YOHANES 12:25 - KITAB NU TUMPU ALLA LELE MA'IMAI'

²⁵ Mian anu mongkalibosi kantumuu'annyo, saidi' mae molapus na kantumuu'annyo. Panyo mian anu mongka'ideki kantumuu'annyo i dunia aiya, tionyo mompokopiani da tumuu' kopian ka' da' toka sidu-sidutu'.

YOHANES 12:25 ပူးပေါင်းရင်းမြစ်များ

ANU MOMPOLELE POTATAE NU TUMPU 2:17

Kalana aijo' kantumuu'an madi'mo ko gunanyo hi belengku, madi'mo ko sangga'atannyo. Iwi-iwi' madi'mo ko gunanyo aku ola ahi' taalu' mololoi' mombun.

MATIUS 10:39

Mian anu mompagala mompotumuu' kantumuu'annyo tionyo mingkot na kantumuu'annyo, panyo mian anu mingkot na kantumuu'annyo kalana tulut hi beleng-Ku, tionyo mohumpak kantumuu'annyo.”

MATIUS 16:25

Kalana mian anu mongka'oho' montoongi kantumuu'annyo, madi'mo mohumpak kantumuu'annyo. Panyo mian anu mombee' kantumuu'annyo kalana Aku, tionyo mohumpak kantumuu'an.

MATIUS 19:29

Ka' batu-batu mian anu nompala'imo laigan, kabai utus mo'ane, kabai utus boune, kabai tina tuuma, kabai to ana-anak, kabai ale', kalana Aku, mian aijo' montalimaje mule' pinsa'atu lipat. Ka' ia montalimaje mule' kantumuu'an anu talakana' ka' sampe toka sidu-sidutu'.

MARKUS 8:35

Kalana mian anu mongka'oho' balatahan i kantumuu'annyo, madi' matantu na kantumuu'annyo. Panyo mian anu mongkolobanakon kantumuu'annyo hi belengku ka' bau kapalaluan nu Lele Ma'ima' anu lengkat mae hi Tumpu, momposalamat ia.

LUKAS 14:26

“De mian toka hi belengku panyo lebe mongkalibosi tinanyo, tuumanyo, bengkele'nyo, to ana-anaknyo, to utu-utusnyo, ka' suele posi butongnyo, ia madi' moko ala timbali mian anu saja' mombatuki Aku.

LUKAS 17:33

Mian anu bala usaha momposalamat kantumuu'annyo, saidi' mae madi' mohumpak kantumuu'annyo. Panyo mian anu madi' mohumpak kantumuu'annyo, han aijo'mo na momposalamat ia.

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

SISIKON NU TO RASUL-RASUL 21:13

Panyo tinaamannyo, “Apaa na gunanyo kita Utus humaang sumo aiya sahingga monsaduakon kinyonyoangku ma'idekan? Aku noko sadiamo misa' ola da o hakop i kiijo' mae, panyo maumo o patei pe'e kalana i Tumpu Yesus.”

IBRANI 11:35

Kalana bala'iman, sahingga po'ule'mo i humpak nu to bou-boune na to mia-mian anu sinilakamo. Daagi' mule' ko anu i halala'mo na osakisa sampe sinilakamo, ka' madi'mo ko kahanda' opotumuu', kalana mongka'ima'imo po'ule' opotumuu' da mohumpak kantumuu'an anu lebe ma'ima'.

ANU PINOTO'I HI YOHANES 12:11

To Utu-utusto nompokalamo ia tiba baso' nu Anak nu Domba aijo', ka' tiba lele anu totu'u lengkat mae hi Tumpu anu pinolelemo nu aha. Aha sanang na nongkulubanakonmo nyawa nu aha sampe inate.