YOHANES 11:47 - KITAB NU TUMPU ALLA LELE MA'IMAI'

⁴⁷ Kalana aijo' to mia-mian nu Farisi tiba to Kapala-kapala nu imam nombau sale' tiba Mian Kopian Daka' nu Agama. Aha notatae, “Apaa na tionyo obaunto? Mian aijo' mombau manjoo' na anu okabangangi!

YOHANES 11:47 ပူးပေါင်းရင်းမြစ်များ

MATIUS 26:3

Tempo'nyo aitu Kapala nu to Ima-imam ka' to pola-polaya' nu Yahudi binala gombumo i laigan daka' nu Imam Daka' Kayafas.

MATIUS 5:22

Panyo uuka Aku motatae hi beleyum, ihe na pusa hi mian sangga'at, tionyo o putusi na palakalanyo; ka' ihehe na monguduli mian sangga'at, tionyo o putusi na palakalanyo i ahop nu Mian Kopian Daka' nu Agama. Ka' ihehe na montaloakon hi mian sangga'at, ‘Talalo ponga'’, patut o alin i uno nu apu nalaka.

MARKUS 14:1

Daagi' uansinaa Sinaamo nu Paskah ka' Molame'akonmo Roti anu Madi' ko Raginyo. Kapala nu to imam-imam ka' to gulu-gulu' agama hau-haunyo molio jalan da mohakop i Yesus ka' madi' ko hengge-hengge' da o patei na Ia.

LUKAS 22:2

Kapala nu to ima-imam tiba gulu-gulu' agama hau-haunyo molio jalan da o patei na i Yesus hoko-hokot, kalana aha nabuhuk hi mian da'isan.

YOHANES 11:57

Aha nontaloakon sumo aijo' kalana to kapala-kapala nu imam tiba to mia-mian nu Farisi nompalentahkonmo da ihe na mian anu monsumbu' iyana kajojoongan i Yesus, tionyo mompoto'i mae da Ia o hakopmo.

YOHANES 12:19

Sahingga to mia-mian Farisi notatae samian ka' samian, “Kita madi' moko ala mombau apa-apaa! Toamo ahi', songko-songko na dunia mamba mombatuki Ia!”

YOHANES 2:11

Aijo'mo na anu okabangangi momonanyo binau i Yesus. Binaunyo na aijo' i Kana i tano' nu Galilea. Tiba tanda aijo' Ia nompotoamo katalasanggoan-Nyo. Sahingga anu saja' mombatuki Ia, pinalesayamo hi Ia.

YOHANES 6:2

Salatan tinokamo i kiijo' da'isan na mian nombatukimo Ia, kalana aha nontoamo anu okabangangi binau-Nyo, i nompa'alin to mia-mian masakit.

YOHANES 7:32

To mia-mian nu Farisi nohongomo mosia na mian da'isan haha aijo' mompaha oyo-oyong mongkona i Yesus. Kalana aitu, hingga-hinggat tiba to kapa-kapala nu imam, aha nonsaimo to pia-piangkuka ponjagai Laigan nu Tumpu mamba mohakop i Yesus.

YOHANES 7:45

Tempo'nyo anu monjagai Laigan nu Tumpu sina-sinai mamba mohakop i Yesus ninsusule'mo mae, to kapa-kapala nu imam tiba to mia-mian Farisi nompokilawamo hi aha, “Ka' kadaka' komiu madi' nomboa mae Ia?”

SISIKON NU TO RASUL-RASUL 5:21

Sahingga to rasul-rasul aijo' nombatukimo potuunon nu Malaikat aijo'. Daagi' subu-subu hondo aha nambamo nokiijo' i Laigan nu Tumpu ka' mulai nongajan i kiijo'. Hau-haunyo aitu imam daka' ka' anu saja' mombatuki ia tinokamo, lantas nombaumo putusan na Mian Kopian Daka' nu Agama tiba to pola-polaya' nu Yahudi. Lapas aijo' aha nonsaimo mian mamba mongala to rasul-rasul aijo' i uno nu talungku' da oboa mangadap hi aha.

SISIKON NU TO RASUL-RASUL 5:24

Salatan to sulu-suludadu anu monjagai Laigan nu Tumpu ka' to kapa-kapala nu imam nohongo potatae aijo', aha biningungmo mongkona to rasul-rasul haha aijo', ka' nabuhukmo pa' apaa na anu timbali.