YOHANES 12:2 - KITAB NU TUMPU ALLA LELE MA'IMAI'

² Kiijo' mae i Yesus pinokaan nu aha, i Marta na nongatuni. I Lazarus tiba anu pinasoo sinumuhang nongkaan hingga-hinggat tiba i Yesus.

YOHANES 12:2 ပူးပေါင်းရင်းမြစ်များ

NYANYIAN ANU TALASANGGO 4:16

Pobulamo o mombun nu utara, tokamo mae o mombun nu salatan! Tobuungmo mae toka i ale'ku; da nohongnyo simpogahanmo. Ku taha'imani da sindua'anku toka i ale'nyo, ka' mongkaan bua'nyo anu toto tami-tami'.

MATIUS 26:6

Tempo'nyo i Yesus kiijo' i Betania, i laigan i Simon anu u'utu mae kinona nu panyakit kilit anu talalo ma'idek,

MARKUS 14:3

Salatan i Yesus daagi'mo i Betania, i laigan hi Simon anu u'utu mae sinansala nu panyakit kilit anu monsilakai, samian na boune tinoka hi Ia. Ia nomboa sa'angu' na boton pualam ko sinyo minya-minya' manohong anu mahan hondo, bakat anu manohong na binau. Tempo'nyo i Yesus hau-haunyo suha-suhang mongkaan, boune aijo' nongukap kolop nu boton aijo' ka' dinudu'akonnyo na minya-minya'nyo i buan nu ubak hi Yesus.

LUKAS 12:37

Palias na ko untungnyo na to posa-posaihon anu tinokan hau-haunyo montanda'i tuannyo toka. Palesayamo: Tuan aijo' nosadia'imo, ka' nompokaumo posaihon haha aijo' sumuhang, lantas ia mombee'imo apaa na anu palalu hi aha.

LUKAS 14:12

Lantas koonyo i Yesus hi tumpu nu laigan, “De beleyum mompaso mian i bau-bauon mongkaan sinaa kabai mongkaan malom, boli mompaso sangalu kabai utus, kabai to tomi-tominsan, kabai sampo bebe' nu laiganum anu kaya. Kalana saidi' mae aha suele mompaso komiu, desumo aitu beleyum montalima pombalosi nu bau-bauonum.

LUKAS 22:27

Ihe na anu lebe daka': mian anu sumuhang mongkaan i meja', kabai anu mongatuni ia? Tantu mian anu sinumuhang aijo'. Panyo Aku aiya hi komiu sumo salaku posaihon.

LUKAS 5:29

Lapas aijo' i Lewi nombau bau-bauon i laigannyo molabot i Yesus. Da'isan na topo tage hasin ka' to mia-mian sangga'at mongkaan hingga-hinggat ka' aha.

ANU PINOTO'I HI YOHANES 3:20

Toa! Aku tuminjo i ahop nu tumban ka' mongkutetek. De daagi' ko anu mohongo potataeng-Ku, ka' montuhea'akon tumban, Aku minsoopmo monsingkaboti ia; Aku mongkaanmo hingga-hinggat tiba ia ka' ia mongkaanmo hingga-hinggat tiba aku.