YOHANES 11:44 - KITAB NU TUMPU ALLA LELE MA'IMAI'

⁴⁴ Lantas nosabat na mian anu sinilakamo aijo'. Lima ka' tengkenyo daagi' hau-haunyo binalunan nu hude pinonsaput, ka' i ohupnyo kuku-kukub na hude pinongkukubi ohup. “Bukai na hude pinonsaput da ia moko ala lumajang,” koo-Nyo i Yesus hi to mia-mian anu i kiijo'.

YOHANES 11:44 ပူးပေါင်းရင်းမြစ်များ

KAJADIAN 1:3

Tumpu notatae, “Timbali na jingka”! Lantas kino jingkamo.

MAZMUR 33:9

Kalana Ia notatae, lantas iwi-iwi' pinotimbalimo Ia nompalentahmo, sahingga iwi-iwi' daagi'mo.

HOSEA 13:14

Bansa aiya madi'mo Ku posalamat i kakuasa'an nu dunia nu mian anu sinilakamo. O kasilaka'an loloakonmo na panyakit anu molele! Baumo na pakalaja'an nu beleyum anu lewa-lewa' mohansuni aijo'! Aku madi'mo daagi' mongkalibosi bansa aiya.

MARKUS 5:43

I Yesus nompoliwa' hondo mompoto'i han aijo' mau mule' pa' hi he. Lantas koo-Nyo, “Bee'i mongkaan na anak aijo'.”

LUKAS 19:20

Pokauhon sangga'at tinoka ka' notatae, ‘Tuan, aiya na dointo Tuan, pino'una'ku i lenso.

LUKAS 7:15

Olitau anu sinilakamo aijo' nobulamo, sinumuhang ka' nontampu'uni binasisik. Lantas binee'mo i Yesus hi tinanyo.

YOHANES 10:30

Aku tiba Tuuma sa'a-sa'angu'nyomo.”

YOHANES 11:39

“Hangkat na batu aijo',” koo-Nyo i Yesus. I Marta, utus nu mian anu sinilaka aijo' nontaami, “Panyo Tumpu, ia patonsinaamo na i lamun. Tantu nabusikmo!”

YOHANES 11:43

Noko taloakon aijo', i Yesus notataemo daka-daka', “Lazarus, posabat!”

YOHANES 19:40

Ua-ua'aha na mian aijo' nongala bangke' i Yesus ka' sinaputnyo na butong-Nyo nu hude ponsaput tiba lampa-lampa manohong aijo' sumo adat molamun nu aha mian Yahudi.

YOHANES 20:5

Ia nolenga nokaiyong i uno nu pinolamunan, nontoa hude pinonsaput timpa-timpas i kiijo', panyo ia madi' ninsoop.

YOHANES 20:7

Panyo hude anu pinosegot i ubak i Yesus madi'mo ko anu kiijo' oha-ohani, panyo kumu-kumun nanintademo.

YOHANES 5:21

Tuuma aijo' po'ule' mompotumuu' mian mate, ka' mombee'i aha kantumuu'an anu talakana' ka' toka sidu-sidutu'; sumo aitu mule' Anak mombee'i kantumuu'an sidu-sidutu' hi mian anu nuka'oho' Nubee'i kantumuu'an.

YOHANES 5:25

Palesayamo: Tokaje na tempo'nyo – aitu pe'e tinokamo na tempo'nyo – mian mate mohongo potatae nu Anak nu Tumpu. Ka' mian anu mohongo Ia tumuu'.

FILIPI 3:21

Butongto anu madi' mahoson ka' anu timbali mohonsu aiya nubali'ije i Kristus timbali sumo butong-Nyo anu talasanggo. Ia timbali moko ala mombau aijo' kalana Ia daagi' ko kuasa mompatundu' iwi-iwi na apaa.

ANU PINOTO'I HI YOHANES 1:18

Akumo na Ia anu tinumuu'mo! Aku sinilakamo, panyo toamo, Aku tumuu'mo sampe toka sidu-sidutu'. Aku mongkuasai kapatean, ka' i dunia nu mian anu i natemo.

1 SAMUEL 2:6

Tumpu mompatei, ka' mule' Ia mompotumuu' I dunia nu mian anu sinilakamo tinau akon-Nyomo na manusia. Ka' mule' Ia na mohangkat lengkat i kiijo'.