YOHANES 12:26 - KITAB NU TUMPU ALLA LELE MA'IMAI'

²⁶ Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

YOHANES 12:26 ပူးပေါင်းရင်းမြစ်များ

MAZMUR 17:15

Panyo aku na daagi' ahi' montoa Belento, kalana aku madi' ko kasala'an. Salatan aku mobulamo, kinyonyoangku lame'mo kalana Belento tokamo mae.

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

AMSAL 27:18

Ihe na mongkalesang kau' saidi 'mae mongkaan bua'nyo, Posaihon ohalagai de monsumbu' mongala kinyonyoa nu tuannyo.

NOMBILANGMO 14:24

Panyo madi' sumo aijo' na posaihon-Ku i Kaleb. Ia saja' tulu-tulutan hi beleng-Ku. Kalana aijo' ku boa na ia i lipu' anu pininsoopannyomo. Uuka aiya aha mian nu Amalek ka' aha mian nu Kana'an jojoong kiijo' i bangka'nyo. Panyo da'erah aijo' saidi' mae timbalimo anu nu lee' i Kabel, posaihon-Ku aijo'. Dodop belemiu tionyo ahi' minsusule'mo mambamo i padang bola sasu Luoknyo nu Akaba.”

MATIUS 16:24

Lapas aijo' i Yesus notatae hi anu saja' mombatuki Ia. “Mian anu mongka'oho' mombatuki Aku, tionyo mongkolilimi posi kapentingannyo, monsimbu salibnyo, ka' tionyo mombatuki Aku.

MATIUS 25:21

‘Ma'ima'mo’, koonyo nu tuan aijo', ‘beleyum posaihon anu ma'ima' ka' mohongo-hongo. Kalana beleyum timbali o palesaya i hahan anu sangkiding, manjoo'je na kubee' hi beleyum. Pinsoop ka' batuki na aku, basana-sanang tiba aku!’

MARKUS 8:34

Lapas aijo' i Yesus nolaga mian da'isan anu daagi' i kiijo' tiba anu saja' mombatuki Ia. Lantas Ia notatae hi aha, “Mian anu mongka'oho' mombatuki Aku, tionyo mongkolilimi posi kapalaluannyo, lapas aijo' monsimbuje salibnyo, ka' lau-laus mombatuki Aku.

LUKAS 12:37

Palias na ko untungnyo na to posa-posaihon anu tinokan hau-haunyo montanda'i tuannyo toka. Palesayamo: Tuan aijo' nosadia'imo, ka' nompokaumo posaihon haha aijo' sumuhang, lantas ia mombee'imo apaa na anu palalu hi aha.

LUKAS 6:46

“Ka' kadaka' komiu molaga Aku, ‘Tumpu, Tumpu,’ panyo madi' mombau anu Kupoita hi komiu?

LUKAS 9:23

Lapas aitu, i Yesus notatae hi mian iwi-iwi' anu daagi' i kiijo', “Mian anu mongka'oho' mombatuki Aku, tionyo mongkolilimi anu nu posi palalui, monsimbu salib sansina-sinaa, ka' saja' mombatuki Aku.

YOHANES 10:27

Domba-dombang-Ku mohongo potataeng-Ku. Aku monsumbu' aha, ka' aha nombatukimo Aku.

YOHANES 13:16

Totu-totu'u hondo na potataeng-Ku aiya: Samian na posaihon madi' lebe daka' molingkudui tuannyo, ka' samian na posaihon madi' lebe daka' molingkudui anu nonsai.

YOHANES 14:15

“De komiu mongkalibosi Aku, komiu tionyo monjalanakon to pale-palentah-ngKu.

YOHANES 14:3

De lapasmo na Aku mamba montoukai tampat miu, Aku po'ule'je mae minsusule' ka' molabot komiu, da iyana kajojoongan-Ku, i kiijo' suele na kajojoongan miu.

YOHANES 15:20

O'inau' apaa na anu tinaloakonKumo hi komiu, ‘Botuan madi' lebee daka' molingkudui tuannyo.’ De aha monsakisamo Aku, aha mule' monsakisa suele komiu. De aha mombatuki pangajalan-Ku, aha suele mombatuki pangajalanum.

YOHANES 17:24

Kita Tuuma, Ku kahanda'i da aha anu binee'mo nu kita Tuuma hi beleng-Ku mogalum ka' Aku i tampat kajojoongan-Ku, da aha montoa kadaka'an-Ku; aijo'mo kadaka'an anu binee' nu kita Tuuma hi beleng-Ku, kalana kita Tuuma mongkalibosi Aku ma'isa pe'e dunia aiya pinotimbali.

YOHANES 21:22

I Yesus nontaami, “Maluannyo Ku kahanda'i ia satumuu'nyo sampe Aku toka, aijo' misa' ponsumbu'anum. Panyo beleyum batuki mae na Aku!”

ROMA 1:1

To Utu-utus iwi-iwi' i Roma anu nunukalibosi nu Tumpu ka' anu ilagamo nu Tumpu da timbali mian-Nyo anu palesayamo. Tumpu nompile'imo ka' nongangkatmo aku samata-mata da mompolele Lele Ma'ima' lengkat mae hi Tumpu.

ROMA 14:18

Mian anu mohongo-hongo apaa na anu pinalentahkonmo i Kristus susumo aijo', mian aijo' momposanangmo kinyonyoa nu Tumpu, ka' nu angga'i nu to mia-mian sangga'at.

2 KORINTUS 4:5

Lele anu opotokakon mami aijo' misa' lele mongkona posi butong mami. Lele aijo' te lele mongkona i Yesus Kristus; saba' Iamo aijo' na Tumpu; ka' kami te to posa-posaihon miu kalana Ia.

2 KORINTUS 5:8

mokonyo aijo' kinyonyoa mami sabaan. Kami lebe mongka'ima'imo mompala'imo butong mami aiya, da timbali jojoong hingga-hinggat ka' Tumpu.

GALATIA 1:10

Pa' tiba jalan aijo' aku otoa so'o-so'omo montaha'imani da nu puji' nu manusia? Totu-totu'unyo i madi'! Aku ola ahi' montaha'imani anu ingakuanmo nu Tumpu. Pa' ko anumo binaungku da bau pongala kinyonyoa nu manusia da nu kanonongi nu mian? De aku daagi' mombau sumo aitu, aku misa'mo posaihon i Kristus.

FILIPI 1:23

Ohua' na jalan na mohela' aku. Ku ka'ima'imo hondo na mompala'i dunia aiya da mamba jojoong tiba i Kristus, kalana aijo' na anu talalo ma'ima';

KOLOSE 3:24

Soba tutugi kalana komiu montalimaje tambonyo lengkat mae hi Tumpu. Apaa na anu pinotoukamo nu Tumpu bau bagi nu mian anu palesaya hi Ia, aijo'mo na anu obee' hi komiu. Kalana tuan anu sahondo-hondonyo hau-haunyo otuluti miu, aijo'mo i Kristus.

KOLOSE 4:12

Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.

1 YOHANES 5:3

Kalana mongkalibosi Tumpu alati'nyo tulu-tulutanmo i palentah-Nyo iwi-iwi'. Ka' palentah-Nyo iwi-iwi' madi' maboat hi kita,

YUDAS 1:1

To Utu-utus anu i lagamo ka' anu talalo hondo nu kalibosi nu Tumpu Tuuma, ka' mule' anu o jagai da palesaya hi Yesus Kristus. Salaku posaihon i Yesus Kristus, aku – i Yudas – utus i Yakobus,

ANU PINOTO'I HI YOHANES 14:4

Aha aijo' to mia-mian anu saja' belesi' sumo langkoyang anu tumimpasje, kalana ma'isa toho' noduhus tiba boune. Aha mombatuki Anak nu Domba mau mule' pa' moya na Ia mamba. Iwi-iwi' na mian, olamo aha na anu pinobebas salaku anu sinombahkonmo momonanyo hi Tumpu ka' hi Anak nu Domba.

1 SAMUEL 2:30

Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.