YOHANES 11:24 - KITAB NU TUMPU ALLA LELE MA'IMAI'

²⁴ I Marta nontaami, “Kusumbu' i Lazarus po'ule'je tumuu' de mian mate po'ule'mo opotumuu' i Sinaa Kakiamatan.”

YOHANES 11:24 ပူးပေါင်းရင်းမြစ်များ

MAZMUR 17:15

Panyo aku na daagi' ahi' montoa Belento, kalana aku madi' ko kasala'an. Salatan aku mobulamo, kinyonyoangku lame'mo kalana Belento tokamo mae.

YESAYA 25:8

Tumpu Anu Daka' na kausanyo mompateimo anu monsaduakon kapatean sampe toka sidu-sidutu'! Nu sapuimo na lolu' hi iwi-iwi' na ohup ka' mompojo'onmo anu monsaduakon sahingga ma'ambang, anu tinanggungmo nu mian anu palesayamo hi Ia isongko-songko na dunia aiya. Tumpu notataemo, ka' han aijo' memang tionyo ahi' jadi.

YESAYA 26:19

Mian anu palesayamo hi Belento sisinilakamo saidi' mae po ule'mo tumuu', bangke-bangke' nu aha po ule'mo tumuu'. Mian anu ilamunmo i uno nu tano' saidi' mae po ule'mo tumuu' ka' lame'mo na lewa' molo ais. Sumomo dondu'ok mompoloopmo tano', Belento mompotumuu'mo mian anu palesayamo hi Belento anu pini-pininmo na sinilaka.

HOSEA 13:14

Bansa aiya madi'mo Ku posalamat i kakuasa'an nu dunia nu mian anu sinilakamo. O kasilaka'an loloakonmo na panyakit anu molele! Baumo na pakalaja'an nu beleyum anu lewa-lewa' mohansuni aijo'! Aku madi'mo daagi' mongkalibosi bansa aiya.

HOSEA 6:2

I uno nu uansinaa kabai tolunsinaa aiya, Ia mompa'alinmo kita, ka' kita tumuu'mo i uno nu ponjaga'an-Nyo.

LUKAS 14:14

Beleyum obalakati, kalana mian haha aijo' madi' moko ala mombalosi ka'ima'anum. Ka'ima'anum nubalosije nu Tumpu, de to mian-mian anu ma'ima' po'ule'mo je opotumuu' mau ia silakamo.”

YOHANES 11:23

“Utusum po'ule' tumuu',” koo-Nyo i Yesus hi Marta.

YOHANES 6:39

Ka' aiya na kahanda'-Nyo nu anu nonsai mae Aku: Da iwi-iwi' na mian anu binee'mo hi beleng-Ku, madi' ko samian pe'e na molapus; panyo da po'ule' Kupotumuu' na aha i Sinaa Kakiamatan.

YOHANES 6:40

Memang aiyamo na nuka'ima'i nu Tuumang-Ku: Da iwi-iwi' na anu montoa Anak ka' palesaya hi Ia ko kantumuu'an anu talakana' toka sidu-sidutu', ka' po'ule' Kupotumuu' i Sinaa Kakiamatan.”

SISIKON NU TO RASUL-RASUL 24:15

Pokakana sumo aha, aku suele montaha'imani hi Tumpu, saba' iwi-iwi' na mian mompo'ule' tumuu' de silakamo – to mia-mian anu ma'ima', mau pe'e to mia-mian anu ma'idek!

IBRANI 11:35

Kalana bala'iman, sahingga po'ule'mo i humpak nu to bou-boune na to mia-mian anu sinilakamo. Daagi' mule' ko anu i halala'mo na osakisa sampe sinilakamo, ka' madi'mo ko kahanda' opotumuu', kalana mongka'ima'imo po'ule' opotumuu' da mohumpak kantumuu'an anu lebe ma'ima'.