YOHANES 11:53 - KITAB NU TUMPU ALLA LELE MA'IMAI'

⁵³ Sinaa aitu na nontampu'uni, aha anu mongkuasai Yahudi sinangaja'mo mompatei Yesus.

YOHANES 11:53 ပူးပေါင်းရင်းမြစ်များ

KAJADIAN 37:18

Daagi' jo'o-jo'on tinoamo mae nu aha na i Yusuf, ka' ma'isa pe'e ia tinoka hi aha, aha sinangaja'mo kahanda' mompateimo ia.

NEHEMIA 13:21

Pinoto'ingkumo hi aha, “Palasuma na belemiu montanda'i sampe dodop subu i kiijo'. Ingat, de po'ule' obau nubelemiu atina', ku babaumo na belemiu!” Nolengkat pe'e i sinaa aitu aha madi'mo toho' tinoka i sinaa nu Sabat.

NEHEMIA 4:16

Panyo mulai i sinaa aitu, ola sambahagian na mian anu mokalaja, ka' sambahagian mule' balajaga-jaga saja'mo mompusok baju' anu bau pahampate ka' mintoongon talombo', kanta ka' pana'. To pola-polaya' nu mian da'isan totu-totu'u nombee'imo bantuan anu sukup hondo hi mian da'isan,

MAZMUR 113:2

Sanggonyo obebakonmo uuka aiya ka' sansina-sinaa.

MAZMUR 2:2

To tomu-tomundo' nu dunia singkapmo sinumikakan tinuminjo ka' to mia-mian anu montoongi kakuasa'an binasale'mo mongewa Tumpu ka' tomundo' anu pinile'an-Nyomo.

MAZMUR 31:13

Aku kinolilimanmo susumo mian anu sinilakamo, ka' mule' tinimbalimo susumo balang anu ingalinmo.

MAZMUR 71:10

kalana iwi-iwi' na anu monsampobali' mae aku mombisalakonmo aku, to mia-mian anu kahanda'mo monsilakai mae aku nosa'angu'mo.

YEREMIA 38:15

Aku nontaami, “De ku poto'i na anu sahondo-hondonyo, tantu belento Tomundo' monabu'akonmo mae hukuman mompatei hi belengku; ka' de aku mombee'i pokinde', belento Tomundo' madi' ahi' montuluti pokinde' aijo'.”

YEREMIA 38:4

Sahingga nambamo na to mia-mian anu ko pangkatnyo haha aijo' hi tomundo' ka' nompoto'i, “Mian aiya tionyo ahi' opatei na hukumannyo. Kalana sababnyo ia nontaloakonmo susumo aijo' sahingga to sulu-suludadu ihentemo na kinyonyoa nu aha iwi-iwi' ka' mian sangga'at anu daagi' jinojoong ikota' aiya. Ia madi'mo nontulungi mian da'isan panyo ola mule' ahi' nonsilakaimo aha.”

MATIUS 12:14

Panyo to mia-mian nu Farisi nompala'i laigan pogalejaan aijo', lantas binasale' da opateimo na i Yesus.

MATIUS 16:21

I mulaan lengkat tempo'nyo aijo', i Yesus notatae pinotantu-Nyomo hi anu saja' mombatuki Ia, tukoonyo Ia tionyo mamba i Yerusalem, ka' mongoa'i manjoo' na kasansala'an lengkat i to pola-polaya', to ima-imam kapala ka' to gulu-gulu' agama. Ia tionyo o silakai, panyo sinaa kototolu'nyo Ia po'ule'mo opotumuu'.

MATIUS 22:46

Madi' ko samian pe'e na noko taami i Yesus. Ka' lengkat pe'e i sinaa aitu, madi'mo daagi' ko anu baani mompokilawa apa-apaa hi Ia.

MATIUS 26:4

Aha binasale'mo da mohakopmo i Yesus hoko-hokot, ka' mompatei Ia.

MATIUS 26:59

Kapala nu to Ima-imam, ka' iwi-iwi' Mian Kopian Daka' nu Agama bala usaha da mohumpak katalangan anu madi' totu'u, da timbali monabu'akon hukuman mate hi Yesus.

MARKUS 14:1

Daagi' uansinaa Sinaamo nu Paskah ka' Molame'akonmo Roti anu Madi' ko Raginyo. Kapala nu to imam-imam ka' to gulu-gulu' agama hau-haunyo molio jalan da mohakop i Yesus ka' madi' ko hengge-hengge' da o patei na Ia.

MARKUS 3:6

Sahingga to mia-mian nu Farisi nompala'i laigan pogalejaan aijo', lantas aha binasale' lia-lia' tiba to pia-piangkuka na mian anu monsangaja'i Herodes, da opatei na i Yesus.

YOHANES 11:47

Kalana aijo' to mia-mian nu Farisi tiba to Kapala-kapala nu imam nombau sale' tiba Mian Kopian Daka' nu Agama. Aha notatae, “Apaa na tionyo obaunto? Mian aijo' mombau manjoo' na anu okabangangi!

YOHANES 12:10

Aijo' na sababnyo to kapala-kapala nu imam kahanda' mompatei i Lazarus suele.

YOHANES 7:1

Lapas aijo' i Yesus nambamo noyaya i Galilea. Ia madi' mongka'oho' mamba i tano' nu Yudea kalana anu mongkuasai Yahudi i kiijo' mae kahanda'mo mompatei Ia.

SISIKON NU TO RASUL-RASUL 5:33

Salatan to sanga-sangalunyo nu Mian Kopian Daka' nu Agama nohongomo aijo', aha pinusamo hondo ka' aha nosa'angu'mo na tanga'an da mompateimo to rasul-rasul haha aijo'.

SISIKON NU TO RASUL-RASUL 9:23

Salatan tinompoliumo to pia-pia manga, to mia-mian Yahudi nomposa'angu'mo tanga'an da mompatei i Saulus.