YOHANES 11:19 - KITAB NU TUMPU ALLA LELE MA'IMAI'

¹⁹ Da'isan na mian nu Yahudi tinoka hi Marta ka' hi Maria mongindeko' aha, kalana utus nu aha sinilakamo.

YOHANES 11:19 ပူးပေါင်းရင်းမြစ်များ

KAJADIAN 37:35

Iwi-iwi' na to ana-anaknyo, to momo'ane, kabai to bou-boune toka mongindeko'. Ia notatae, “Sidutu' silaka na aku, aku saja' mohangi anakku.” Sumo aijo'mo na ia saja'mo nolibos monginau', kalana i Yusuf anaknyo sinilakamo.

2 SAMUEL 10:2

Lantas notataemo na i Tomundo' Daud, “I Nahas bela'ku anu manonong hondo. Jadi aku mule' tionyo mobela'mo ahi' tiba i Hanun anaknyo.” Kalana aijo' i Daud nonsaimo mian namba ilipu' Amon da mohase i Hanun kalana tuumanyo sinilakamo.

1 TAWARIKH 10:12

mian anu toto babaani hondo kiijo' hi aha nambamo nongala bangke' i Saul tiba bangke' nu to ana-anaknyo anu to momo'ane lantas binoamo nu aha i Yabes. I lamunmo nu aha na ia i patu nu sa'angu' na kau' anu daka', lapas aijo' aha binapuasa'mo ingipitun na kinopinnyo.

AYUB 2:11

Balaa' anu nontokaimo i Ayub ihongomo nu aha totolu' na to sanga-sangalunyo, aijo'mo i Elifas lengkat mae i kota Teman, i Bildad mian nu Suah ka' i Zofar mian nu Naamah. Aha nosangaja'mo mae toka nontoa ka' mombee'i pikilan ia da tokolo' susa na kinyonyoanyo.

AYUB 42:11

Iwi-iwi' na to utu-utus i Ayub mo'ane anu toto tu'a-tu'anyo tiba, to utu-utusnyo anu toto bou-boune iwi-iwi', ka' to mia-mian anu mompahasumbu' i Ayub u'utu mae, tinokamo mae nonsingkaboti lantas nombaumo bau-bauon tiba ia i laigannyo. Aha suele lewa'mo i humang kalana sinin na kasusa'an anu pinotokamo mae nu Tumpu hi Ayub, ka' nombee'imo pokinde' da boli talalo dodukalon na ia. Toto samian na aha nongkawaimo doi ka' sa'angu' na sinsing mosoni' hi Ayub.

ANU MOMPOLELE POTATAE NU TUMPU 7:2

Lebe ma'ima' mamba i laigan nu mian anu ko kasilakan; ka' de mule' ola mamba i tampat anu nombau bau-bauon. Kalana kita saja' ahi' monginau'; saba toto samian nu tanda'imo ahi' saba' toto samian nu tanda'imo ahi' nu kasilakan.

YESAYA 51:19

Beleyum nu tokaimo mae nu balaa' ohua' na ngahannyo; kalana mahampate lipu' nu beleyum hansunmo ka' layat nu beleyum silakamo nu ohop. Madi'mo daagi' koanu mongkalibosi ka' mohase' beleyum.

MOHAANGI 1:16

Aitu na sababnyo sahingga matangku i lolu'onmo, madi' ko anu mombee'i bau pombikas ka' mombee'i potatae anu moko sanang na kinyonyoa. Madi'mo daagi ko apa-apaa hi bansangku, kalana sampobali' na lebe balakuasa.

MOHAANGI 1:2

Sampahu toka sampahu ia humaang kalana sinusa'mo lolu'nyo jinumujumo i gagisingnyo. Madi' ko samian pe'e na to sindu-sindua'annyo na mongka'oho' mohase' ia. Ia kinabisa'anmo nu to sanga-sangalunyo anu tinimbalimo sampobali'nyo.

MOHAANGI 1:21

O, Tumpu! Potombihing pe'e mae na kasansala'anku madi' ko anu mombee'i potatae anu moko sanang aku, To sampo-sampobali'ku i lame'mo, kalana belento nombahayaimo aku. Potokamo mae na sinaa anu jinanji'mo nu belento aijo', baumo suele na aha da sansala susumo aku.

MOHAANGI 1:9

Inyata'mo hondo na kapahengasannyo panyo ia madi' mompajuli apaa na anu jinadimo i butongnyo. Talalo hondo ahi' na kinahansunannyo, panyo madi' ko samian pe'e na anu pohase' da sanang na kinyonyoanyo. Sahingga ia nomoitamo hi Tumpu da okalibosi mae, kalana to sampo-sampobali'nyo inguntungmo.

MOHAANGI 2:13

O Yerusalem, kota' Sion anu oka ima'i kinapohobo'an nu beleyum ko ewanyo sumomo ndalangon, Apaa na anu timbali ku poto'i da mombee'i potatae anu moko sanang? Kalana madi' toho' ko anu sinansala susumo beleyum. Maumo mosia madi' ko anu moko ala mompo ule'akon kantumuu'an nu belemiu.

LUKAS 10:39

I Marta ko utusnyo boune, sanggonyo i Maria. I Maria aiya sinumuhang koko hi Tumpu Yesus mohongo to poki-pokinde'-Nyo.

LUKAS 10:42

padahan anu penting ola sa'angu'. Ka' i Maria nompile'imo anu ma'ima', anu madi'mo timbali o ala aijo' hi ia.”

YOHANES 1:19

To mia-mian Yahudi anu ko kuasa i Yerusalem nompokau to ima-imam ka' to mia-mian nu Lewi namba hi Yohanes, ka' nompokilawa hi ia, “Beleyum aiya ihe?”

YOHANES 11:1

Samian anu sanggonyo i Lazarus jojoong i Betania tiba utusnyo i Maria ka' i Marta.

YOHANES 11:31

To mia-mian nu Yahudi hau-haunyo mongindeko' i Maria kiijo' i laigan, nontoa i Maria nobula ka' lia-lia' nosabat; saba' aha nambamo nombatuki ia, kalana aha monsangka ia mamba i kubun humaang.

YOHANES 11:33

Salatan i Yesus nontoa i Maria humaang, ka' to mia-mian nu Yahudi anu nojajaalan mae tiba i Maria aijo' singkona humaang, kinyonyoa-Nyo noliibosmo, ka' Ia tinongkoliibosonmo hondo na tinoa.

YOHANES 11:36

Sahingga to mia-mian nu Yahudi aijo' notatae, “Toa, paya'ii' na liibos-Nyo hi Lazarus!”

YOHANES 11:45

Da'isan na to mia-mian nu Yahudi anu toka mompaha pia i Maria, pinalesayamo hi Yesus salatan aha nontoa apaa na anu tinimbali aijo'.

YOHANES 11:8

Aha nontaami, “Kita Tuumangku Gulu', sala'je na to mia-mian nu Yahudi kahanda' mompahambunu'akon Kita Tuuma nu batu, ka' aiya Kita Tuuma mongka'oho' mule' minsusule' mokiijo' mae?”

ROMA 12:15

Suele lame' tiba to mia-mian anu lame'. Ka' humaang tiba mian anu humaang.

2 KORINTUS 1:4

Ia mompohoson kinyonyoa mami i uno nu kasusa'an anu o'oa'i mami, da kahosonan anu otalima mami lengkat hi Tumpu aijo', kami suele timbali mompohoson kinyonyoa nu iwi-iwi' mian anu i uno nu kasusa'an.

1 TESALONIKA 4:18

Kalana aijo' tionyo ahi' komiu mompaha poho-pohoson kinyonyoa ka' mompake potatae haha aijo' sumo uuka.

1 TESALONIKA 5:11

Kalana aijo', tionyo ahi' komiu tataap mompaha kakehaakon ka' mompaha poho-pohoson sumo anu binaumo miu uuka aiya.

1 SAMUEL 31:13

Iwi-iwi' na bukunyo pinolimu' nu aha ka' ilamun nu aha ipatuu nu kau' tamariska anu kiijo' i kota' aijo', lapas aijo' aha binapuasa'mo pinitunsinaa na kinopinnyo.