YOHANES 12:49 - KITAB NU TUMPU ALLA LELE MA'IMAI'

⁴⁹ Kalana Aku madi' motatae lengkat i posi pongka'oho'-Ku; Tuuma anu nonsai mae Aku, iamo na nompalentakon hi belengku apaa na anu tionyo Ku taloakon ka' Ku potoka.

YOHANES 12:49 ပူးပေါင်းရင်းမြစ်များ

YOHANES 14:10

Filipus! Te madi' nu palesaya, na Aku mosa'angu' tiba Tuuma, ka' Tuuma mosa'angu' tiba Aku? Apaa na anu Ku taloakon hi beleyum, misa' ku taloakon lengkat hi posi butongku. Tuuma anu tataap mosa'angu' tiba Aku. Iamo na anu nombau iwi-iwi' aijo'.

YOHANES 14:24

Mian anu madi' mongkalibosi Aku, madi' mombatuki pangajalan-Ku. Pangajalan anu ohongo miu aijo', misa' lengkat hi beleng-Ku, panyo lengkat mae hi Tuuma anu nonsai mae Aku.

YOHANES 14:31

Panyo iwi-iwi' aijo' tionyo timbali da nu sumbu' nu dunia, taalu' Aku mongkalibosi Tuuma ka' mombau iwi-iwi' anu pinalentakon nu Tuuma hi beleng-Ku. Yoh, imbo' da kita mambamo lengkat i aiya.”

YOHANES 15:15

Komiu madi'mo Ku laga botuan, kalana botuan madi' monsumbu' apaa na anu hau-haunyo nubau nu tuannyo. Komiu Ku laga bela' kalana iwi-iwi' na anu i hongong-Ku lengkat mae hi Tuuma, pinoto'ingkumo hi komiu.

YOHANES 17:8

Pinoto'ingkumo hi aha na potatae nu kita Tuuma anu binee'mo hi beleng-Ku; ka' tinalimanyomo nu aha. Sinumbu'mo nu aha taalu' Aku tinoka mae totu-totu'u lengkat hi kita Tuuma ka' aha nompalesayamo taalu' kita Tuuma na nonsai mae Aku.

YOHANES 3:11

Palesayamo: kami monsisik ola apaa na anu osumbu' mami, ka' kami timbali sakisi ola apaa na anu tinoamo mami; panyo komiu madi' mongka'oho' montalima anu sinakisian mami.

YOHANES 3:32

Ia notatae mongkona apaa na anu tinoamo ka' anu ihongo-Nyomo, panyo madi' ko samian pe'e palesaya hi anu sinakisian-Nyomo.

YOHANES 5:19

I Yesus nontaami mian haha aijo' sumo uuka, “Palesayamo, Anak madi' moko ala mombau apa-apaa de ola posi kuasanyo. Ia ola mombau apaa na anu tinoa-Nyomo binau nu Tuuma-Nyo. Kalana apaa na anu binaumo nu Tuuma, aijo'mo suele na nubau nu Anak.

YOHANES 5:30

“Aku madi' moko ala mombau apa-apaa de ola posi pongka'oho'-Ku. Aku ola momputusi hukuman sumo anu pinalentahkonmo nu Tumpu. Ka' kaputusan-Ku adin, kalana Aku madi' mombatuki posi pongka'oho'-Ku, panyo o ala i pongka'oho' nu Tuuma anu nonsai mae Aku.

YOHANES 6:68

“Kita Tumpu,” na koonyo i Simon Petrus hi Ia, “Hi ihe na kalambanan mami? Potatae nu Kita Tumpu mombee'i kantumuu'an anu talakana' ka' toka sidu-sidutu'.

YOHANES 7:16

I Yesus nontaami, “Anu Ku pogulu' aiya misa' pangajalan-Ku, panyo pangajalan-Nyo anu nonsai mae Aku.

YOHANES 8:26

Daagi' manjoo' na anu mongkona komiu, anu Ku paisisikakon ka' Ku pisala'i. Panyo Ia anu nonsai mae Aku timbali o palesaya. Ka' Aku nompoto'imo i dunia apaa na anu ihongong-Ku lengkat mae hi Ia.”

YOHANES 8:28

Kalana aijo' i Yesus notatae hi aha, “Saidi' mae de komiu mohangkatmo tangka-tangkas Anak nu Mian, osumbu'je miu ‘Akumo aiya na Ia anu osa-osanggohi AKU DAAGI'’, ka' osumbu'je miu saba' madi' ko sa'angu' pe'e na anu Kubau lengkat i posi butong-Ku. Aku ola montaloakon apaa na anu pinogulu'mo nu Tuuma hi beleng-Ku.

YOHANES 8:42

Lantas i Yesus notatae hi aha, “De Tumpu aijo' Tuumaum, komiu tionyo mongkalibosi Aku, kalana Aku tinoka mae lengkat hi Tumpu. Aku madi' tinoka kalana posi pongka'oho'ku, panyo Ia anu nonsai mae Aku.

PO'ULE' INGULIT 18:18

Anu aijo' i posi bansa nu aha na Ku sai mamba hi aha aijo'mo samian na nabi susumo beleyum. Ku poto'ije hi ia apaa na anu tionyo ahi' nu poto'i lantas nu poto'ije i bansa aijo' iwi-iwi' na anu Ku palentahkonmo.

ANU PINOTO'I HI YOHANES 1:1

Isi nu kitab aiya, mongkona apaa na anu pinoyata'mo i Yesus Kristus mongkona to hahan anu saidi' mae jadi. Tumpu nompoto'imo hi Kristus da Ia mompotiju'akon hi to posa-posaihon nu Tumpu apaa na anu malia'mo, tionyo jadi. I Kristus nonsaimo malaikat-Nyo hi Yohanes, posaihon-Nyo aijo' da mompoto'iakon han haha aijo' anu timbali hi ia.