YOHANES 12:24 - KITAB NU TUMPU ALLA LELE MA'IMAI'

²⁴ Totu'u hondo na potataeng-Ku aiya: De sambatu na gandum madi' o tugan i uno nu tano' ka' mate, ia tataap samba-sambatunyo. Panyo de batu nu gandum aijo' mate, atina'je ka' mohasinakon manjoo' na gandum.

YOHANES 12:24 ပူးပေါင်းရင်းမြစ်များ

AYUB 14:8

Maumo i uno nu tano' bakatnyo napukmo, ka' tu'onyo nanggasmo kalana nahutakmo,

MAZMUR 22:15

Kahosonanku iningkotmo sumomo uee anu tinombulokmo, iwi-iwi' na bukungku tinalabakasmo i losuannyo, kinyonyoangku jinumujumo susumo lilin.

MAZMUR 72:16

O'amalakon da gandum saja' sida hondo ka' madi' kokamingkotannyo i songko-songko na lipu', ka' iwi-iwi' na puge'nyo kahomo anu mingguna na hasinnyo. O'amalakon da tano'nyo ma'omuk susumo Bungkutnyo nu Libanon, ka' anu monjojoongi kota'nyo ko pintu-pintuangnyomo sumomo hemput i tampat padang anu ewa.

YESAYA 28:28

Tempo'nyo mongututmo gandum ia madi' monsapahi' sampeje hansun. Madi' ahi'! Nusumbu' mosia na mongutut anu memang totu'u, anu totu'u aijo'mo osake'i na loda na bau pongutut ka' madi' mohansuni batu nu gandum anu o, utut aijo'.

ROMA 14:9

I Kristus sinilakamo ka' po'ule' tinumuu'. Mokonyo aijo' Ia timbali Tumpu nu to mia-mian anu tumuu' tiba mule' Tumpu nu to mia-mian anu sinilakamo.