YOHANES 12:5 - KITAB NU TUMPU ALLA LELE MA'IMAI'

⁵ “Kadaka' minya-minya' manohongo aijo' madi' sahanyo pinobaluk, olinyo tolu'atu na doi salaka, ka' doinyo binee' hi mian kasiasi?”

YOHANES 12:5 ပူးပေါင်းရင်းမြစ်များ

EZRA 4:14

Kami guaon na kinyonyoa montutugi kanonongan nu belento Tomundo, ka' madi' mongka'oho' montoa belento Tomundo opolugi'. Kalana aijo' okakaase mami,

NOSABATMO 5:17

Tinaaman i tomundo, “Belemiu memang moluluk madi'mo mongka'oho' mokalaja. Mokonyo aijo' belemiu momoitamo hi belengku da opobee'mo mamba monsombahkon koloban hi Tumpu nu belemiu.

NOSABATMO 5:8

Panyo pokau na aha mombau batu tela konjoo'nyo madi maga'a susumo anu imomona. Aha ola saja' moluluk; mokonyo aijo' aha me saja' mososon ka' sapota-potatae da opobee'mo mamba monsombahkon koloban hi Tumpu Allah nu aha.

AMOS 8:5

Belemiu notatae i posi butong nu belemiu, “Ibe na kinopinnyo na sinaa mombau lamean. Ku kahanda'i da lia-lia' opobaluk na gandumto, panyo lamean aijo' madi' sampa lapas. Hipian na sinaa nu Sabat lapasmo, da kita kahanda' mobaluk mule'? Kita mongka'ima'i mobaluk mompake jalan anu madi' ma'ima', ka' mongakali nu takalan ka' mongakali nu timbangan.

MATIUS 18:28

Salatan posaihon aijo' nosabat, ia nompahakabotmo tiba sangalunyo, samian na posaihon suele anu ko samaya' hi ia to pia-piangkuka na madala. Ia nohakop sangalunyo aijo', ka' kinoko'nyo, ka' notatae, ‘Bayan mae iwi-iwi' na samaya'um!’

MATIUS 20:2

Salatan ia sinetujumo mombayan aha sa'angu' na doi salaka sansinaa, ia nonsaimo aha mokalaja i ale' nu anggurnyo.

LUKAS 12:33

Pobaluk na anu daagi' hi beleyum ka' bee' na doinyo hi mian kasiasi. Pombaumo dompet bau kapentingan nu butongum, anu madi' toho' ma'idek, aijo'mo halata' anu opo una' i suluga'. Halata' aijo' madi' ko kapolapusannyo, kalana madi' nupoko ala nu anu buling, ka' atak madi' moko ala mongidei.

LUKAS 18:22

Nohongo aijo', i Yesus notatae, “Daagi' ko sa'angu' na han na anu tionyo nu bau: Pobaluk na anu iwi-iwi' hi beleyum, bee' hi mian kasiasi na doinyo, mohumpakje halata' i suluga' na beleyum. Lapas aijo' tokaje mae mombatuki Aku.”

LUKAS 6:41

Ka' kadaka' komiu montoa sangkunyit na kau' i uno nu mata nu utusum, yo aitu balak anu i uno nu posi mataum na madi' otoa miu?

YOHANES 12:4

Panyo i Yudas Iskariot, sala'samian anu saja' mombatuki Yesus – anu saidi' mae nonggeguani Ia – notatae,

YOHANES 12:6

I Yudas notatae sumo aijo' misa' kalana monginau' mian kasiasi, panyo kalana ia pambuling. Ia toto minsan mongala doi anu olimu' nu aha ka' o'una' hi ia.

YOHANES 13:29

Daagi' ko anu monsangka i Yesus nompokau i Yudas mongoli apa-apaa anu opalalui i bau-bauon aitu, kabai mombee'i doi sangkiding hi mian kasiasi – kalana i Yudas pontoongi doi anu nulimu' nu aha.

YOHANES 6:7

I Filipus nontaami, “Roti anu olinyo ola ua'atu na doi salaka madi' mompoosampa' obagi-bagi hi mian haha aiya, mau mule' toto samian ola mohumpak sangkiding.”