YOHANES 12:44 - KITAB NU TUMPU ALLA LELE MA'IMAI'

⁴⁴ Lantas i Yesus notatae daka-daka', “Mian anu palesaya hi beleng-Ku, misa' palesaya hi beleng-Ku, panyo hi Ia anu nonsai mae Aku.

YOHANES 12:44 ပူးပေါင်းရင်းမြစ်များ

AMSAL 1:20

Potombihing! Kapandean bapikin nolagamo i songko-songko na jalan ka' notataemo daka-daka' i lapangan!

AMSAL 8:1

Kapandean bapkin nompoto'imo, kapandean bapikin notataemo.

MATIUS 10:40

“Mian anu montalima komiu, montalima Aku. Ka' mian anu montalima Aku, montalima Ia anu nonsai Aku.

MARKUS 9:23

“Apaa na kooyum? De Kita Tuuma moko ala?” tinaaman i Yesus. “Mau apaa o poko ala, asan mian palesaya!”

MARKUS 9:37

“Mian anu montalima samian na anak sumo aiya kalana Aku, alati'nyo montalima Aku. Ka' mian anu montalima Aku, ia misa' ola montalima Aku, panyo montalima suele Ia anu nonsai Aku.”

YOHANES 11:43

Noko taloakon aijo', i Yesus notataemo daka-daka', “Lazarus, posabat!”

YOHANES 13:20

Totu-totu'u hondo na potataeng-Ku aiya: Ihena montalima mian anu Kusa-kusai, montalima Aku. Ka' ihe na montalima Aku, montalima Ia anu nonsai mae Aku.”

YOHANES 5:24

Totu-totu'u hondo na anu Kutaloakon aiya; mian anu mongintomakon potataeng-Ku, ka' palesaya hi Ia anu nonsai mae Aku, ko kantumuu'an anu talakana' ka' toka sidu-sidutu'. Ia madi' o hukum, ia nolapasmo lengkat i kapatean ka' nohumpakmo kantumuu'an.

YOHANES 7:28

Lapas aijo' hau-haunyo i Yesus mompogulu' i uno nu Laigan nu Tumpu, Ia noloboo'mo notatae daka-daka', “Jadi osumbu'mo miu ihe na Aku aiya, ka' lengkat mae iya na pinolengkatan-Ku? Aku tinoka misa' posi pongka'oho'-Ku. Aku sinai mae nu Ia anu ko hak monsai mae Aku, ka' Ia timbali opalesaya. Panyo komiu madi' monsumbu' Ia.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.