YOHANES 12:36 - KITAB NU TUMPU ALLA LELE MA'IMAI'

³⁶ Palesayamo i jingka aijo', de jingka aijo' hau-haunyo daagi' hi belemiu, o usahakon da komiu timbali ana-anak nu jingka.” Noko taloakon na i Yesus sumo aijo', Ia nambamo nompala'i tampat aijo' ka' madi'mo mongka'oho' manintoa hi aha.

YOHANES 12:36 ပူးပေါင်းရင်းမြစ်များ

YESAYA 60:1

Tinjomo ka' timbalimo jingka, o Yerusalem, kalana jingka kasalamatan nu beleyum tinokamo; Tumpu monjingkaimo belemiu nu Kuasa-Nyo.

MATIUS 21:17

Lapas aijo', i Yesus nompala'i aha, lantas nambamo i kota Betania ka' i hoyot sinampahu i kiijo' mae.

MATIUS 5:14

Komiu jingka nu dunia. Kota anu aita' i bungkutnyo madi' opoko posuluk.

LUKAS 16:8

Saba' Tuan nu pongulus doi anu madi' hodi' aijo' nonpuji'mo pongulus aijo', kalana kapandean anu binaunyo aijo'; sabab to mia-mian i dunia aiya lebe pande mongatun ulusan nu aha molingkudui to mia-mian anu tumuu' i uno nu jingka.”

YOHANES 1:7

Ia toka mombebakon jingka aijo', da iwi-iwi' na mian palesaya.

YOHANES 11:54

Kalana aijo' i Yesus madi'mo lewa' manintoa hi mian da'isan nu aha mian Yahudi. Pinala'iannyo na Yudea ka' i namba i kota' sanggonyo Efraim koko pandang bolaa. I kiijo' mae Ia jinojoongmo hingga-hinggat tiba anu aja' mombatuki Ia.

YOHANES 12:37

Mau mule' manjoo'mo na anu okabangangi binau i Yesus i ahop nu aha, aha madi' palesaya hi Ia.

YOHANES 12:46

Aku toka i dunia aiya sumo jingka, da iwi-iwi' na mian anu palesaya hi beleng-Ku boli jojoong i uno nu pintung.

YOHANES 3:21

Panyo mian anu mombau pongka'oho' nu Tumpu, toka i jingka da kantoan apaa na anu binaunyo memang mombatuki pongka'oho' nu Tumpu.

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

YOHANES 8:59

Lantas to mia-mian nu Yahudi aijo' nontoluk batu bau pombunu'-Nyo; panyo i Yesus naninsulukmo, lantas nambamo nompala'i Laigan nu Tumpu.

EFESUS 5:8

Komiu pe'e naipuan mae daagi' i uno nu pintung. Uuka komiu tinimbalimo mian anu palesayamo hi Tumpu, jadi komiu i unomo nu jingka. Mokonyo aijo' komiu tumuu'mo ahi' i uno nu jingka.

1 TESALONIKA 5:5

To Utu-utus iwi-iwi' atina'mo na mian anu tumuu' i uno nu jingka. Kita misa' mian anu tumuu' i uno nu kapintungan, kabai anu ibahagianmo nu anu pinihimo ka' pinintungmo.

1 TESALONIKA 5:8

Panyo kita aiya to mia-mian anu pinosoopmo i sinaa anu majingka; kalana aijo' pikilanto tionyo matantu. Kita tionyo tataap palesaya hi Tumpu ka' mongkalibosi to mia-mian sangga'at tiba taha'iman ahi' totu-totu'u saba' Tumpu momposalamatmo kita. Aijo'mo na toongon anu monjagai kita i uno nu usaha mongewa ka'idekan.