YOHANES 11:4 - KITAB NU TUMPU ALLA LELE MA'IMAI'

⁴ Salatan i Yesus nohongo lele aijo', Ia notatae, “Panyakit aiya madi' mule' monsaduakon kasilaka'an. Aiya timbali da Tumpu Allah opopodaka', da kalana jalan anu sumo aijo' Anak nu Tumpu Allah singkona opopodaka'.”

YOHANES 11:4 ပူးပေါင်းရင်းမြစ်များ

NOSABATMO 16:7

Dodop daagi' subu belemiu montoamo jingka salaku tanda Tumpu tokamo. I hongomo nu Tumpu na belemiu saja'mo motambuha' hi Ia; memang, hi Tumpu kalana kami aiya ola mombau apaa na anu pinalentahkon-Nyomo.

YOHANES 10:38

Panyo kalana Aku mombau palentah-Nyo, opalesaya apaa na anu Kubau aijo', mau mule' komiu madi' mongka'oho' palesaya hi beleng-Ku. Atina'je ka' osumbu' miu, ka' mangalati' taalu' Tuuma tataap mosa'angu' tiba Aku, ka' Aku tataap mosa'angu' tiba Tuuma.”

YOHANES 11:40

I Yesus notatae hi Marta, “Te misa' tinaloakon-Kumo hi beleyum: De beleyum palesaya, nu toaje palias na kodaka'nyo na kuasa nu Tumpu!”

YOHANES 12:28

Tuuma popodaka' na sanggon-To!” Lantas i hongo na potatae lengkat i langit nontaloakon, “Pinopodaka'-Kumo, na sanggo-Nyo ka' po'ule'je Ku popodaka' na Ia.”

YOHANES 17:1

Noko potatae sumo aijo', i Yesus nontihanga langit ka' notatae, “Kita Tuuma, u'uka aiya tinokamo na tempo'nyo. Popodaka'mo na Anak-To, da Anak-To suele mompodaka' kita Tuuma.

YOHANES 17:10

Iwi-iwi' na anung-Ku, i Tuuma suele na tumpunyo; ka' iwi-iwi' na anu nu kita Tuuma, Aku suele na tumpunyo. Aku opopodaka' aijo' hi aha.

YOHANES 17:5

Kita Tuuma! Popodaka'mo na Aku u'uka aiya hi kita Tuuma nu kadaka'an anu daagi' hi beleng-Ku, ka' hi kita Tuuma, ma'isa pe'e dunia aiya pinotimbali.

YOHANES 2:11

Aijo'mo na anu okabangangi momonanyo binau i Yesus. Binaunyo na aijo' i Kana i tano' nu Galilea. Tiba tanda aijo' Ia nompotoamo katalasanggoan-Nyo. Sahingga anu saja' mombatuki Ia, pinalesayamo hi Ia.

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

YOHANES 8:54

I Yesus nontaami, “De Aku molio da o'adati na butong-Ku, pongadati aijo' madi' ko kaliangannyo! Anu mongadati Aku aijo'mo Tuumang-Ku anu osa-osanggohi Tumpu,

YOHANES 9:24

Lantas aha po'ule' nolaga mian anu u'ukanyo mapisok aijo' ka' notatae hi ia, “Basumpa' da beleyum motatae anu sahondo-hondonyo. Osumbu' mami mian aijo' mian baladosa'.”

YOHANES 9:3

I Yesus nontaami, “Ia mapisok misa' kalana dosa'nyo, kabai dosa' nu tu'anyonyo, panyo da mian montoa kuasa nu Tumpu anu nokalaja i uno nu butongnyo.

ROMA 11:11

Ku pokilawa mule': Tempo'nyo mian nu Yahudi nanabu'mo, te aijo' tinimbalimo da aha mohopu'? Madi' sahondo-hondonyo! Panyo kalana aha baladosa', sahingga ola ahi' bansa sangga'at na pinosalamat, sahingga nonsabapimo mian nu Yahudi nasakitmo na kinyonyoa hi bansa sangga'at aijo'.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

FILIPI 1:20

Anu talalo ku ka'ima'i ka' kugagan aijo'mo da boli hondo-hondo aku madi' mingkaliangan i uno nu kalajangku. Panyo ahi' kugagan da iwi-iwi' na tempo' lebe-lebe mule' uuka aiya, aku timbali baani sahingga i uno nu kantumuu'anku – pa' aku tumuu' kabai silaka – i Kristus na opopodaka'.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

1 PETRUS 4:11

Mian anu mompotokakon lele, tionyo ahi' mompotokakon lele anu lengkat mae hi Tumpu; mian anu mongkalesang kapalaluan nu mian sangga'at, tionyo mongkalesang nu kahosonan anu lengkat mae hi Tumpu, da i uno nu iwi-iwi na han, Tumpu na opopodaka' kalana i Yesus Kristus. Ia na anu ko kuasa ka' patut opopodaka' sampe toka sidu-sidutu'. Amin.

1 PETRUS 4:14

Komiu mohumpakmo dale' de komiu o jojoa, kalana komiu anu saja' mombatuki i Kristus. Aijo' alati'nyo Roh anu opopodaka', aijo'mo Roh nu Tumpu anu daagi'mo itina' hi belemiu.