YOHANES 12:40 - KITAB NU TUMPU ALLA LELE MA'IMAI'

⁴⁰ ‘Ku popisok na mata nu aha, mombau aha mokuut na kinyonyoa; da mata nu aha boli montoa, pikilan nu aha boli monsumbu'. Da aha boli minsusule' mae hi beleng-Ku, lantas Ku po'alinmo na aha.’ ”

YOHANES 12:40 ပူးပေါင်းရင်းမြစ်များ

1 TOMU-TOMUNDO' 22:20

Tumpu nompokilawamo, 'Ihe na moko ala mamba pagala monsale'i i Ahab da ia mongka'oho' mamba mahampate da ia matemo mae i kiijo' i Ramot i da'erah Gilead?' Malaikat haha aijo' nontaami madi' pokakana samian ka' samian.

MAZMUR 147:3

Ia nompa'alinmo mian anu madi'mo ko anu opitaha-taha'imani, ka' mombobodimo iwi-iwi na bela nu aha.

MAZMUR 41:4

Tumpu na montulungi de nu tokaimo nu sakit, ka' mompo ule' butongnyo mahoson.

MAZMUR 6:2

O Tumpu, boli mae mondoke aku de Belento motambuha'mo, boli mae mohukum aku de Belento pusamo.

NOSABATMO 10:1

Tumpu notatae hi Musa, “Lako' mamba mangadap hi tomundo. Aku nompotimbalimo ia ka' aha anu ko pangkatnyo pinanggagamo da Aku timbali mombau anu okabangangi aijo' hi aha,

NOSABATMO 11:10

I Musa ka' i Harun nombaumo iwi-iwi' na anu okabangangi aijo' i ahop nu tomundo, panyo Tumpu nompotimbalimo ia pinanggagamo, sahingga ia madi' mongka'oho' mompobee' aha mian nu Israel mompala'i lipu'nyo.

NOSABATMO 14:17

Mian nu Mesir Ku potimbalimo da panggaga sahingga aha salolo-loloi'nyomo mian nu Israel, sahingga Ku potoamo na kakuasa'an-Ku hi tomundo nu Mesir, suludadunyo, to kale-kaletanyo, tiba anu nonsake'i.

NOSABATMO 14:4

Ku potimbalije na ia da panggaga sahingga ia mololoi'mo belemiu. Panyo Ku potoaje na kakuasa'an-Ku hi tomundo Mesir ka' hi suludadunyo, da nusumbu' nu aha taalu' Akumo na Tumpu.” Lantas binaumo nu aha mian Israel susumo anu pinalentahkonmo nu Tumpu hi aha.

NOSABATMO 14:8

Memang Tumpu nompotimbalimo panggaga na i tomundo, sahingga i loloi'nyomo na aha mian nu Israel anu hau-haunyomo namba nompala'imo lipu' aijo', Tumpu na nonjagaimo aha.

NOSABATMO 4:21

Tumpu notatae hi Musa, “Aku mombee'imo kuasa hi beleyum da mombau anu okabangangi. Jadi de beleyum minsusule'mo i Mesir, baumo iwi-iwi' na anu okabangangi i ahop nu tomundo Mesir. Panyo Ku pojadimo na ia da panggaga, sahingga ia madi' mongka'oho' mompobee' bansa aijo' mamba.

NOSABATMO 7:13

Mau mule' sumo aijo' i tomundo sabole-bole pinanggaga ka' madi' mongka'oho' mompajuli potatae i Musa ka' i Harun, susumo anu pinoto'imo nu Tumpu.

NOSABATMO 7:3

Panyo Ku potimbalimo na i tomundo da panggaga. Ia madi' koko mompajuli beleyum, mau mule' Aku mompodaagi'mo manjoo' na balaa' kiijo' i Mesir.

NOSABATMO 9:12

Panyo Tumpu nompotimbalimo i tomundo pinanggaga ka' susumo anu tinaloakonmo nu Tumpu, i tomundo madi' mongka'oho' mompajuli potatae i Musa ka' i Harun.

YESAYA 26:11

O, Tumpu, Belento sabole-boleh mohukum anu monsampobali' Belento, panyo madi' nu sumbu' nu aha. Bakas da aha ma'ambangje demontoamo kalibosan nu Belento hi mian anu palesayamo hi Belento. Bakas da aha mohopu'o nu hukuman anu Nu posadiamo hi aha.

YESAYA 29:10

Nu pojadimo nu Tumpu matatundu' na belemiu ka' hoyot bobogonmo. Nu kukubimo na mata nu to nabi-nabi ka' mule' nongkukumbungimo mata nu aha anu saja montoa apa-apaa.

YESAYA 53:5

Panyo ia binelaan kalana iwi-iwi na dosa'to, ka' dinoke kalana palabuatanto ma'i-ma'idek. Ia i hukum da kita oposalamat kalana belanyo haha aijo', kita i na'alinmo.

YESAYA 6:10

Lantas notataemo mae na Ia hi belengku, “Popikokakon na pikilan nu mian haha aijo', pobongonakon na bihingnyo ka' mule' popisokakon na matanyo da aha madi'mo montoa-toa, madi'mo mohongo-hongo kabai madi'mo mangalati' lantas po ule'mo toka mae hi beleng-Ku ka' ma'alinmo.”

YESAYA 6:9

Lantas sinai-Nyomo na aku da mamba momboa potuunon aiya hi aha mian: “Belemiu saja' sahongo-hongonyo panyo madi' mangalati'. Belemiu sapala-palahatikannyo panyo madi' osumbu' nu belemiu pa' apaa na anu saidi' mae jadi.”

YEREMIA 3:22

O belemiu iwi-iwi' anu nompala'imo Tumpu, pinsusule'mo mae! Ia mompo alinmo belemiu ka' mompotimbalimo belemiu tulu-tulutan. Belemiu notatae, “Ii', uuka aiya kami tokamo mae hi Tumpu, kalana Ia Tumpu Allah mami.

YEREMIA 5:21

“Potombihing mae, o belemiu mian anu ponga' ahi taha-tahahumo! Belemiu ko mata panyo madi' montoa, ko bihing panyo madi' mohongo!

YEHEZKIEL 12:2

“O, manusia anu madi' tumuu' batu, beleyum jinojoongmo hi aha mian anu saja' motomuhuk. Aha ko mata, panyo madi' montoa, ko bihing panyo madi' mohongo, kalana aha mongka'ima' i saja' motomuhuk.

YEHEZKIEL 14:9

De samian na nabi ingakalanmo sahingga montaami sala'mo. Akumo ahi' na nongakali. Aku, Tumpu Anu Matangkas na Kuasanyo monsabatakonje ia da bolimo maninggalum tiba aha to mia-mian nu Israel.

HOSEA 14:4

Asyur madi' moko ala momposalamat kami, ka' ajahan anu bau pahampate suele madi' ahi' moko ala montulungi kami. Kami madi'mo daagi motatae hi to pato-patong nu pilogot anu pinosi bau mami, anu osangka mami aijo'mo na Tumpu mami. O Tumpu Belento mongkalibosi to mia-mian anu madi' ko anu nu taha'imani nu aha maumo pa' ihe.”

HOSEA 6:1

To mia-mian nu Israel notataemo, “Imbo'mo da kita minsusule'mo hi Tumpu. Lamo ia na monsakiti kita, panyo Ia mule' ahi' na mompa'alin. Ia na mobelai kita, panyo Ia mule' ahi' na mombobodiakon iwi-iwi na Belento.

MATIUS 15:14

Madi' timbali opalahatikan na to mia-mian Farisi aijo'. Aha aijo' mapisok montaka' anu mapisok; jadi, de mian mapisok montaka' mian mapisok ua-ua'aha timbali manabu' i uno nu bolo'.”

MARKUS 4:12

da ‘Aha tionyo mompalahatikan panyo madi' osumbu' pa' apaa na anu jinadi, aha daagi' tionyo saja' mohongo, panyo madi' mangalati', aiya tinimbali da aha boli montoa ka' mangalati' ka' boli toka hi Tumpu ka' Tumpu mongampuni aha.’ ”

MARKUS 6:52

Anu okabangangi tiba olima' na batuan nu roti aijo' ma'isa mule' pinangalati'an nu aha. Susa' na aha mangalati'.

LUKAS 4:18

“Roh nu Tumpu daagi' hi beleng-Ku, kalana Ia nohangkatmo Aku da mompolele Lele Ma'ima' hi mian kasiasi. Ia nompokau Aku da mompoto'iakon opobebasmo na mian anu i hakop ka' kapa'alinan nu mian mapisok; da bau pompobebas mian anu o sansala

LUKAS 8:10

I Yesus nontaami, “Komiu binee'anmo balakat da monsumbu' lahasia mosia na Tumpu mompalentah susumo Tomundo. Panyo to mia-mian sangga'at o ajan nu kantuangan, da aha mongintomakon, panyo madi' monsumbu' pa' apaa na anu timbali; ka' aha mohongo, panyo madi' mangalati'.”

YOHANES 12:39

Mokonyo aijo' aha madi' palesaya, kalana i Yesaya notataemo suele, “Tumpu notatae,

YOHANES 9:39

I Yesus notatae, “Aku toka i dunia aiya kahanda' momputusimo da mian anu mapisok timbali montoa, ka' anu moko ala montoa timbalimo mapisok.”

SISIKON NU TO RASUL-RASUL 15:3

Jama'at i Antiokhia nolaya' aha tinoka i sambiha' nu kota, lapas aijo' aha namba notulu i Fenisia ka' i Samaria. I kiijo' mae aha nonsisikakon mosia na to mia-mian anu misa' Yahudi nombee'mo butongnyo hi Tumpu. Lele aijo' talalo nompolame' to mia-mian anu palesaya i kiijo'.

SISIKON NU TO RASUL-RASUL 28:26

Tumpu notatae, ‘Lako'mo taloakon hi bansa aiya: Komiu saja' mohongo, panyo madi' mangalati'; komiu saja' mompalahatikan, panyo madi' monsumbu' apaa na anu tinimbalimo.

SISIKON NU TO RASUL-RASUL 3:19

Mokonyo aijo' to Utu-utus, balatobatmo i dosa-dosa' miu ka' pinsusule'mo mae hi Tumpu, da Ia mongalinakon dosa-dosa' miu.

ROMA 9:18

Jadi, Tumpu mongkalibosi batu-batu mian, de Tumpu Allah ko kahanda' sumo aitu. Ka' Tumpu mompopanggaga samian, de Tumpu ko kahanda' sumo aijo' suele.

PO'ULE' INGULIT 29:4

Panyo sampe sinaa aiya Ia ma'isa nompobee' belemiu da monsumbu' iwi-iwi' apaa na anu ingoa'anmo miu aijo'.

YOSUA 11:20

Pinobaanimo nu Tumpu na aha da jukut na mahampate tiba aha mian nu Israel da aha ohopu'imo ka' opateimo iwi-iwi' madi'mo daagi' ko ampunnyo susumo anu pinalentahkonmo nu Tumpu hi Musa.