YOHANES 12:34 - KITAB NU TUMPU ALLA LELE MA'IMAI'

³⁴ Mian da'isan aijo' notatae hi Ia, “De koonyo nu Kitab nu Atulan mami, Tomundo' anu Momposalamat tumuu' sidu-sidutu'. Mosia ka' Beleyum timbali montaloakon Anak nu Mian tionyo ohangkat tangka-tangkas i bawo nu dunia? Ihe na Anak nu Mian aijo'?”

YOHANES 12:34 ပူးပေါင်းရင်းမြစ်များ

MAZMUR 110:4

Tumpu binajanji' sinumpa'akon, Ia madi'mo timbali mompojalo janji'-Nyo. “Belentomo na imam sampe toka sidu-sidutu', sumomo i Melkisedek.”

MAZMUR 72:7

O'amalakon da ka'adilan sabole-boleh obau kopinnyo ia mompalentah, ka' kasanangan nu kantumuu'an boli kokakulangannyo kopinnyo daagi' ko bitu'on.

YESAYA 53:8

Ia tinahanmo ka' pinutusanmo na palakalanyo lantas i hela'mo ka' i hukumo nu hukuman mate. Madi'mo ko anu nompajuli nasibnyo; ia i nate kalana dosa' nu bansanto.

YESAYA 9:7

Tumpu nonabu'akonmo hukuman hi aha kalaja'an Israel.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 7:14

Ia binee'anmo kaholomatan tiba kakuasa'an salaku tomundo' sahingga to mia-mian anu i iwi-iwi na bansa tiba tulunan nu bansa ka' mule' basa' tunduk hi Ia. Kakuasa'an-Nyo pin sampe toka sidu-sidutu', ka' Ia mompalentah madi'mo daagi' opobelenti.

DANIEL 7:27

Kakuasa'an tiba katalasanggoan nu iwi-iwi' na kalaja'an i dunia aiya, obee'mo hi mian anu palesayamo hi Tumpu Anu Matangkas na Kuasanyo. Kakuasa'an nu aha mompalentah madi'mo daagi' ko kamingkotannyo ka' mule' iwi-iwi' na anu balakuasa i dunia aiya ta'alukmo ka' mule' tulu-tulutanmo.”

MIKHA 4:7

Aha ilepo'anmo ka' najo'onmo i kampung nu aha. Panyo kona hi aha mian anu tinontuha' aijo' Ku tampu'unimo na mompojadi sa'angu' na tulunan mule'. Aha saidi' mae timbalimo sa' angu' na bansa anu daka' ka' mahoson. Ku palentahje na aha lengkat mae aita'i Sion sampe toka sidu-sidutu'.”

MATIUS 16:13

I Yesus namba nokiijo' i da'erah ohani kota Kaisarea-Filipi. I kiijo' Ia nompokilawa hi anu saja' mombatuki Ia, “Koonyo nu mian. Ihe na Anak nu Mian aijo'?”

MATIUS 21:10

Lantas salatan i Yesus ninsoopmo i Yerusalem, songko-songko na kota aijo' kinalangkabutmo. “Aiya, ihe?” to mia-mian i kota aijo' nompaha poki-pokilawamo.

MATIUS 8:20

I Yesus nontaami, “Pojek ko liangnyo, ka' tomonsi' ko petaanyo, panyo Anak nu Mian madi' ko kamale'an.”

YOHANES 10:34

Lantas i Yesus nontaami, “Te misa' i uno nu Kitab nu Atulanum tinulis: Tumpu notatae, ‘Te beleyum tumpu?’

YOHANES 12:32

Panyo Aku aiya, de Aku ohangkatmo tangka-tangkas i bawo nu dunia aiya, aha iwi-iwi' na mian Ku pahaboamo hi beleng-Ku.”

YOHANES 15:25

Panyo memang sumo aitumo, da timbali apaa na anu tinulis i uno nu Kitab nu Atulan nu aha, aijo'mo: ‘Aha mongka'ideki Aku, mau madi' ko sababnyo.’

YOHANES 8:28

Kalana aijo' i Yesus notatae hi aha, “Saidi' mae de komiu mohangkatmo tangka-tangkas Anak nu Mian, osumbu'je miu ‘Akumo aiya na Ia anu osa-osanggohi AKU DAAGI'’, ka' osumbu'je miu saba' madi' ko sa'angu' pe'e na anu Kubau lengkat i posi butong-Ku. Aku ola montaloakon apaa na anu pinogulu'mo nu Tuuma hi beleng-Ku.

ROMA 3:19

Uuka aiya osumbu'to taalu' iwi-iwi' na anu tinulis i uno nu atulan nu agama Yahudi, kona hi to mia-mian anu daagi' i aluk nu palentah nu atulan aijo'. Desumo aitu madi' ko samian pe'e na moko ala mombee'i katalangan da bau kahondoan mule', ka' songko-songko na dunia timbali nu tuntut nu Tumpu.

ROMA 5:18

Jadi, kalana samian nolanggai anu otewa', ahennyo iwi-iwi' na mian i hukum, sumo aitu mule' de samian mombau anu mombatuki pongka'oho' nu Tumpu, ahennyo iwi-iwi' na mian pinobebas i kasala'an ka' binee'an kantumuu'an.

IBRANI 7:24

Panyo i Yesus tumuu' sampe toka sidu-sidutu', jadi pangkat-Nyo salaku imam madi' molalin hi mian sangga'at.