YOHANES 12:15 - KITAB NU TUMPU ALLA LELE MA'IMAI'

¹⁵ “Boli mabuhuk, langkoyang nu Sion! Toa na Tomundo'um tinokamo, monsake'i sa'angu' na keledai bata'nyo!”

YOHANES 12:15 ပူးပေါင်းရင်းမြစ်များ

2 SAMUEL 15:1

Lapasa aijo' i Absalom nompotokamo sa'angu' na kaleta tibamo ajahannyo anu opake mahampate ka' aha limampulu' na mian anu monsangalui ia.

2 SAMUEL 16:2

Pinokilawa i Daud hi ia, “Baumo apaa na aiya iwi-iwi'?” Tinaaman i Ziba, “Keledai haha aiya anu bau kasake'an obee'mo hi belento Tomundo' sa'anakan, roti tiba bua-bua' haha aiya obee'mo hi to posa-posaihon nu belento Tomundo' ka' anggur anu o inum aiya obee'mo hi aha anu nalawemo kiijo' i padang anu mapeges.”

1 TOMU-TOMUNDO' 1:33

notataemo na i tomundo' hi aha, “Laga mae na to sulu-suludadungku anu matangkas na pangkatnyo ka' lako' tiba aha hi Salomo anaku momo'ane. Posake' mae na ia i bagalku, ka' boa na ia i mata nu uee Gihon.

YESAYA 41:14

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

YESAYA 62:11

Tumpu mombee'imo potunon sumo uuka hi aha songko-songko na dunia, “Poto'i hi aha anu jojoong i Sion, ‘Toa, Tumpu anu Momposalamat tinokamo! Ia sinangaluan mae nu to mia-mian anu pinobebasnyomo.’ ”

MIKHA 4:8

Ka' beleyum Yerusalem tampat nu Tumpu monjagai mian-Nyo anu palesayamo susumo polaya' anu monjagai tompukan nu dombanyo, beleyum po ule'mo timbali puso nu kota' nu kalaja'an nu belemiu susumo u'utu mae momona.

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

MATIUS 21:5

“Taeakon hi Sion, Tomundo'um tinokamo hi komiu. Ia madi' kotige-tige ka' sinumake' i sa'angu' na keledai, sa'angu' anak nu keledai anu daagi' ise'.”

YOHANES 12:14

I Yesus nohumpak sa'angu' na keledai bata'nyo, ka' sinake'annyo. Sahingga tinimbalimo na anu tinulis i uno nu Kitab nu Tumpu:

PO'ULE' INGULIT 17:16

Tomundo madi' timbali ko ajahan manjoo' anu nusake'i nu suludadunyo ka' madi' timbali mompalentah bansa aiya minsusule' i Mesir mamba mongoli ajahan kalana Tumpu notataemo tukoo-Nyo mian anu pinalesayamo hi Ia madi'mo timbali minsusule' i lipu' aijo'.

TO MIA-MIAN KOPIAN 12:14

Anaknyo anu to momo'ane aha patompulu' ka' to maku-makumpunyo anu to momo'ane aha tolumpulu'. Aha toto samian daagi' ko keledai toto sa'angu'an bau kasake'an. Inguwalu' na taun na kinopinnyo mian nu Israel pinalentah i Abdon.

TO MIA-MIAN KOPIAN 5:10

Obelemiu anu monsilakai keledai mopute', belemiu anu suha-suhang i ampas anu ma'ima', ka' belemiu iwi-iwi' anu lumajang tengke, polelemo na sisikon anu inguntung na nahampate aijo'!