YOHANES 11:41 - KITAB NU TUMPU ALLA LELE MA'IMAI'

⁴¹ Sahingga i hangkat nu aha na batu aijo'. Lapas aijo' i Yesus nontihanga langit ka' notatae, “Talima kaseh Tuuma, kalana kita nohongomo Aku.

YOHANES 11:41 ပူးပေါင်းရင်းမြစ်များ

MAZMUR 123:1

Nyanyian mamba i tampat anu ko balakatnyo. Aku nonsinda Belento O, Tumpu anu mompalentah mae kiita' i suluga'.

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

MATIUS 11:26

Aijo'mo na anu momposanang kinyonyoa nu Tuuma.”

MATIUS 27:60

Lantas aitu, ia nompo'una' mayat i Yesus i uno nu kubulan posi anunyo anu binaunyo i uno nu sa'angu' na bungkutnyo nu batu. Lapas aijo', ia nolingginakonmo batu daka' bau pongkulubi bau pontumban bolo' aijo', lantas ia namba.

MARKUS 15:46

Lantas i Yusuf nongolimo hude bau ponsaput, aitumo lenan anu ma'ima' ka' lapas aijo' nontau' akonmo bangke' i Yesus, sinaputnyo nu hude aijo'. Lapas aitu pino'una'nyomo na bangke' aijo' i uno nu sa'angu' na kubulan anu binau i uno nu bungkutnyo nu batu. Lapas aijo' i lingginakonnyo na sa'angu' na batu daka' pongkulubi kubulan aijo'.

LUKAS 10:21

Tempo'nyo aitu suele, i Yesus binilahimo kalana kinuasanmo nu Roh nu Tumpu. I Yesus notatae, “Tuuma, Tumpu anu mongkuasai langit tiba tano'! Aku montalima kaseh hi Belento kalana iwi-iwi' aijo' pinohowinintomo hi to mia-mian anu pande tiba anu ko ilimu', panyo pinotiju' nu Belento hi to mia-mian anu madi' binalagulu'. Aijo'mo na nomposanang kinyonyoa nu Kita Tuuma.

LUKAS 18:13

Panyo topo tage hasin aijo' tinuminjo jo'o-jo'on ka' madi' baani montihanga langit. Ka' nompanyamo saha'annyo ia notatae, ‘O Tumpu, kalibosiakon na aku mian baladosa' aiya!’ ”

LUKAS 24:2

I pinongkubunan tinokan nu aha batu pinongkulubi nolingginmo.

YOHANES 11:22

Mau mule' sumo aitu kusumbu', uuka aiya Tumpu mombee' mau mule' pa' apaa na opoita nu kita Tumpu hi Ia.”

YOHANES 17:1

Noko potatae sumo aijo', i Yesus nontihanga langit ka' notatae, “Kita Tuuma, u'uka aiya tinokamo na tempo'nyo. Popodaka'mo na Anak-To, da Anak-To suele mompodaka' kita Tuuma.

YOHANES 20:1

Subu-subu i sinaa nu duminggu daagi' pintung, i Maria Magdalena namba i pinolamunan. Tinoanyo na batu pinongkulubi tinondedensu'mo lengkat i bolo' nu pinolamunan aijo'.

SISIKON NU TO RASUL-RASUL 7:55

Panyo i Stefanus anu kinuasanmo nu Roh nu Tumpu, nonsinda langit. Ia nontoamo kadaka'an nu Tumpu ka' i Yesus tinuminjomo i tampat kakuasa'an sasu koanan nu Tumpu.

FILIPI 4:6

Boli bata-bata maumo pa'apaa. I uno nu iwi-iwi' na han, balado'a ka' potoka na poitaon miu hi Tumpu. Apaa na anu opalalui miu, saja' opoto'i na aijo' hi Tumpu, ka' montalima kase.