YOHANES 11:39 - KITAB NU TUMPU ALLA LELE MA'IMAI'

³⁹ “Hangkat na batu aijo',” koo-Nyo i Yesus. I Marta, utus nu mian anu sinilaka aijo' nontaami, “Panyo Tumpu, ia patonsinaamo na i lamun. Tantu nabusikmo!”

YOHANES 11:39 ပူးပေါင်းရင်းမြစ်များ

KAJADIAN 23:4

“Aku aiya mian anu i salipu'an mae jojoong i totonga' nu belemiu to Utu-utus, pobee' mae na aku mongoli santake na tano' bau polamunanku bengkele'ku.”

KAJADIAN 3:19

Sansala ka' malisongu na mokalaja da tano' mohasinakon apa-apaa, sampe beleyum po'ule'mo minsusule' i tano', kalana beleyum tano' na kinompon. Beleyum tano' na binau ka' po'ule' minsusule' i tano'.”

MAZMUR 49:14

Sumo aijo'mo na uki' nu mian anu montakabunakon butongnyo, ka kantumuu'an nu mian aiya mae i ahop anu ola saja' mongka'ima'i potataenyo.

MAZMUR 49:7

Aha aijo' talalo ahi' montakabunakon kakaya'an nu aha ka' mombuulakon halata' nu aha.

MAZMUR 49:9

Maumo apaa na nu bee' madi' moko ala monsukupi; talalo ahi' mahan na olinyo bau pontobus nyawanyo,

MARKUS 16:3

I tonga' nu jalan aha notatae samian ka' hi sangga'at, “Ihe na moko ala montulungi kita mohangkatakon batu pontumban bolo' nu kubulan?” Kalana batu aijo' daka' hondo. Panyo sinaintoka na aha i kiijo', tinoa nu aha batu aijo' nolingginmo.

YOHANES 11:17

Salatan i Yesus tinokamo i tampat aijo', i Lazarus patonsinaamo na kopiinnyo i lamun.

SISIKON NU TO RASUL-RASUL 13:36

I Daud sinilakamo ka' kinubun mule' nohingga-hinggat tiba mompolee'nyo, noko bau na ia apaa na anu sinaiyakonmo nu Tumpu Allah. Bangke' i Daud suele nahutakmo ka' ningkotmo iwi-iwi'.

SISIKON NU TO RASUL-RASUL 2:27

Kalana Beleyum madi' mompojohok butongku jojoong i uno nu dunia mian mate. Beleyum madi' mompojohok posaihon-Um anu mohongo-hongo aijo' magalis ka' mingkot.

FILIPI 3:21

Butongto anu madi' mahoson ka' anu timbali mohonsu aiya nubali'ije i Kristus timbali sumo butong-Nyo anu talasanggo. Ia timbali moko ala mombau aijo' kalana Ia daagi' ko kuasa mompatundu' iwi-iwi na apaa.