kinyonyoanyo madi' monsumbu'.

YEHEZKIEL 33:31

Aha toka mae manjoo' hondo na mian ka' salaku mian anu palesayamo hi belengku, aha sumuhangmo mompotombihing potatae nu beleyum, panyo apaa na anu nu palentahkon nu beleyum madi' ahi' nu tuluti nu aha. Biwi nu aha montaloakon potatae mongka'ima'i panyo kinyonyoa nu aha na ola ahi' mompotutugakon mosia na mohumpak ka'untungan.

MATIUS 21:13

Lantas Ia notataemo hi to mia-mian aijo', “I uno nu Kitab nu Tumpu tinulis, Tumpu notatae, ‘Laigan-Ku osanggohi laigan tampat balado'a.’ Panyo komiu mompotimbalimo petaa nu tololang!”

LUKAS 8:3

singkona i Yohana bengkele' i Khuza, anu ko kalaja i laigan daka' hi Herodes; i Susana, ka' manjoo' mule' na boune sangga'at. Posi ongkos nu aha na montulungi Yesus ka' anu saja' mombatuki Ia.

YOHANES 10:13

Mian anu mongala tambo aijo' malai, kalana ia mokalaja ola kalana tambo. Ia madi' mompajuli domba-domba haha aijo'.

YOHANES 12:5

“Kadaka' minya-minya' manohongo aijo' madi' sahanyo pinobaluk, olinyo tolu'atu na doi salaka, ka' doinyo binee' hi mian kasiasi?”

YOHANES 13:29

Daagi' ko anu monsangka i Yesus nompokau i Yudas mongoli apa-apaa anu opalalui i bau-bauon aitu, kabai mombee'i doi sangkiding hi mian kasiasi – kalana i Yudas pontoongi doi anu nulimu' nu aha.

1 KORINTUS 6:10

anu buling, anu mangoa, saja' malangu, anu saja' mongalu mian sangga'at, tiba anu mompolugi' mian sangga'at – iwi-iwi' na mian anu sumo aijo' madi' timbali mian anu palesayamo hi Tumpu Allah.

GALATIA 2:10

Sala'sa'angu' na poitaon nu aha aijo' da kami mompalahatikan mian anu kasiasi. Ka' aku mule' sanang na mombau han aijo'.

1 TESALONIKA 5:22

Opatikojo'oni iwi-iwi' na ngangahan nu ka'idekan.

YAKOBUS 2:2

Kalana de daagi' ko samian anu kaya, anu mompusok sinsing mosoni' ka' baju'nyo ma'ima' toka i kasintomuan, lantas toka suele na samian anu kasiasi, anu nibaju' mae mogea-geat,

YAKOBUS 2:6

Panyo komiu ola mule' mompopo'ambang mian anu kasiasi, padahan to mia-mianmo anu kaya na mongkabisa'i komiu ka' momboa komiu hi mian kopian!