YOHANES 11:51 - KITAB NU TUMPU ALLA LELE MA'IMAI'

⁵¹ Sabenannyo i Kayafas nontaloakon sumo aijo' misa' kalana posi pikilannyo. Panyo salaku imam daka' i taun aitu ia nompoto'imo anu saidi' mae timbali, aijo'mo i Yesus silaka bau kapentingan nu bansa Yahudi.

YOHANES 11:51 ပူးပေါင်းရင်းမြစ်များ

NOSABATMO 28:30

Pokonai Urim ka' Tumim i uno nu anu opa-opake i saha'an aijo' da nupake i Harun de ia mangadapmo mae hi beleng-Ku. De tempo'nyomo susumo aijo' tionyo ahi' saja' mompake anu opa-opake i saha'an, da nusumbu' pa' mosia na pongka'oho'-Ku kona hi aha mian nu Israel.”

DANIEL 9:26

De lapasmo na aijo' polaya' anu pinile'anmo nu Tumpu opateimo, padahan ia madi' ko kasala'an. Sahingga tokamo mae na suludadu nu tomundo', samian na anu baani hondo lantas mohansunimo kota' Yerusalem tiba Laigan nu Tumpu. Kakiamatan tokamo mae susumo iaba' anu momboamo mae pahampahampatean tiba kahansunan susumo anu tinantukanmo nu Tumpu.

NOMBILANGMO 22:28

Lantas kinuasanmo nu Tumpu na keledai aijo sahingga noko alamo notatae. Koonyo nu binatang aijo' hi Bileam, “Apaa na anu binaungkumo hi belento Tuan, sahingga belento Tuan nondokemo aku pinintolun?”

NOMBILANGMO 24:2

ka' nontoamo bansa Israel anu hau-haunyo nombaumo kemah toto sanggombu na tulunan nu bansanyo. Lantas Roh nu Tumpu Allah nongkuasaimo i Bileam,

MATIUS 20:28

Pokakana sumo Anak nu Mian aijo' suele Ia toka misa' da okalibosi, panyo da mongkalibosi, ka' mombee' nyawa-Nyo bau pompobebas mian da'isan.”

YOHANES 11:49

Samian anu kiijo' hi aha sanggonyo i Kayafas, imam daka' i taun aijo' notatae, “Komiu madi' ko anu opisumbu-sumbu'.

YOHANES 18:13

Momoona binoa nu aha na i Yesus mangadap hi Hanas monian i Kayafas. I Kayafas aijo' imam daka' i taun aijo'.

1 KORINTUS 13:2

Mau mule' aku pande na mompotokakon lele lengkat mae hi Tumpu, ka' monsumbu' iwi-iwi' ilimu', ka' monsumbu' iwi-iwi na apaa, ka' mule' talalo palesaya hi Tumpu sahingga timbali moko ala molalin bungkutnyo, panyo aku madi' mongkalibosi to mia-mian sangga'at, saba' aku madi' ko alati'nyo apa-apaa!

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

1 YOHANES 2:2

I Yesus Kristus na mombolosakon da iwi-iwi' na dosa'to o ampuni. Ka' misa' ola dosa'to panyo suele tiba dosa' nu iwi-iwi' mian.

1 SAMUEL 23:9

Panyo sinumbu'mo i Daud na i Saul ko kahanda'mo ma'idek hi ia. Kalana aijo' pinoto'inyomo hi Imam Abyatar, “Boa mae na baju' nu imam itina' mo uuka mae.”

1 SAMUEL 28:6

Lantas ia nompoitamo pokinde' lengkat hi Tumpu, panyo Tumpu madi' nontaami, mau pa' ingipi kabai maumo nompake Urim ka' Tumim da osumbu' na kahanda' nu Tumpu kabai pa' nu poto'i nu to nabi-nabi.